Руските и сириските сили ќе ги прекинат бомбардирањата на бунтовничките позиции во северниот сириски град Алепо во текот на осум часа во четвртокот за да им се овозможи на цивилите и бунтовниците да го напуштат градот, најави во понеделникот руската армија, а висока претставничка за надворешна и безбедносна политика на ЕУ, Федерика Могерини, ја поздрави одлуката како „позитивен чекор“ но со Обединетите нации оценија дека е понуден прекус рок, додека американскиот Стејт департмент оцени дека стигнува предоцна и оти е прекраток.

Неколкупати пред пропаѓањето на прекинот на огнот според руско-американскиот договор од 9-ти септември, силите на сирискиот претседател Башар ал-Асад во Алепо отвораа хуманитарни коридори за извлекување од опсадените источни квартови на цивилното население и бунтовниците кои сакаат да го положат оружјето. Неодамна на бунтовниците во Алепо, вклучително и екстремните исламистички групи, им беше понуден сигурен коридор преку кој од деловите под опсада ќе се повлечат со своите оружје.

Русија во понеделникот најави дека руската авијација и сириската војска ќе ги прекинат бомбардирањата и секој друг вид оган во Алепо од 8 до 16 часот по локално време во четвртокот за на цивилите да им биде овозможено слободно излегување од градот, како и и евакуација на болните и ранетите и да се осигури повлекување на вооружените бунтовници.

„Хуманитарната пауза ќе започне на 20-ти октомври во Алепо од 8 до 16 часот по локално време. Руските и сириските сили во текот на тој период ќе ги прекинат воздушните напади и секој вид оган“, прецизираше генералот Сергеј Руцкоj, од главниот штаб на руските сили за операциите во Сирија на прес-конференција.

„Два хуманитарни коридори треба да бидат отворени во четврток за повлекување на борците и уште шест коридори за евакуација на цивилите. Руската страна е секогаш подготвена да разговара за секоја иницијатива и предлог за решение на состојбата во Алепо“, порача генералот Руцкој.

Најавата за прекинот на огнот шефицата на европската дипломатија Федерика Могерини ја нарече позитивен, но можеби недоволен чекор хуманитарната помош да стаса до градот.

„Тоа може да претставува почеток… позитивен чекор. Меѓутоа, последните процени на хуманитарните агенции говорат дека сепотребни12 часа, па уште треба да се работи на тоа да се донесе заеднички став“, реле Могерини за новинарите по средбата на министрите за надворешни работи на земјите членки на ЕУ во Луксембург.

Обединетите нации предупредуваат на катастрофалната состојба во источно Алепо, каде што се исцрпуваат резервите од храна, лекови и други продукти.

Осумчасовниот прекин на огнот во Алепо кој го предложи Русија, е „позитивна“ но не доволно долга пауза за испорака на потребната помош на опколеното население, оцени портпаролот на ОН, Стефан Дужарик.

„Осумчасовната пауза за да се прекината постојаните патења на луѓето во Алепо би биле добра работа, но искрено тоа е премалку и предоцна“, изјави портпаролот на Стејт департментот, Марк Тонер на брифингот со новинарите.

Според процените на ОН, во источните квартови на Алепо, до пред почетокот на војната од март 2011 година финансиска престолнина и најголем град во Сирија со околу 2,5 милини жители, кои од 2014 година се под контрола на сунитската вооружена опозиција и исламистичките екстремни групи, има 250.00 цивили и 8.000 бунтовнички борци./крај/мф/сн

Извор: Макфакс