– (Израелскиот претседател Реувен Ривлин (л) со локалните челници во арапското село Кафр Касем)

Водачот на палестинската делегација изјави дека директните преговори со Израел за зацврстување на прекинот на огнот во Појасот Газа ќе продолжат кон средината на ноември а не во понеделник, бидејќи делегацијата не може да допатува во Каиро откако Египет прогласи вонредна состојба на полуостровот Синај и го затвори преминот Рафах, а истовремено израелскиот претседател Реувен Ривлин беше првиот шеф на државата кој присуствуваше на комеморацијата за десетиците арапски цивили кои во 1956-та ги убиле израелските сили и воедно го осуди тој масакр, но не се извини за тоа.

Водачот на палестинската делегација изјави дека директните преговори со Израел за зацврстување на прекинот на огнот во Појасот Газа ќе продолжат кон средината на ноември а не во понеделник, бидејќи делегацијата не може да допатува во Каиро откако Египет прогласи вонредна состојба на полуостровот Синај и го затвори преминот Рафах, а истовремено израелскиот претседател Реувен Ривлин беше првиот шеф на државата кој присуствуваше на комеморацијата за десетиците арапски цивили кои во 1956-та ги убиле израелските сили и воедно го осуди тој масакр, но не се извини за тоа.

Палестинско-изралеските преговори треба да го зацврстат прекинот на огнот кој стапи на сила пред два месеца во палестинската енклава Појасот Газа по 50-дневниот судир во кој загинаа 2.200 Палестинци, претежно цивили од кои стотина деца, и 70 израелски војници и шест цивили.„Преговорите се одложуваат за средината на ноември“, изјави Азам ал-Ахмад од движењето Фатах, на претседателот на палестинската Национална самоуправа Махмуд Абас, пренесува AFP. Палестинците не можат да отпатуваат во Каиро, бидејќи Египет го затвори граничниот премин Рафах, единствениот премин кон Газа во рамките на тримесечната вонредна состојба во северниот дел од Синајскиот полуостров откако вооружена група, за којашто се претпоставува дека се џихадисти кои се активни во таа област, уби 30 египетски војници.Израел на 26-ти август го склучи прекинот на огнот со палестинската делегација, но двете страни допрва треба да преговараат за низа тешки прашања, меѓу кои е отстранување на поморската и воздушната блокада на Појасот Газа, кое е едно од барањата на Палестинците коишто Израел одлучно ги одбива.Во неделата израелскиот претседател Реувен Ривлин изјави дека извинување за масакрот во арапското село Кафр Касим не е потребно, бидејќи тоа го сторил неговиот претходник Шимон Перес во 2007 година, кога го посети селото, пренесува DPA.Во екот на Суецката криза, Израел на 29-ти октомври 1956 година очекувал дека Јордан ќе се вклучи во војната на египетската страна и превентивно наредил полициски час во арапските села кон границата со Јордан, а меѓу тие е и селото Кафр Касим. Меѓутоа, повеќето од селаните биле на работа во полињата и не биле известени за тоа. Израелскиот полковник кој командувал во областа наредбата ја протолкувал така дека ќе биде ликвидиран секој кој ќе ја прекрши и му наредил на својот вод да отвори оган и притоа биле убиени 19 мажи, шест жени, 17 момченца на возраст од 8 до 17 години и шест девојченца од 12 до 15 години. Локалните жители тврдат дека се убиени 49 луѓе, вклучително и неродено дете во една од убиените жени.Израелскиот Canal 2 го опишува масакрот како една од најлошите „отворени рани“ во историјата на еврејско-арапските односи.„Гнасното убивање (во селото Кафр Касим) претставува неверојатно мрачно поглавје во односите меѓу нас, Арапите и Евреите кои живееме овде“, изјави Равлин и додаде дека „Државата Израел призна дека тоа злосторство било извршено тука и со право за него се извини… Наша должност е да ги подучуваме новите генерациите за тоа болно поглавје“.,Ривлин потоа ги повика политичките и верски челници во арапските села во Израел да го подигнат својот глас против насилните протести, како што се фрлањето камења врз Израелците, како и против минатонеделниот напад на Палестинецот кој со возило се заби во група луѓе при што усмрти тримесечно бебе.„Судбината ние е да живееме заедно, или вечно да се бориме едни против други“, порача Ривлин.Селскиот кмет Адел Бадир го повила на комеморацијата Ривлин „да го признае колежот“ и да „влезе во историјата“.Ривлин, која на претседателската функција го наследи Шимон Перес во јуни годинава, е еврејски националист и се противи на создавањето независна палестинска држава на Западниот брег (од реката Јордан) и во Појасот Газа, но често изразуваше сочувство со тешката ситуација во која живеат Палестинците./крај/мф/сн

Извор: Макфакс