Русија во сабота со досега најголемата воена парада во традицијата, но без присуство на западноевропските и американските политички челници го одбележува 9-ти мај, Денот на победата над фашизмот во Втората светска војна.

Западот ја обвинува Русија дека се вмешала во конфликтот во источна Украина каде што повеќе од година трае бунтот на рускојазичното мнозинство и им дава поддршка. Москва тоа одлучно го негира, бара докази за таквите тврдења и, обратно, го обвинува САД и Западот дека стојат за превратот од пролетта 2014 година со кој беше соборен украинскиот претседател Виктор Јанукович, наклонет на Русија,

Меѓутоа западниот бојкот не му попречи на рускиот претседател Владимир Путин, задоволно да ги пречекува другите светски челници, како кинескиот претседател Си Џинпинр, индискиот Ранаб Мукерји, египетскиот Абдел Фатах-ал-Сиси и кубанскиот, Раул Кастро, како и генералниот секретар на ОН, Бан Ки-мун, пред кои на парадата ќе покаже и стотина нови видови оружје и воена техника.

Новиот руски тенк „Армата Т-14“, кого експертите го означија како најмоќниот во својата класа денеска на светот, меѓуконтиненталните балистички ракети од 50 тони и 16 илјади војници од утрото минуваат пред дваесетина шефови на држави поканети на официјалната трибина, од каде што ја следат парадата којашто демонстрира дека Русија се враќа во центарот на светската сцена четврт век по распадот на Советскиот сојуз.

По воената парата повеќе од 160.00 луѓе во центарот на Москва ќе минат во поворка во којашто московјаните ќе носат потрети на своите татковци и дедовци, ветерани од војните. Во текот на вечерата предвидени се големи концерти на отворени и огномети на повеќе места во руската престолнина, како и во градовите низ цела Русија.

Прославата се одвива во атмосферата на најголемите тензии меѓу Русија и Западот по завршувањето на идеолошката Студена војна. Ретки се западните политички челници, како на пример чешкиот претседателот Милош Земан, кои присуствуваат на прославата во Москва, кои беа изложени на притисок да се придружат на бојкотот. Чешкиот и словачкиот претседател под притисок, како и францускиот министер за надворешни работи, Лорен Фабиус, така нема да присуствуваат на прадата. Претходно во петокот, шефот на германската дипломатија Фрнк-Валтер Штајнамер во придружба на својот руски колега Сергеј Лавров го посети меморијалниот центар во Волгоград посветен на битката за поренешен Сталинград.

Во недела, сепак, во Москва ќе допатува германската канцеларка Ангела Меркел, којашто во дводневната посета ќе положи цвеќе на Гробот на незнајниот јунак, а ќе се сретне и со Путин, но засега двете страни не ги објавија темите на можните разговори.

Грција којашто во Москва ја претставува претседателот на парламентот, Зои Константинополу, на својот паралментарен телевизиски канал директно ја пренесиува парадата во Москва.

На парадата беа прикажани покрај тенкот „Армата Т-14’, и самооднито топ „Коалиција СВ“ со дострел од 70 километри, противтенковскиот систем „Корнет-Д“, со максимален дострел од 10 км, противтенковското оклопно возило „Кургенец-25’, како и „Корнет-Д“ има надграден систем за активна одбран од мини. Прикажани беа и амфибиските транспортни оклопни возила „Бумеранг“, како и неколку системи од меѓуконтинентални балистички ракети „РС-24“, долги над 20 метри, тешки 50 тони, со дострел од 11.000 километри.

Путин не е загрижен поради бојкотот на Европејците и Американците, кои во петокот ја прославија 70-годишнината од крајот на Втората светска војна, која во Русија се смета за уште еден доказ за патриотизмот на рускиот народ и подготвеноста на себежртвуање за татковината. Пред прославата рускиот претседател раскажа како неговата мајка ги преживеала страшните 900 денови опсада на поранешен Ленинград (Санкт Петербург), во кој брат му починал од дифтерија а татко му бил тешко ранет од граната што ја фрлил германски војник.

Руските медиуми деновиве прикажуваа репортажи со документарни материјали и снимки од Втората светска војна, од борбите за Сталинград и опсадата на Ленинград, па до ослободувањето на концентрационите логори и заземањето на Рајхстагот во Берлин, споменувајќи го десетината милиони жртви, коишто, пак, во западните медиуми не се споменуваат. Но западните медиуми забележуваат затоа дека во материјалите емитувани на руските телевизии „се вратил“ советскиот диктатор Грузиецот Сталин.

Анкетите покажуваат дека во 2008 година само третина Руси сметале дека големите цели на СССР го оправдувале жртвите кои биле дадени за време на сталинистичките чистки, но сега така мислат половината, според испитувањето на јавното мнение спроведено од центарот Левада./крај/мф/сн

Извор: Макфакс