Приходите кои ги остварува џихадистичката групација Исламска држава од илегалното производство и продажба на нафта само од едно ирачко нафтено поле Химрин двојно се зголемиле и достигнало 700 илјади американски долари дневно, изјави во четвртокот градоначалникот на градот ал-Халис, во ирачката провинција Дијала.

„Во текот на неколкуте денови по прекинот на производството на нафта на Исламската држава во Сирија поради бомбардирањата на коалицијата врз објекти од нафтената и гасната инфраструктура, нашите разузнавачки служби регистрираа зголемување на кражбите на нафта од страна на исламистите од нафтеното поле и сега приходите достигнуваат 700 илјади долари дневно“, го цитира ирачката новинска агенција Waradana, градоначалникот на ал-Халис, Адај ал-Хадран. Нафтеното поле Химрин се наоѓа во провинцијата Дијала, околу 50 километри северно од ирачката престолнина Багдад, во близина на административната граница со провинцијата Салах ед-Дин.Според ирачките власти, џихадистите од Исламската држава под контрола има најмалку седум нафтени полиња: Химрин, Наџима, Кајара Аџил, Балад, Зала и Батман кои имаат вкупен капацитет за експлоатација до 80 илјади барели нафта дневно.Западните експерти проценуваат дека џихадистите контролираат седум нафтоносни полиња и две рафинерии во северен Ирак, и шест до десет полиња во Сирија, главно во провинцијата Деир ел-Езор. Се проценува, исто така, дека во моментов Исламската држава произведува повеќе нафта отколку сириската влада. Но се истакнува дека од почетокот на сојузничките напади џихадистите речиси го сопреле производството на нафтата. Коалицијата досега веќе уништила 12 импровизирани рафинерии на териториите кои ги контролира Исламската држава во Сирија во провинцијата Деир ал-Езор во источниот дел на земјата кој во поголем дел го контролираат џихадистите.Исламската држава им ја испорачува нафтата до посредници во Турција и Кипар за натамошен извоз во земјите од источна Европа, особено во Украина. Со наближувањето на зимата, најверојатно шверцуваната на црниот пазар ќе се зголеми од 30 до 60 долари за барал, со што ќе се зголемат приходите на Исламската држава“, вели за РИА Ноовсти, експертот од Институтот за воени студии на Блискиот исток и земјите од Персискиот залив, Теодор Красик. Во интервјуто истакнува дека сумата што ја добива дневно Исламската држава од препродажбата на нафтата во висина од три милиони долари дневно, како што претходно се проценуваше, најверојатно  „неколкукратно потценета“.Главниот извор на средствата на Исламската држава во моментов е нејзината продажба на нафта и нафтени деривати, сметаат американски функционери. Се проценуваше  дека групата произведува меѓу 25 и 40 илјади барели нафта дневно, од кои поголемиот дел го криумчари на курдската територија во Сирија и во Ирак, а потоа преку границата меѓу Сирија и Турција. Официјална Анкара повеќепати демантираше дека има каква и да е поврзаност со нафтата што илегално ја продава Исламската држава.Американската централна команда проценува дека нафтените рафинерии под контрола на Исламската држава во источна Сирија дневно произведува меѓу 300 и 500 илјади барели нафтени деривати, така што нејзините приходи изнесуваат околу два милиона долари на ден./крај/мф/сн

Извор: Макфакс