Сенаторите Џон Меккејн и Линдзи Греам, двата водечки републикански експерти за надворешна политика, ги осудија во средата чекорите и плановите на претседателот Барак Обама за ублажување на политиката кон Куба којашто повеќе од половина век е под американски санкции.
 

Сенаторите Џон Меккејн и Линдзи Греам, двата водечки републикански експерти за надворешна политика, ги осудија во средата чекорите и плановите на претседателот Барак Обама за ублажување на политиката кон Куба којашто повеќе од половина век е под американски санкции.

Промената на политиката ја одразува „пропаста на Америка и на нејзините вредности“, наведуваат сенаторите во соопштението, едно од неколкуте коишто ги издаде Републиканската партија откако стана познато дека претседателот Барак Обама телефонски разговарал со кубанскиот водач Раул Кастро, и во средата како прв чекор на подобрување на меѓусебните односи двострано беа ослободени повеќегодишни затвореници.

Станува збор за „примирување на автократските диктатори, насилници и наши противници, што води кон намалување на американското влијание во светот“, истакнуваат натаму сенаторите Џон Меккејн и Линдзи Греам. Двајцата ќе извршуваат важни надворешнополитички должности во Сенатот во кој мнозинството го имаат републиканците и кој ќе заседава во јануари.

Претседателот на Претставничкиот дом, Џон Бонер, остро ја критикуваше промената на насоката на Обама кон Куба нарекувајќи ја „уште еден во низата бесмислени отстапки на свирепата диктатура“. „Односите со режимот на Кастро не треба да се менуваат, а не, пак, да се нормализираат, се’ додека кубанскиот народ не биде слободен“, истакна Бонер во изјава.

Републиканскиот сенатор Џеф Флејк, кој се врати од Куба заедно со хуманитарниот активист Алан Грос кој беше ослободен по пет години одлежани во кубански затвор, изјави дека верува дека сепак мнозинството негови колеги ја поддржуваат промената на американската политика кон Куба. „Мислам дека повеќето мое колеги сметаат дека тоа одамна требаше да го сториме и мислам дека таквата политика е добра“, рече Флејк, републиканец од сојузната држава Аризона. Додаде дека САД треба да отворат амбасада во Хавана и да именуваат амбасадор во оваа комунистичка островска земја на Карибите.

Флејк истовремено му се спротистави на сопартиецот Марк Руби кој го критикуваше планот на претседателот Обама за нормализација на односите со Куба и најави противење на секоја одлука за укинување на 50-годишното ембарго против оваа земја.

Сенаторот Рубио во средата ја критикуваше одлуката на Обама за попуштање на односите со Куба, велејќи дека Белата куќа премалку добила со промена на политиката кон оваа комунистичка земја. „Белата куќа се’ даде, а малку доби“, рече Руби, републиканец од Флорида, каде е најголемиот дел од кубанските бегалци противници на власта на браќата Кастро, а и самиот има кубанско државјанство. Најави и дека ќе се спротистави на настојувањата на Белата куќа да именува амбасадор и да финансира амбасада, за да ја поттикне американската администрација да го реши кубанското прашање.

Претходно во средата тројцата кубански разузнавачи кои 16 години беа во американските затори се вратија во Куба, а Хавана го ослободи американскиот хуманитарен активист Грас, објави кубанскиот претседател Раул Кастро.

„Жерардо, Ранон и Антонио стигнаа денеска во татковината“, изјави кубанскиот претседател за тројцата преостанати ткн „антитерористички херои“,познати во јавноста главно по нивните имиња. Станува збор за 49-годишниот Жерардо Ернандез, 51-годишниот Рамон Лабанин и 56-годишниот Антоние Хереро.

Кастро ги потврди претходните пишувања на американските медиуми дека во вторникот разговарал телефонски со американскиот претседател Барак Обама кој треба истото да го објави, во рамките на промената на политиката на САД кон Куба, и за нормализирањето на односите со долгогодишниот непријател.

Кубанците од своја страна го ослободија американскиот хуманитарец 65-годишниот Алан Грос уапсен на 3-ти декември 2009 година а потоа подизведувачот на Американската агенција за меѓународен развој (USAID) го осудија на 15 години затвор за увоз на забранети технологии и обид за воспоставување тајни интернет услуги за кубанските Евреи Алан Грос, кој пет години мина во затвор.

Штом Грос пристигна во воздухопловната база „Ендрјуз“, го прими државниот секретар Џон Кери, според Стејт департментот. Кери соработувал со кубанскиот министер за надворешни работи и со претставници на Ватикана за да го издејствува ослободувањето на Грос, а му посака добредојде и „ја изрази својата преголема среќа што Алан Грос сега е слободен и повторно со своето семејство на американска територија“, се додава во соопштението./крај/мф/сн

Извор: Reuters