Републиканскиот претседател на американскиот Претставнички дом Џон Бонер изјави во средата дека на суд ќе покрене тужба против претседателот Барак Обама поради пречекорување на овластувањата, што наиде на осуда од Белата куќа.

Конгресменот Џон Бонер изјави дека тужбата од Претставничкиот дом е насочена на заштитата на уставните права на Конгресот и дека американскиот претседател Барак Обама ги занемарува законите коишто тој ги носи. „Уставот јасно вели дека задачата на претседателот е доследно да ги спроведува законите. Мислам дека претседателот доследно не ги спроведуваше законите“, изјави Бонер на прес-конференцијата во Вашингтон, пренесуваат агенциите. „Конгресот има работа којашто мора да ја извршува, како и претседателот. Доколку меѓу законодавната и извршната власт постои судир, тогаш наша должност е, мислам, да ја браниме таа институција“, додаде републиканскиот конгресмен. Одби да каже кои дејствија што ги преземал Обама ќе ги наведе во тужбата и одрече дека целта на постапката е импичмент на претседателот. Републиканците му префрлаат на Обама низа извршни уредби коишто, според нив, излегуваат од рамките на неговите законски овластувања, особено како онаа за прекин на прогонот на многу деца кои во САД влегле илегално и за роковите за спроведувањето на некои поглавја од законот за реформата на здравствениот систем. Неодамна парламентарните застапници ја критикуваа и размената на петтемина талибански затвореници за американскиот војник Бови Бергдал во Авганистан, за која Конгресот не бил известен, што е предвидено со законот.Бидејќи Конгресот беше парализиран со внатрешните поделби, Обама се реши да дејствува со указ во областите во коишто тоа е можно. Така ја зголеми минималната плата на вработените во сојузните државни агенции, но за другите Американци тоа не го стори, наводно поради немањето поддршка од Конгресот. Обама има намера и да ја забрани дискриминацијата според сексуална ориентација и „родниот идентитет“ во компаниите коишто ѝ даваат услуги на сојузната држава. Исто така, американскиот претседател во неколку наврати го промени своето мислење за консултации со Конгресот за специфични прашања. Така есента 2013 година Обама подготвуваше воена операција против Сирија велејќи дека за нејзино спроведување не му е потребно одобрување од Конгресот. Потоа, сепак, поведен иницијатива во Конгресот, но на крајот се откажа од неа.„Не само што претседателот редовно го занемарува законот, тој се фали со та и со својата подготвеност еднострано да ги менува“, изјави Бонер додавајќи дека споменатите укази резултирале со „дрскост и неспособност“ на претседателската администрација.Бонер истакна и дека ќе го тужи Обама поради спроведување голем број политички иницијативи преку претседателски укази и други наредби заобиколувајќи ја законодавната власт. Обама, потпирајќи се на правните советници на Белата куќа, периодично издава претседателски декрети со цел да имплементира одредени иницијативи со што се заобиколува Конгресот. Американскиот претседател, исто така, често го истакнува своето право самостојно да спроведи воени иницијативи во странство.Демократските сојузници на Барак Обама ја сфаќаат оваа најава како политички маневар на републиканците на околу четири месеци пред парламентарни избори во САД на кои републиканските се надеваат дека ќе успеат да добијат мнозинство во вториот дом на Конгресот – Сенатот. Портпаролот на Белата куќа, Џош Ернест одговори на најавата на Бонер дека таквата тужба ја финансирале американските даночни обврзници и дека не би ја поддржале мнозинството Американци.„Не сум сигурен дека Американците топло ќе ја примат одлуката на републиканците да ги искористат парите на даночните обврзници, за да го тужат на суд претседателот, за тоа што тој си ја врши