Генералниот секретар на НАТО Јенс Столтенберг и рускиот министер за надворешни работи Сергеј Лавров разговараа во саботата на маргините од Конференцијата за безбедност во Минхен, што е првиот состанок на ова ниво меѓу Алијансата и Русија по десет месеци од избувнувањето на украинската криза, но не успеаја да ги поправат односите.

Ваквиот дијалог меѓу НАТО и Москва не е одржан од почетокот на судирите во источна Украина од април 2014 година, освен кусата среда во Париз на 11-ти јануари во рамките на маршот организиран по повод терористичките напади. Имајќи намера да ја предупреди Русија во врска со присоединувањето на црноморскиот полуостров Крим, што Западот го смета а руска нелегална анексија на украинска територија, НАТО ја прекина соработката со Русија, но и покрај тоа што каналите за соработка беа отворени, а неодамна министрите за надворешни работи на алијансата ја поттикнаа идејата за воспоставување на директна „жешка линија“ меѓу Брисел и Москва, односите не биле полоши никогаш од крајот на Студената војна.

Генералниот секретар на НАТО, Јенс Столтенберг на средбата со рускиот министер за надворешни работи Сергеј Лавров го појаснил одбранбениот карактер на мерки што ги презема Алијансата и се договорија да го задржат отворен каналот за дијалог, изјави портпаролката на сојузот Оана Лингенску.

„Столтенберг по разговорите со Лавров: Му објаснив дека сите наши мерки се одбранбени. Ќе го задржиме отворени каналот за дијалог“, напиша Лунгески на Twitter.

Во четвртокот челниците на министерствата за одбрана на НАТО, како реакција на кризата во Украина за којашто ја обвинуваат Русија, донесоа одлука за зголемување на борбената подготвеност во составот на силите за брзо реагирање на кои ќе бидат распоредени во бази во поранешните комунистички и советски републики на границите со Русија на што Москва реагира. Нивната моќ ќе биде зголемена од 13 до 30 илјади луѓе, во шест дивизии командувани во Естонија, Латвија, Литванија, Полска, Романија и Бугарија, а овие мерки се означуваат како „најголемата консолидација на колективната одбрана од крајот на Студената војна“, и се оправдуваат со „агресивното патролирање“ на руските единци на границите со НАТО.

И извор од руската делегација во Минхен за агенцијата ТАСС потврдил дека Лавров и Столтенберг „изразија подготвеност за одржување на каналот за комуникацијата преку постојаниот претставија на Русија во Алијансата“.

„Беше разговарано за прашањата поврзани со замрзнувањето на соработката, потврдена заемната подготвеноста за одржување на меѓусебната комуникација. Беа потврдени разликите меѓу страните во однос на изворите и последиците од внатрешната украинска криза“, рекол соговорникот на агенцијата.

„Поддршката којашто НАТО има ја дава на воените операции на Киев против бунтовниците не придонесува на мирното решение за длабоката внатрешна украинска криза“, рекол Лавров. Руското министерство за надворешни работи објави, исто така, дека шефот на дипломатијата истакнал дека потезите на НАТО за приближување кон руските граници и јакнењето на военото присуство на истокот создаваат дополнителни тензии и „го поткопуваат системот на евроатлантска безбедност“. „Столтенберг по средбата со Лавров укажа на одговорноста на Русија во украинската криза, оценувајќи дека потезите на Алијансата се „пропорционални и одбранбени“. „Русија ги поддржува сепаратистите и не ги почитува правилата. Тие ја прекршија територијалната целост на Украина, Исто така, му објаснив на Лавров дека мерките кои ги презема НАТО се директен одговор на она што го видовме во Украина“, рече Столтенберг, пренесува AFP./крај/мф/сн

Извор: Макфакс