Вести
Русија презентира наводни докази дека Турција е главен купец на нафта на IS
Руското министерство за одбрана објави во средата дека поседува наводни докази дека Турција е главниот купувач на нафта од терористичката организација (IS) и дека турскиот претседател Реџеп Тајип Ердоган и неговото семејство се вмешани во бизниси со споменатата милитантна групација.
Функционери на руското министерство за одбрана на брифингот со домашните и странските новинари во Москва како докази презентирале сателитски снимки за кои тврдат дека прикажуваат колони од цистерни кои се полнат со нафта на постројки кои ги контролира Исламската држава во Сирија и во Ирак и ја минуваат границата кон соседна Турција.
Рускиот претседател Владимир Путин на самитот на Г20 во турска Анталија на другите челници им ги презентираше таквите снимки за кои рече дека се снимени од височина од 5.000 метри.
„Турција е главниот потрошувач на нафтата украдена од легитимните власти во Сирија и во Ирак. Според доказите коишто ги имаме, водството на земјата, вклучително и претседателот Ердоган и неговото семејство, се вклучени во оваа злосторничка работа“, изјавил заменикот руски министер за одбрана, Анатолиј Антонов порачувајќи дека руската авијација и натаму ќе продолжи со бомбардирањата на нафтената индустрија на Исламската држава во Сирија.
Експертите на ОН пред една година оценија дека Исламската држава од продажбата на нафтата заработува меѓу 850.000 и 1,65 милиони долари на ден. Меѓутоа, според Антонов претходно добивките на Исламската држава од нафтата изнесувале 3 милиони долари дневно, а приходот од илегалната продажба на нафта годишно изнесува најмалку 2 милијарди долари.
„Во регионот дејствува заеднички тим од бандити, турската елита за кражба на нафтата од соседите. Станува збор за огромни количества, на индустриско ниво и со илјадници цистерни се извезува на територијата на Турција“, додал Антонов.
Според руското министерство за одбрана постојат три главни правци за транспорт на нафтата од Ирак и Сирија на територијата на Турција.
„Идентификувани се три главни маршрути за транспортирање нафта на територијата на Турција под контрола на бандитските групи на Исламската држава“, рекол началникот на операциите во Сирија, Сергеј Рудској,
Генералот рекол дека станува збор за западен, северен и источен правец за шверцување на нафтата. Од нив, ткн Западната рута доаѓа од турските пристаништа на Средоземното Море, Северната рута води до рафинеријата Батман во Турција, а Источната е најголемата база за претовар во местото Џизра.
„По западната маршрута дериватите добиени од нафтоносните полиња во регионот на градот Рака (главното упориште на ткн “калифат на Исламската држава – з.р.) со цистерни, претежно навечер, се транспортираат до северозападните делови на Сирија. Натаму преку пограничните места Азаз (во Сирија) и Рејханли (во Турција), до турските пристаништа Дертијол и Искендерун“, појаснил Рудскот покажувајќи сателитска фотографија за којашто тврдел дека е снимена на 13-ти ноември во областа на градот Азас.
„Дел од нафтата се преточува на бродови и се испраќа за преработка надвор од Турција, а дел се продава на внатрешниот пазар. Дневно низ овие пристаништа во просек се товари по еден танкер“, прецизирал началникот на рускиот генералштаб за воздушните операции во Сирија. Притоа презентирал сателитска снимка датирана со 25-ти ноември од пристаништата Дартијол и Искендерун, на коишто според него се прикажани колони цистерни кои чекаат да бидат истоварени.
Другата маршрута, рекол Рудској, води во Турција од областите на нафтените полиња кои се наоѓаат на десниот брег од реката Еуфрат. Еден од најголемите центри за производство и преработка на нафта, кој се наоѓа под контрола на Исламската држава е регионот на градот Деир-ез-Зор.
„Таму има голем број рафинерии, од која една гледате на екраните“, рекол Рудској претставувајќи други снимки. „Во тој регион постојано се забележува концентрирање на цистерни кои треба да бидат товарени. Претставени ви се снимки од камионски конвои, кои се на кусо растојание“, додал.
Третата маршрута по којашто се превезува нафта украдена од џихадистите во Турција води од нафтоносните полиња во североисточна Сирија и во северозападните региони на Ирак, преку пограничните места Кара-Чох, Чам-Ханик на сириската територија и Таван и Захо, на територијата на Ирак.
„Снимките прикажуваат цистерни и други товарни возила во областа на споменатите места. На 28-ми ноември во областа на Кара-Чох на територијата на препумпната станица се регистрирани околу 50 цистерни со нафта“, додал рускиот генерал.
Според Рудској, проверката направена на 14-ти ноември во областа на ирачките градови Таван и Захо овозможила да се откријат над 1.100 камион и други возила за превоз на нафта./крај/мф/сн
Извор: ТАСС
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.
Дрога чувана под шанк во кафеана: четири лица под истрага за илегална препродажба на марихуана и хашиш во Валандовско
Основното јавно обвинителство Гевгелија донесе Наредба за спроведување истражна постапка против осомничен кој во временскиот период од октомври 2025 година...
Во „Пулс“ влегол со билет за кој не добил фискална, никој не му побарал лична карта, а од стампедото го спасил обезбедувачот Столе, сведочеше Иван Данаилов
Дваесетипетгодишниот Иван Данаилов, гостин во „Пулс“ вечерта кога се случи пожарот, на денешното судење сведочеше дека во клубот влегол со...
МВР ги објави казните за „Безбеден град“: што ќе се санкционира и колку ќе плаќаат возачите кои ќе направат прекршок
Во насока на зголемување на безбедноста во сообраќајот и доследна примена на законите, Министерството за внатрешни работи ги информира граѓаните...
Николоски предлага три решенија за проблемот со шенгенските правила за превозниците
Вицепремиерот и министер за транспорт Александар Николоски на граничниот премин Блаце им даде поддршка на домашните транспортери, кои од денеска...
Келнер, кој непријавен работел во „Пулс“, сведочи дека клубот имал само еден влез, имало малолетници, а пред пожарот со 63 жртви имало танчерки кои вртеле факели
Првиот сведок на Обвинителството, 20 – годишниот Кристијан Панов, на денешното судење за пожарот во кочански „Пулс“ во кој загинаа...
Две монтажни катни гаражи добива Клиничкиот центар во Скопје, најави Орце Ѓорѓиевски
Градоначалникот на Град Скопје, Орце Ѓорѓиевски, денеска најави отпочнување на процесот за изградба на две монтажни катни гаражи во рамки...
(Видео) Филипче ја критикуваше Владата дека го кочи европскиот пат и нема волја за уставни измени
Претседателот на СДСМ, Венко Филипче, на седница на Националниот совет за евроинтеграции изрази сериозна загриженост поради, како што рече, целосниот...
Судењето за „Пулс“ почна со предупредување за родителите на загинатите дека ќе бидат исклучени, по тензиите со бранителката на Јованови
Денешното судење за пожарот во кочанскиот клуб „Пулс“ со 63 жртви и над 200 повредени почна со предупредување за родителите...
Три лица тешко повредени во сообраќајка помеѓу три возила во тетовско
Три лица се тешко повредени во сообраќајна несреќа што се случила вчера вечер во 22:50 часот на регионалниот пат Јажинце...
Не е тајна дека Мицкоски има работено во бизнис секторот и има добро заработено, велат од ВМРО-ДПМНЕ за скапите часовници на премиерот
Не е никаква тајна тоа дека претседателот Мицкоски пред да влезе во политиката има работено во бизнис секторот во делот...
Блокадите на границите не се решение, загубите ќе бидат големи, смета Стопанската комора
Проблемот со примената на правилото од 90/180 дена за професионалните возачи во товарниот патен транспорт (евиденцијата на влез и излез...
Прекин на товарниот сообраќај на граничните премини, МВР ќе обезбеди непречен сообраќај за патничките возила и автобусите
Министерството за внатрешни работи – Оддел за гранични работи и миграција информира дека до МВР е доставена најава за одржување...
150 минимални плати чинат часовниците на Мицкоски, велат од СДСМ
„Премиерот Христијан Мицкоски се најде на врвот на листата на политичари од земји членки на НАТО со најскапи часовници“, велат...
Пијана со нож го прободела сопругот, а потоа го гребела по вратот и телото: жена од Хрватска осомничена за семејно насилство во Кавадарци
Основното јавно обвинителство Кавадарци поведе постапка против 30-годишна државјанка на Хрватска со привремен престој во Кавадарци, која е осомничена дека...
Зеленски: Кучето на Лукашенко има повеќе права од белорускиот народ
Украинскиот претседател Володимир Зеленски изјави дека Белорусија е сè уште принудена да постои како територија управувана од Русија, додавајќи дека...
(Видео) Градоначалникот на Њујорк снимен со лопата во рака
Њујорк, Њу Џерси и Конектикат прогласија вонредна состојба поради голема зимска бура што донесе обилни снежни врнежи во целиот регион....
(Фото) Зимска бура во САД: Најмалку седум мртви, стотици илјади без струја
Опасната зимска бура што ги зафати Соединетите Американски Држави усмрти најмалку седум лица и остави стотици илјади домови без електрична...
Ризик по животот: Човекот кој се искачи на Тајпеј 101 без заштита земал половина милион евра
Американскиот алпинист Алекс Хонолд изјави дека му е платен „смешно мал“ надомест за да се искачи на облакодер од 488...
Се претставил како инспектор, изнудил пари од жена за наводна сообраќајка, па бил фатен на граница
СВР Битола, во координација со Одделот за криминалистичка полиција при Бирото за јавна безбедност, поднесе кривична пријава до Основното јавно...
Пешак се бори за живот на Ургентен во Скопје , малолетник го удрил со автомобил
Малолетник со возило удрил во автомобил и пешак, кој се бори за живот во Ургентен цнетар во Скопје, информираа денеска...
