Џорџ Сорос со помош на Украина сака Американците да ги држи на јадица, а од испораките на оружје за Киев којшто војува со бунтовниците во рускојазичниот исток, ќе загубат само американските даночни обврзници смета американскиот политичар Рон Пол, во низата реакции во САД откако пред неколку дена групата хакери којашто се нарекува „КиберБеркут“ и очигледно е проруски настроена објави наводна преписка меѓу американскиот милијардер и украинските власти.

Според содржината на објавената преписка, Џорџ Сорос уверува дека САД мора да ѝ достават на Украина смртоносно оружје, за што американскиот претседател Барак Обама инаку сé уште се нема одлучено и покрај минувањето на предлогот во Конгресот, и покрај тоа да ги обучуваат тајно во странство украинските војници.

И покрај прекинот на огнот, пишува натаму аналитичарот, Сорос заткулисно ја промовира идејата за доставување на Украина скапи оружја. „Се разбира, сметките ќе мора да ги платиме ние, бидејќи Украина нема пари“, смета Рон Пол.

Американскиот политичар во својата неделна колумна пишува дека Сорос го користи своето влијание во владата на САД, за да го фати американскиот народ во стапицата на банкротираната Украина.

Испораките на смртоносното оружје за Украина, ќе го израдува воено-индустрискиот сектор во САД, политичките брокери, како и банкарите, пишува Рон Пол, истакнувајќи дека од сето тоа само ќе загубат американските даночни обврзници.

„Никој, се чини, нема намера да запраша зошто ние воопшто сме вклучени во ситуацијата околу Украина? Дали е наша работа доколку Истокот сака да се отцепи од Западот (на Украина – з.м)? Дали виталните интереси на САД имаат нешто со луѓето кои живеат во Донецк?“, пишува Пол.

Хакерската група „КиберБеркут“објави преписка за којашто тврди дека е дел од комуникацијата на американскиот милијардер Џорџ Сорос и украинските власти, во прв ред претседателот Петро Порошенко. Според, објавените материјали, Сорос смета дека САД мораат да ѝ достават смртоносно оружје на Украина и нејзините војници да ги увежбуваат тајно во странство, на пример во Романија.

Покрај тоа, според објавените документи на кои се повикуваат хакерите, американскиот генерал Весли Кларк и полскиот генерал Валдемар Скшипчак мора да му помогнат на Петро Порошенко да најде начин да воспостави борбена способноста на украинската армија во услови на примирјето според договорот постигнат на 12-ти февруари во белоруската престолнина Минск.

Претходно во врска со хакираната преписка на Сорос и властите во Киев, американскиот политички колумнист Ерик Зјус смета дека крајната цел на американскиот милијардер и берзански шпекулант е смената на власт во Москва.

„И покрај тоа што би било пожелно да се има Русија како партнер, а не како непријател, тоа е невозможно сé додека Путин продолжува со својата сегашна политика“, наводно пишува во едно од писмата, што според американскиот новинар значи дека Сорос се стреми кон заменување на рускиот претседател со друга личност, како што тоа претходно се случи во Украина со соборувањето на претседателот Виктор Јанукович.

Сорос во споменатите преписки големо значење му придава на реформирањето на украинската економија, бидејќи смета дека поради тоа „многу и многу Руси ќе сакаат да го следат украинскиот пример“, според цитираните документи објавени од хакерите.

Американскиот колумнист забележува дека во жителите на Донбас, каде што повеќе од година се водат судири меѓу силите лојални на прозападните власти во Киев и рускојазчините бунтовници кои се свртени кон Москва во кои загинаа над 6.400 луѓе според ОН, воопшто не постојат за Сорос. „Во своите инструкции до украинските власти милијардерот не ги зема предвид жителите на таа област и дури не ги смета како фактор во вооружениот конфликт, тој тврди дека украинската армија не се бори со локалните жители, коишто ги заштитуваат своите семејства, туку со ‘руски војници’“, пишува натаму Зјус.

Писмото започнува со признанието дека украинската војска двапати не успеала и претрпела пораз во обидите да го врати Донбас под контрола на Киев. „Сорос кого претставува ‘планот за трета инвазија’, која треба да уследи откако Западот ќе ја консолидира украинската армија и ќе ја зацврсти својата контрола над неа“, вели Зјус.

Американскиот колумнист и блогер ги интерпретира писмото на Сорос како дека „САД се должни да испратат оружје и инструктори, за да бидат соучесници во крвопролевањата и победата над путинска Русија, а не над жителите на Донбас кои дури и не постојат“. Меѓутоа, „до пред превратот во Украина, организиран од САД, целата нација живееше во мир“, забележува Зјус./крај/мф/сн

Извор: РИА Новости