Русија во последниот период забележува драматично зголемување на бројот на летовите на авионите на НАТО во близина на нејзините граници, изјави постојаниот руски претставник во Североатлантската алијанса, Александр Грушко во разговорот за телевизијата Россия 24.

„Сега е забележливо големо зголемување на активностите на НАТО. Во алијансата не треба да се изненадени од она што ние го спроведуваме и, се разбира, што ги пресретнуваме тие авиони за да појасниме со какви цели се наоѓаат на границите на нашата земја“, рече рускиот дипломат.

Според Грушко, сложената ситуација е „производ на политиката на НАТО“. „Зголемената активност започна уште во 2004 година, откако земјите од Балтикот влегоа во НАТО, по што алијансата одлучи да го наметне режимот на воздушни патролирања над тие земји“, изјави постојаниот претставник на Руската Федерација во седиштето на северноатлантскиот воен сојуз во Брисел.

Додаде дека тој проблем не е нов. „Летовите на военото воздухопловство и нивното спроведување, не е од вчера. Меѓународната заедница не успеа да изработи цела низ документи коишто ќе овозможуваат, помалку или повеќе, да се неутрализираат негативните ефектите од можните блиски средби. Сиве овие прашања порано се решаваа преку билатерални канали“, појасни Грушко.

Истакна, исто така, дека плановите за распоредување на американскиот систем за противракетна одбрана во источна Европа, што Русија го смета за загрозување на нејзината безбедност, никој нема намера да ги прекине.

Првично главната теза за распоредувањето на противракетниот систем беше „иранската закана“, потсети дипломатот. „Во моментов тоа е заборавено. Покрај тоа, претставниците на НАТО велат дека тој проект не е насочен против ниедна земја, но во светот постојат 19 земји кои веќе поседуваат развиени ракетни технологии, па оттаму НАТО мора да се заштити“, рече во продолжение од разговорот Грушко.

„Ова е уште еден доказ дека целта всушност била сосема поинаква, односно стекнување стратешка предност по цена на нарушувањето на стратешката стабилност, да се стекне можноста за пресретнување на руските стратегиски сили“, истакна рускиот дипломат.

„Токму тоа е причината зошто ние се залагавме нашата можна соработка во таа сфера да биде изградена на сосема јасни законски гаранции, дека севкупниот систем кој ќе биде изграден да не поседува соодветни способности за поткопување на стратешката стабилност“, истакна Грушко.

Порача и дека Москва смета дека во НАТО мора да ја разберат сериозноста на последиците од одлуката да ги намалат персоналот во постојаното претставништво на Русија во Брисел.

„Ние го очекуваме појаснувањето. Во секој случај, НАТО мора да разбере, дека разградуваат а не подигнуваат. Доколку НАТО цврсто продолжи да стои на позицијата којашто ја соопштија, тоа за нас ќе значи дека, во крајна линија, во скора иднина Алијансата не смета и не планира да ја обнови соработката, дури и доколку поради тоа се усложнат неопходните политички околности“.

Според Грушко, „единственото оправдување за намалување на мисијата, коешто звучи убедливо, е шпиоманијата, односно изјавите дека Брисел ‘врие’ од шпиони“. „Таквите извештаи преставуваат апсолутно идеолошка содржина“, додаде./крај/мф/сн

Извор: TAСС