Три нови дивизии, две во западниот и една во јужниот воен округ на Русија, се формирани за осуетување на зајакнувањето на силите на НАТО на руските граници, објави во средата рускиот министер за одбрана, Сергеј Шојгу.

„Министерството за одбрана презема редица мерки со цел да го осуети јакнењето на капацитетите на НАТО во близина на руските граници. До крајот на годинава ќе бидат формирани две нови единици во Западниот воен округ и уште едена во Јужниот“, изјави Шојгу, пренесе агенцијата РИА.

Шојгу додаде дека во моментов се градат објектите за споменатите единци според „најсовремени градежни и дизајнерски технологии“ кои овозможуваат нивно подигнување „за три до најмногу четири седмици“, и истакна дека „доколку е неопходно, тие објекти можат лесно да бидат преселени“ на нови локации.

Во вторникот Естонија обвини дека руските авиони наводно редовно го нарушувале нејзиниот воздушен простор, а американскиот министер за одбрана Ештон Картер во вторникот вечерта од Штутгарт порача дека „НАТО нема да се колеба да ги „заштити своите сојузници“ на Балтикот во случај на „руска агресија“.

Во последниот период зачестени се случаите кога руските борбени авиони ги пресретнуваат американските летала, особено над Балтичко Море и во близина на руските граници.

Последниот ваков инцидент се случи на 29-ти април, кога Пентагон повторно ги обвини руските воздушни сили дека нивен авион ловец од типот „Су-27“ на „опасен и непрофесионален начин“ пресретнал американски авион од типот „RC-135U“, кој наводно летал на рутинска рута во меѓународен простор и оти рускиот ловец, како и во претходните случаи, дошол на оддалеченост од само 30 метри од американскиот и извел „салто“ На та Москва одговори дека американскиот разузнавачки авион повеќепати се обидел да се приближи до руската граница без вклучен транспоредер, поради што не можеле да го идентификуваат, па морале да испратат авион за негово „визуелно идентификување“.

Претходно на 21-ви април над брегот на полуостровот Камчатка кога, како што соопшти Пентагон руски ловец „МиГ-31“ пресретнал американски протвиподморнички авион од типот „P-8 Poseidon“. Порталот Washington Free Beacon, ПОВИКУВАЈЌИ СЕ на воени извори, пишуваше дека целта на овој авион „P-8 Poseidon“ била да го шпионира новите руски подморници од проектот „955 Бореј“.

Инцидент во кој повторно беа инволвирани рускиот повеќенаменски борбен авион од типот „Су-27“ и американскиот шпионски авион „RC-135U“ над Балтичкото Море беше регистриран на 14-ти април. Телевизијата CNN тогаш објави дека рускиот авион „Су-27“ наводно го следел американскиот разузнавачки авион „RC-135“ на растојание од само 15 метри.

Неколку дена претходно, пак, Пентагон исто така како „небезбедни“ ги оценија „контактот на руските воздухоплови со американскиот разурнувач „Donald Cook“, исто така во Балтикот. Европската командата на американската армија објави видео од приближувањето на авиони „Су-24“ на „помалку од двете метри“ и хеликоптер „Ка-27“ покрај американскиот разурнувач „USS Donald Cook“ и обвини дека руската страна извела ткн „симулиран напад“ врз американскиот брод. .

Пред две седмици дена претставник на Пентагон изјави дека „минатата година повеќепати се случија инциденти кога руски воени авиони премногу блиску им се доближија на (американските) авиони и бродови, што предизвикува сериозна загриженост за безбедноста“ и оти „Ние сме многу загрижени за секое такво однесување“./крај/мф/сн

Извор: Макфакс