Вести
Русеф предупредува дека е жртва на државен удар
Суспендираната бразилска претседателка Дилма Русеф предупреди во понеделникот дека е жртва на државен удар кој ја доведува во прашање иднината на земјата, во последното обраќање во Сенатот пред гласањето за нејзино отповикување во вторник или во средата.
Бразилската претседателка Дилма Русеф, како што пренесуваат агенциите, ги отфрлила обвинувањата дека ги прекршила буџетските правила и тврдела дека бразилските финансиски елити и политичката опозиција се обидуваат да ја дестабилизираат нејзината влада уште од нејзиниот повторен избор на должноста во 2014 година за да ги заштитат интересите на привилегираните, вклучително и приватизацијата на државната сопственост, како што се големите подводни резерви од нафта.
Русеф е обвинета дека со парите од државните банки ја финансирала државната потрошувачка во текот на изборната 2014 година.
Таа, пак, истакнува дека парите не влијаеле врз дефицитот, како и дека следната 2015 година веќе биле во целост вратени. Тврди, исто така, дека сите нејзини претходници постапувал идентично, а против нив никогаш не биле покренувани никакви истраги.
„Дојдов, господа сенатори, да ве погледнам в очи и да ви кажам дека не сум кривично одговорна, дека не сум ги сторила делата за коишто неправедно ми се суди и произволно му се припишуваат“, рекла Русеф, пренесува AFP.
Русеф оценила дека станува збор за „државен удар за индиректно да се доведе на власт узурпаторска влада“, потсетувајќи дека за неа гласела 54 милиони Бразилци. „Се наоѓаме на чекор од големо кршење на Уставот, конкретизација на вистински државен удар“, предупредила бразилската претседателка.
Предупредила, исто така, дека новата конзервативна влада ќе ги намали издвојувањата за социјалните програми и ќе го поништи напредокот постигнат изминатата деценија во борбата против сиромаштијата. „На коцка е иднината на Бразил“, предупредила уште еднаш Русеф.
Оваа сега 68-годишна политичарка со револуционерно минато, ги потсетила сенаторите дека целиот свој живот се бори за демократијата, од апсењето и измачувањето во времето на воената диктатура до членувањето во левата герилска групација и изборот за прва жена претседател во историјата на Бразил.
„Гласајте против отповикувањето, гласајте за демократијата“, заклучила Русеф по триесетминутното излагање по коешто одговарала на прашањата од сенаторите.
Сега следува расправа на сенаторите и конечното гласање, коешто се очекува во вторник или во среда. За отповикување потребни се две третини од сенаторите, односно 54 од 81. Доколку биде отповикана, Русеф нема да може да извршува јавни функции во период од следните осум години.
Поддршка на Русеф во Сенатот дошле да ѝ искажат и дваесетина министри од нејзината поранешна влада, вклучително и на нејзиниот политички ментор и поранешен бразилски претседател Луиз Инасио Лула да Силва, основачот на Работничката партија.
Русеф од средината на мај ја менува непопуларниот потпретседател 75 годишниот Мишел Темер од десноцентристичкото Бразилско демократско движење (PMDB), кој доколку таа биде прогласена за виновна и отповикана од должноста, ќе го одработи нејзиниот мандат до крајот на 2018 година.
Неговата влада најави дека ќе ги воведе непопуларните мерки за штедење за да го намали растечкиот државен дефицит поради кој минатата година Бразил остана без инвестициски рејтинг. Бразил во моментов има 11 милиони невработени лица и дефицит поголем од 45 милијарди американски долари.
Бразил веќе две години е во рецесија, за што многумина ј аобвинуваат ток,му Русеф. Нејзината популарноста падна и поради големиот корупциски скандал во државната нафтена компанија „Petrobras“, кој фрли дамка врз поголемиот дел од бразилската политичка елита, вклучително и партијата на потпретседателот Темер, За наводен обид да се попречи правосудството, за пасивна корупција и перење пари во оваа афера е обвинет и Лула.
Темер е уверен дека ќе ја добие поддршката од две третини од сенаторите и за среда веќе најави обраќање донацијата, по што ќе отпатува на самитот на земјите од групата Г20 во Кина. „Потребни ни се 54 гласа, а очекуваме дека ќе добиеме најмалку 60“, изјавил неговиот портпарол.
Испитувањето на весникот O Ertado de S.Paulo објави во понеделникот покажа дека против Русеф ќе гласаат 53 сенатори, а дека ќе ја поддржат само 19, девет помалку од 28 колку што ѝ се потребни за да остане на власт. Девет сенатори притоа не се изјасниле.
Но дури и сенаторите кои не сметаат дека би требало да биде сменета, ќе гласаат против неа, бидејќи повеќе не веруваат дека има доволна поддршка за да владее и да ја прекине политичката криза во земјата.
„Ќе гласам против неа, иако мислам дека е трагедија што отфрламе избрана претседателска, но уште две ипол години власт на Дилма би било полошо“, рекол сенаторот Кристовам Буарке за Reuters./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.
„Не чувствувам вина, јас ги спасив сите што можев“, кажа Столе Боев обезбедување на дискотеката „Пулс“
Столе Боев, обезбедување на дискотеката „Пулс“ изјави вечерва дека не чувствува вина. „Јас ги спасив сите што можев и многу...
Тага, болка и гнев – Кочани ден по трагедијата низ фотографии
Во Кочани, градот во кој се запали нелегалната дискотека „Пулс“, голем број семејства се завија во црно. Во пожарот, животот...
Обвинителството досега најде 14 одговорни за трагедијата во Кочани, се бара краткотраен притвор за сите
Четиринаесет лица се прцесуирани и за нив Обвинителството ќе бара краткротраен притвор, а меѓу нив е и ексминистерот за економија,...
На протестот во Кочани демолирано кафулето на сопственикот на дискотекта „Пулс”
Ескалира протестот во Кочани на кој се бара правда за загинатите во пожарот во дискотеката „Пулс“. Во еден момент, дел...
Иле Гоцевски беше на првата линија, некои болки се преголеми, некои загуби се претешки за да се носат, рече Таравари за смртта на возачот на Итната помош
Министерот за здравство, Арбен Таравари, на социјалните мрежи се огласи за смртта на возачот на Итната помош во Кочани, Иле...
Само 12 лиценци за кабареа биле издадени лани, Мицкоски вели – сите што работат на диво ќе бидат затворени
Премиерот Христијан Мицкоски изјави дека минатата година биле издадени смо 12 лиценци за кабареа, а може а се заклучи колку...
Петнаесетмина експерти за изгореници од странство се стигнати во земјава, ќе ги лекуваат 84-те пациенти од пожарот кои се во македонските болници
Некои од лекарите специјалисти за лекување изгореници, кои најавија дека ќе дојдат за да помогнат во лекувањето на повредените од...
Тошковски: Пиротехничките средства ги донел бендот ДНК, концертот бил одржан на диво
Министерот за внатрешни работи Панче Тошковски денеска одржа прес конференција и рече од извршен разговор со член на групата на...
Градоначалникот на Кочани поднесе оставка
„Во овие најтешки мигови за нашата земја и за мене лично, сакам да соопштам дека поднесувам неотповиклива оставка од функцијата...
Поради можни вдишувачки изгореници, на лекар да се јават и оние кои се чувствуваат добро, а биле во дискотеката, апелираа Таравари и Клековски
Сите пациенти се во релативно стабилна состојба, испратените на лекување во странство се сместени во болниците и состојбата е под...
„Повредите им се тешки, изгорениците покриваат и до 28% од кожата“: се огласија лекарите од Ургентниот центар во Белград
Најмалку 59 лица загинаа во пожар што избувна ноќта меѓу саботата и неделата во дискотеката „Пулс“ во Кочани. Најмладата жртва...
ЈОРМ: Пребарување на серверите и на уште еден компјутер во Министерството за економија, наредено е графолошко вештачење на потписи на одредена документација
Обвинителскиот тим кој работи на истрагата за утврдување на причините за катастрофата во Кочани од утрово е проширен и во...
(Фото) Знамињата пред Собрание на половина копје, денови на жалост во Македонија
Поради тргагедијата во Кочани, Владата на РСМ прогласи седумдневна жалост на територија на целата држава. „На вонредната владина седница по...
Фудбалерот Лазаров не е единствениот, уште двајца спортисти загинаа во страотниот пожар во Кочани
Страшниот пожар што избувна во дискотеката во Кочани, го одзеде животот на повеќе од еден спортист. Покрај фудбалерот Андреј Лазаров,...
(Видео) Осум од повредените во Кочани се во „Пирогов“ во Софија, три се деца, сите се во тешка состојба
Осум од повредените во пожарот во дискотеката „Пулс“ во Кочани се во тешка состојба во Софија во болницата „Пирогов“. Од...
(Видео) Тројца пациенти од Кочани се примени во болница во Варна
Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес. Тие беа пренесени...
(Видео) Авион на српската армија со 12 повредени во пожарот во Кочани пристигна во Белград
Дванаесет пациенти повредени во пожарот во дискотека во Кочани вчера вечер се пренесени од Македонија во Белград со авион CASA...
Пациентите кои се префрлени во странство се во стабилна состојба и под континуирана медицинска нега
Министерството за здравство информира дека од раните утрински часови во Клиничкиот центар функционира кризниот штаб, во тесна координација со Министерството...
Обвинителството поведува постапка за проверка на 11 лица, за осум веќе е поднесен предлог за краткотраен притвор
Обвинителството до овој момент поведува постапка на проверки за вкупно 11 лица. Од нив предлог за краткотраен притвор е веќе...
Дискотеката во Кочани имала само два противпожарни апарати, немала хидрантска мрежа, имала само една импровизирана врата и таа била затворена: Обвинителството регистрирало бројни неправилности
Вечерва државниот јавен обвинител Љупчо Коцевски, обзнани дека по извршениот увид во дискотеката во Кочани, биле забележани многу неправилности. Тој...
