Рускиот претседател Владимир Путин изјави во вторникот дека неговиот разговор со американскиот колега Барак Обама во понеделникот во Њујорк, на маргините од Генералното собрание на Обединетите нации, бил искрени и покажал дека двете страни може да заедно да работата на заедничките проблеми.

„Средбата со (американскиот претседател Барак Обама) беше многу корисна. И што беше особено пријатно, таа беше многу отворена“, изјавил рускиот претседател Владимир Путин. Навраќајќи се на разговорот, тој истакнал дека бил „изненадувачки многу искрен“, како и конструктивен и деловен.

„Сметам дека американските партнери сосема јасно ја искажаа својата позиција по многу прашања, вклучително и за решавањето на ситуацијата во Украина, сирискиот проблем во воопшто на Блискиот исток. Имаме, зачудувачки, многу заеднички точки и ставов. Но постојат и разлики“, рекол рускиот челник, додавајќи дека разликите се многу добро познати.

„Но, според мое мислење, има можност да работиме заедно на заедничките проблеми“, заклучил Путин.

Последен пат Путин и Обама се сретнаа во септември 2013 година во Санкт Петербург, во рамките на самитот на Г20, кога главна тема беше ситуацијата во Сирија, а потоа од почетокот на 2014 година односите меѓу Москва и Вашингтон значително заладија, поради кризата во Украина, така што меѓу нив се одржаа само неколку телефонски разговори и куси средби „од нога“ на во јуни и ноември 2014-та во Нормандија и Кина.

На новинарско прашање во врска со различните изјави од Вашингтон и Москва во врска за тоа кој бил иницијаторот на средбата, рускиот претседател рекол дека „американските партнери ја предложија оваа средба, и како што веќе кажа мојот помошник (Јуриј Ушаков – з.м.), истовремено понудија две опции за терминот. Ние избравме една од нив. Тоа е сé“, рекол Путин.

Притоа Путин рекол дека не се согласува со изјавите дека долго време немал контакт со американскиот претседател Обама. „Не е така, ние разговаравме, и телефонски, и на меѓународни настани, накусо се среќававме, но секогаш ги разгледувавме клучните прашања, билатералните односи и меѓународната агенда“, појаснил рускиот претседател.

Според него, доколку немало такви средби, како оваа од понеделникот „пред камерите“, тоа не значи, дека воопшто немало контакти. „Контактот воопшто не беше прекинат, во овој поглед нема може да има никакви проблеми и не се потребни шпекулации“, одговорил Путин.

Но притоа констатирал дека односите меѓу САД и Русија во моментов „за жал“, се на ниско ниво „но не по вина на Москва, туку по избор на Вашингтон“. „Ние секогаш сме подготвени да ги развиваме односите, да го востановиме целосно“, изјавил Путин за новинарите во Њујорк.

Зборувајќи за разликите меѓу двете страни, тој додал дека се договорил со Обама заедно да работат на нивното надминување.

Путин од новинарите бил прашан да објасни што значи фотографијата од официјалниот ручек приреден од генералниот секретар на ОН, на која Путин и Обама се регистрирани со подигнати чаши а местото на Бан Ки-Мун меѓу нив е празно, на што овој веднаш одговорил дека претставници на медиумите „многу го изненадуваат“, бидејќи ништо не се случило, на овој протоколарен настан.

„Ги кренавме чашите за здравица, којашто ја кажа Генералниот секретар кој беше на подиумот. Претседателот на САД, како љубезен човек, едноставно ја крена чашата и се чукнавме во чест на генералниот секретар и развојот на ОН“, коментирал во продолжениот Путин.

Американските и руските медиуми забележуваат дека средбата меѓу претседателите Обама и Путин траела речиси двојни подолго отколку што било планирано, односно од најавените 55 минути продолжила на час и 40 минути, и оти таа е прва средба со целосен протокол меѓу челниците на двете сили од јуни 2013 година. На почетокот од средбата Путин и Обама се ракуваа пред новинарите и снимателите, без да кажат ниту збор./крај/мф/сн

Извор: Макфакс