Норвешкиот болничар Мадс Гилберт, кој секојдневно се обидува да спаси животи на недолжни цивили во болницата Шифа во појасот Газа, упатил писмо до американскиот претседател Барак Обама во кое раскажува за страдањата и загубените животи на цивилното население во регионот.
 

Норвешкиот болничар Мадс Гилберт, кој секојдневно се обидува да спаси животи на недолжни цивили во болницата Шифа во појасот Газа, упатил писмо до американскиот претседател Барак Обама во кое раскажува за страдањата и загубените животи на цивилното население во регионот.

„Изминатата ноќ беше екстремна. „Копнената инвазија“ врз Газа резултираше со мртви, крвави, распарчени и тешко повредени Палестинци од различна восраст, сите цивили, сите невини…Хероите во клиниките и болниците на Газа работат во смени од 12 до 24 часа, бледи се и изморени вложувајќи надчовечки напори со цел да спасат што е можно повеќе човечки животи.Тие се грижат, се обидуваат да бидат разумни во овој хаос од безживотни тела од сите големини и возраст, од оние кои може да одат и оние кои се неподвижни, оние кои крварат и оние кои веќе искрвариле, оние кои дишат и оние кои го издишале последниот здив. Луѓе… Сегашната „најморална армија на светот“ ги третира овие луѓе како животни. Мојата почит кон ранетите нема граници, во нивните обиди да помогнат и покрај големите болки, патења и шок, мојата почит кон лекарите нема граница. Мојата близина со Палестинците во овие моменти ми дава сила, иако многупати сум посакал да врискам и силно да гушнам некој, и со прегратка да заштитам дете кое е прекриено со крв. Но тоа не можеме да си го дозволиме, а не можат ни тие. И повторно стигаат десетици повредени. Се уште во клиниките имаме локви крв. Чистачите со лопати ја собираат крвавата облека, парчиња човечки ткива, коски на убиени… И сето тоа со цел да бидеме подготвени за следниот ден, за следните жртви. Повеќе од 100 лица примивме во изминатите 24 часа во нашата болница Шифа. Тоа е премногу и за најдобро опремените болници, но ние овде немаме струја, вода, лекови, кревети, инструменти, операциони сали, монитори… Сè е нефункционално бидејќи опремата е донесена од музеите на старите болници. Но, овие херои не се жалат. Тие одлучно продолжуваат со својата работа, исто како големите борци. И додека ви го пишувам писмово, токму во овој момент, повторно почнува да свири израелскиот воен оркестар и ја почнува својата одвратна симфонија. Токму сега, ракетите на израелската морнарица слетуваат на брегот, над нас летаат авиони Ф – 16 и хеликоптери Апачи. И сè тоа е направено и финансирано токму од САД. Господине Обама, имате ли вие срце? Ве повикувам да поминете само една ноќ со нас во болницава. Уверен сум дека вашиот престој ќе значи и промена на историјата. Никој кој е со срце и толку голема моќ не би можел да си замине од болницата Шифа, а да не остане одлучен во намерата да го запре крвопролевањето врз палестинскиот народ. Но оние без срце, немилосрдните, повторно испланираа напад врз Газа. Реките крв ќе продолжат да течат и во текот на оваа ноќ. Слушам дека веќе ги активираа своите инструменти на смртта. Ве молам, направете сè што можете. Ова, ова не може да продолжи вака…“, напишал норвешкиот болничар, Мадс Гилберт./крај/мф/ап