Американскиот амбасадор во Сеул, Марк Липерт, е во стабилна состојба по нападот со нож, што врз него го изврши маж што извикувал Северна и Јужна Кореа треба да се заедно, соопшти јужнокорејската полиција, во четврток.
 

Американскиот амбасадор во Сеул, Марк Липерт, е во стабилна состојба по нападот со нож, што врз него го изврши маж што извикувал Северна и Јужна Кореа треба да се заедно, соопшти јужнокорејската полиција, во четврток.

Фотографиите кои се појавија во медиумите по нападот го покажуваат Липерт кој е избезумен и гледа во својата лева рака покриена со крв, а со десната се држи на лицето кое е исечено, додека розовата врска му е испрскана со крв.

Стејт Департментот го осуди нападот, што се случи во галерија во центарот на Сеул, каде амбасадорот требало да одржи предавање за перспективите на мирот  во поделената Кореа.

Според Стејт Департментот Липерт е во стабилна состојба по операцијата извршена во сеулска болница, а раните не биле животно загрозувачки.

Нападот ќе збуни многумина знаејќи дека САД и Јужна Кореа се сојузници во многу акции, воени сојузници и блиски економски партнери.

Но, извештаите кои велат дека 55-годишниот осомничен за нападот, Ким Ки-јонг, за време на нападот извикал: „Јужна и Северна Кореа треба да се обединат“, укажаа на длабоката политичка поделеност на Јужна Кореа каде се уште на сила е договорот со кој се заврши Корејската војна од 1950 – 53, но тој се однесува на прекин на огнот, а не е мировен договор.

Некои јужнокоеранци сметаат дека присуството на 28.500 американски трупи на југот е провокација за Северна Кореа и причина за поделба на Кореанскит Полуостров.

Нападот дошол ненадејно, вели сведок. „Човек со нож во рацете викајќи се нафрли на Липерт во моментот кога беше послужена супата на доручекот и почна да го сече“, вели Ким Јонг-ман, портпрол на групата која го оранизирала појадокот, Корејскиот совет за соработка. Друг сведок вели дека Липерт станал да се ракува со некого, а напаѓачот го соборил на земја и почнал да го сече со нож.

Напаѓачот извикувал антивоени пароли и кога полицијата го приведувала, а нападнал со нож долг 25 сантиметри.

Директен напад на американски дипломат не е вообичаен, но ја покажува поделеноста на јужнокорејското општество. Понекогаш се одржуваат мали демонстрации од анти САД либерали или групи поддржувачи нба идејата за обединување на двете Кореи, но тоа  е се.

Напаѓачот и е познат на полицијата за насилно однесување, а во 2010 година фрлил концентрат на јапонскиот амбасадор во Сеул, за што бил осуден на три години затвор. Сепак, при фрлањето со концентрат го промашил амбасадорот и го погодил неговиот секретар.

Ким се обидел и да се самозапали при протестот пред претседателската Сина палата во октомври 2007 година, кога барал истрага за случај на силување од 1988 година.

Липерт (42) е познат по своите предавања кои ги држи во Кореа откако е амбасадор на тема мир. Со неговата сопруга добиле и син за време на дипломатската мисија на кого му дале средно кореанско име. Претседателот на САД, Барак Обама му се јавил на Липерт по нападот да му изрази поддршка. /крај/мсн/бб