Американските разузнавачки служби веруваат дека проруските бунтовници во источна Украина „веројатно по забуна“ го урнале малезискиот патнички авион, но не пронашле директна вмешаност на руските власти во падот на „Boeing 777“ со 298 патници и членови на екипажот, од кои 85 се деца.

Американските разузнавачи на специјален брифинг со медиумите признале дека Вашингтон не располага со никаква информација за директна вмешаноста на руските власти во трагедијата. Но истовремено на брифингот тврделе дека Русија „создала услови“, кои во крајна линија и довеле до несреќата на небото над источна Украина. Покрај тоа, повторно ја обвиниле Москва дека „продолжува да им доставува на украинските бунтовници оружје, меѓу другото и средства за противвоздушна одбрана и тенкови“, пренесува Reuters„Сѐ уште утврдуваме дали постои директна руска улога, дали на теренот имало Руси и дали ги обучувале сепаратистите“, изјави во одделна изјава ноќта кон средата за CNN, заменикот советник на американскиот претседател за национална безбедност, Бен Родес.Руските медиуми, пак, истакнуваат дека сепак на брифингот не била изнесена ниедна техничка информација, којашто би го поткрепила тврдењето на американската администрација за тоа дека во уривањето на малезискиот авион учествувале проруските украински бунтовници.Американските разузнавачи заклучиле дека авионот во источна Украина „веројатно го урнале проруските сили со ракета СА-11, а авионот веројатно бил гаѓан по грешка“, пренесува Итар-Тасс.Американските разузнавачки извори, исто така, рекле дека до уривањето на авионот, на САД не им било познато дека проруските бунтовници располагаат со такво оружје, односно ракетен систем „Бук-М1“, за кој руската страна тврди дека еден таков на украинската армија бил активен на 17-ти јули во времето на падот на малезискиот авион, пренесува германската агенција DPA. Брифингот на американското разузнавање доаѓа како одговор кој претходно во понеделникот го најави портпаролот на Белата куќа, Џош Ернест, на изјавите исто така од понеделникот на началникот на Главната оперативна управа на Генералштабот на руската армија, генералот Андреј Картаполов кој на прес-конференција во Москва изјави дека авион од типот „Сухој Су-25“ на украинскиот воздухопловни сили се наоѓал на 3 до 5 километри од малезискиот авион кој подоцна се урна. Според него, тоа го регистрирал американски воен сателит.Картаполов на прес-конференцијата се обрати директно до САД со молба да ги достават снимките од тој сателит. „Според нашите пресметки, од 17.06 до 17.21 часот (по московско време) на 17-ти јули над југоисточните области на Украина прелетал американски вселенски уред, овој апарат е експериментален космички систем развиен за откривање и следење лансирање ракети со различни дострели“, рече Картаполов. „Доколку американската страна поседува снимки од тој сателит, би ги замолил да ги обезбедат за меѓународната задница за детално проучување. Случајно или не, меѓутоа трагедијата на малезискиот Boeing и времето на набљудувањето на американскиот сателит на украинската територија се совпаѓаат“, изјави Картаполов./крај/мф/сн