Рускиот претседател Владимир Путин во понеделникот навечер во Париз ги повтори обвинувањата против Турција дека со уривањето на рускиот борбен авион сакала да ги заштити испораките на нафта украдена во Сирија и Ирак кои екстремната сунитска организација Исламска држава (IS) ги испраќа во Турција и преку нив ги финансира своите терористички активности, што турскиот претседател Реџеп Тајип Ердоган решително го негираше понудувајќи оставка доколку тоа обвинение се покаже точно.

Обвиненијата рускиот претседател Владимир Путин ги повтори откако Москва поради инцидентот воведува економски санкции за Анкара, откако турските ловци минатиот вторник соборија руски бомбардер во близина на сириско-турската граница, при што турската страна тврди дека рускиот авион навлегол во турскиот воздушен простор, додека руската дека тој бил соборен над сириска територија. Русија очигледно од овој инцидент се почувствува силно изневерена од Турција, што предизвика сериозна криза во односите на земјите кои до пред две седмици беа најтесни партнери со милионски договори.

„Имаме многу причини да веруваме дека одлуката за уривање на нашиот авион е мотивирана од желбата да се заштитат трасите по коишто нафтата се испраќање во Турција, во прв ред во пристаништата во кои се товари во танкери“, изјави Путин на прес-конференцијата на маргините од самитот COP21 во Париз.

Путин додаде дека нафтата, која ја произведува Исламската држава во постројките на нафтоносните полиња или ја зароби во рафинериите кои се под негова контрола во Сирија или во Ирак е еден од главните извори на финансирањето на џихадистичката групација, „во големи количества, комерцијално е испраќања во Турција“.

„Заштитата на Туркмените (сириски државјани со турско етничко чувство кои живеат во областа во која се урна рускиот бомбардер кои се борат против сирискиот претседател Башар ал-Асад -з.р.) е само изговор“, смета Путин.

Турскиот претседател Реџеп Тајип Ердоган, исто така, во Париз одлучно ги отфрли овие обвинувања „Доколку (обвинувањата на Путин) се докажат, ќе си заминам од должноста, бидејќи тоа ми го налага чувањето на честа на мојата земја“, изјави Ердоган во понеделникот вечерта, пренесе агенцијата Anadolu и притоа праша „дали Путин ќе остане“ на должноста, доколку не ја докаже вината на Турција.

Ердоган тврди дека Турција своите енергетски потреби ги задоволува по „легален пат“ „Не сме нечесни толку за да влегуваме во каква и да е трговија со терористичките групи. Сите тоа мора да го знаат“, рече турскиот претседател.

„Американското министерство за финанси објави дека еден од оние кои купувале од Исламската држава е државјанина н Русија и на Сирија. Првин нека одговори на тоа“, порача Ердоган и додаде дека Турција „се бори со оние кои се занимаваат со шверцот на нафта“..

Во врска на односите со Русија, турскиот претседател рече дека Анкара не „очекува прекин на врските“ со Москва. „Ние не сме племенски држави. Ќе дејствуваме трпеливо. Да видиме што тие ќе преземат, и тогаш и самите ќе дејствуваме“, рече Ердоган.

Путин, пак, претходно одговарајќи на прашања на новинарите одговори дека на самитот на Г20 во Анталија на своите партнери им презентирал „фотографии направени од височина 5.000 метри од нашите пилоти“. „Возила со нафта се наредени во еден синџир кој се протега далеку во хоризонтот. Тоа изгледа како жив нафтовод“, рече Путин, пренесе агенцијата ТАСС.

Потсетувајќи дека во врска со тоа „постои специјална резолуција на Советот за безбедност на ОН, којашто го забранува директното купување нафта од терористите“, Путин пред новинарите порача дека „во тие буриња, кои ги пренесуваат, нема само нафта, туку и крвта на нашите граѓани, бидејќи со тие пари терористите купуваат оружје, експлозиви,а потоа извршуваат крвави акции, како со нашиот авион над Синај, и во Париз, и во други градови и земји во светот“.

„Доколку таму турските власти ја преработуваат нафтата, ја уништуваат, ние не го гледаме чадот од уништувањето на таа нафта“, сликовито се изрази рускиот челник.

Агенцијата AFP наведува дека тензиите меѓу Москва и Анкара сериозно го доведуваат во прашање предлогот на францускиот претседател Франсоа Оланд за создавање на единствена коалиција во Сирија против Исламската држава, што го изнесе во четвртокот вечерта во Кремљ, откако ден претходно во Белата куќа се сретна со американскиот претседател Барак Обама.

„Секогаш ќе се залагаме за предлогот за широка коалиција, но во тоа нема да успееме сé додека некои во остварувањето на своите краткорочни политички интереси ги употребуваат терористичките групи“, оцени Путин во понеделникот вечерта во Париз/

Американскиот претседател Барак Обама на париската конференција повика на „смирување на ситуацијата“ меѓу Москва и Анкара, на средбата со рускиот челник зад затворени врати, изјави за Reuters неименуван висок функционер на Белата куќа.

И генералниот секретар на ОН, Бан Ки-мун повика на „смирување“, истакнувајќи дека заштитата на воздушниот простор е „суверено право на Турција“, но без да навлегува во детали за инцидентот./крај/мф/сн

Извор: Макфакс