Правниците на Националниот комитет на Републиканската партија (RNC) ги проучуваат правните аспекти за можната замена на Доналд Трамп со друг кандидат на претседателските избори на 8-ми ноември, пишува Politico повикувајќи се на извори блиски до републиканскиот комитет.
 

Правниците на Националниот комитет на Републиканската партија (RNC) ги проучуваат правните аспекти за можната замена на Доналд Трамп со друг кандидат на претседателските избори на 8-ми ноември, пишува Politico повикувајќи се на извори блиски до републиканскиот комитет.

Претходно челникот на RNC, Ринс Прибас, изјави дека јавното омаловажување на Доналд Трамп на сопартијците конечно ја закопало шансата за победа на Републиканската партија на претседателските избори. Според него, комитетот има 48 часа да ја разгледа предизборната стратегија, рекол за Politico, еден од учесниците на разговорите меѓу партиските челници.

Правниците на Комитетот ја разгледуваат можноста за замена на претседателскиот кандидат, без разлика што до денот на одржувањето на изборите останува само еден месец, гласачките ливчиња се веќе отпечатени, а во неколку сојузни држави веќе има предвремено гласање.

„Армија правници го проучуваат ткн ‘Правило бр 9’, коешто овозможува да се номинира нов кандидат во случај на доброволно повлекување на претходниот, или во случај на негова смрт. Трамп изјави дека нема намера да отстапи, така што во секој случај, партијата ќе продолжи да работи со него“, изјавил за Politico еден од високо рангираните републиканци.

Централниот орган на партијата ги повикал регионалните челници да се придржуваат до моменталниот партиски курс, барем засега, заклучува изданието. Портпаролот на републиканците не ја коментирал ваквата сложена ситуација.

Подоцна агенцијата Associated Press објави дека Републиканската партија ќе се состане во понеделник, откако во неделата ќе се одвива втората телевизиска дебата меѓу двајцата кандидати во Сен Луис, на заседание на Националниот комитет на партијата. Сепак, како што се прецизира, темата на заседанието не е посочена.

Изминатата седмица The Washington Post објави видео од 2005 година во која Трамп во разговор со водител на телевизиско шоу вулгарно се изразува за жените и за неговите однесувања кон нив, темпирана непосредно пред клучната во недела дебата со Хилари Клинтон.

Трамп се извини за тие зборови од пред 11 години, но Прибас, како и републиканскиот кандидат за потпретседател Мајк Пенс, актуелниот потпретседател Џозеф Бајден и републиканскиот кандидат за изборите во 2008 година Џон Меккејн, кандидатот Мит Ромни, поранешниот гувернер на Калифорнија, актерот Арнолд Шварценегер и поранешната државна секретарка Кондолиза Рајс силно го осудија Трамп,

Сепак резултатот на оваа објавување на старата снимка во моментот кога нему му беа потребни гласовите од женскиот дел од електоратот и од неопределените гласачи, е намалената поддршка за Трамп во последните 48 часа, вклучително и од влијателните републиканци.

Телевизиското соочување, кое се смета за клучно, ќе се одржи на Универзитетот Вашингтон во Сент Луис во сојузната држава Мисури, во 20 часот по локално време (3 часот по македонско), со учество на два модератора и публика од неодлучени избирачи, а директно ќе биде пренесувано на најголемите телевизиски станици.

Трамп ќе се обиде да се извлече од кризата, а Клинтон ќе настојува да ја убеди јавноста уште повеќе дека тој не е компетентен за претседателката должност.

Според изјавите на Трамп од саботата, се насетува дека Трамп ќе ја дозира понизноста, повторувајќи ги извинувањата со тврдења дека се изменил, и ќе ја нападне Клинтон, поради закани за жените кои го обвинуваа нејзиниот сопруг поранешниот претседател Бил Клинтон дека сексуално ги напаѓал и силувал. Во саботата Трамп на Twitter постави порака од жена од 1999 година која тврди дека неказнето во1978 година ка силувал Бил Клинтон.

Трамп ќе треба да ја подготви цврстата подготвеност да ја изведе кампањата до крај како верност кон гласачите и покрај повиците од републиканските пратеници да се повлече од трката.

Политикологот од Универзитетот Вирџинија, Лери Сабато, предвидува за AFP дека „Трамп нема да изгуби ниеден глас во својата изборна база, бидејќи ним не им е грижа, но магнатот нема да успее да ја зголеми својата база на поддршка“./крај/мф/сн

Извор: Макфакс