Рускиот претседател Владимир Путин на средбата со американскиот државен секретар Џон Кери, којашто во четвртокот вечерта се одржува во Кремљ, ги истакнал заемните напори на двете земји во регулирањата на конфликтите, пренесуваат агенциите.

Американскиот државен секретар Џон Кери пристигна во четвртокот во Москва, каде што и покрај загриженоста на американските функционери, ќе ѝ предложи на Русија јакнење на воената и разузнавачката соработка во борбата против Исламската држава и Ал Каеда во Сирија, а со нивото на соработка не е задоволна и Москва.

Пред состанокот во четвртокот доцна вечерта со рускиот претседател Владимир Путин, портпаролката на руската дипломатија Марија Захарова изјави дека Кремљ не е задоволен од брзината на соработката меѓу руските и американските воени сили во Сирија.

На средбата со Кери, претседателот Путин, исто така, изрази надеж дека резултатите од консултациите во Москва ќе биде известен американскиот претседател Барак Обама.

„Нашиот последен телефонски разговор со американскиот претседател Барка Обама ме уверува дека искрено се стремиме не само кон процесот на соработка, неговото оформување, туку и постигнување на нашите резултати“, истакна рускиот челник.

„Се надевам дека во текот на нашите консултации ќе можеме да го известиме (Обама) и ве замолувам да му ги пренесете моите најдобри желби, за тоа дека ние почнавме напредна дискусија и решавање на редицата прашања“, додаде Путин обраќајќи му се на Кери пред новинарите пред почетокот на средбата.

Путин, покрај тоа, рече дека неговиот американски колега Обама го истакна руското ангажирање во ослободувањето на американските граѓани во Сирија. „Претседателот Обама го сврти вниманието на тоа што ние помогнавме во ослободувањето на еден ваш државјанин. Сакам да кажам дека ние на ваше барање ќе работиме во оваа насока и натаму, и очекуваме дека доколку се јави потреба, американската страна ќе ни одговори со конструктивна соработка“, реле Путин, пренесува агенцијата РИА..

На средбата во Кремљ присуствуваа и шефот на руската дипломатија Сереј Лавров, со кого Кери во петок ќе има засебна средба, како и помошникот на рускиот секретар Владислав Сурков, а од американската помошникот државен секретар Викторија Нуланд и амбасадорот на САД во Москва, Џон Тефт.

Весникот The Washington Post во четвртокот објави извештај во кој се предлага споделување на разузнавачките податоци за да се идентификуваат локациите на водствата, камповите за обука, линиите за снабдување и седиштата на Џебхат ан-Нусра, огранокот на Ал Каеда во Сирија. Воздушните напади на тие цели може да ги извршуваат американки или руски авиони, се наведува во извештајот.

Кери во Париз, пред да полета за Москва, одби да го коментира извештајот. „Одам во Москва, ќе се сретнам вечерва со претседателот Путин. Ќе имаме многу време за разговори, па ќе ви пренесеме каде стоиме“, им одговори Кери на новинарите.

Ова е втора посета на Кери на Москва од почетокот на годинава, а веќе четврта од 2015 година.

Висок американски функционер за Reuters изјавил дека Кери ќе разговара за начините на борбата против Исламската држава и Ал Каеда во Сирија, како и за борбата против насилствата, ослободувањето на трасите за хуманитарна помош, и за политичката транзиција во земјата. Во моментов не спроведуваме или ги координираме воените операции со Русија, а не е јасно дали ќе постигнеме договор за тоа“, рекол функционерот.

Проширената коорцинација меѓу Русија и САД би требала да биде канализирана преку Групата за заедничка имплементација чиешто седиште ќе биде во близина на јорданската престолнина Аман, Двете држави би формирале одвоени штабови за операциите, како и заедничко координационо биро во кое ќе ги претставуваат високи команданти, разузнавачи и стручњаци за воздушни напади.

Посетата на Кери се довива во период на затегнати односи меѓу Вашингтон и Москва, поради протерувањето на дипломатите, нарушувањата на примирјата во Сирија, одбивањето на САД да се бомбардира Ал Каеда и обвинувањата за руски бомбардирања врз сириските бунтовници кои ги поддржува Западот. Односите се напнати и поради украинската криза, активностите на НАТО на границите со Русија. Постојат стравувања дека несогласувањата може да ескалираат во судири, без разлика дали станува збор за случајност во Сирија или лоши калкулации во воздушните и поморските средни од Балтик до Црното Море./крај/мф/сн

Извор: Макфакс