Само во текот на изминатото деноноќие руските авиони во Сирија уништија 53 утврдени позиции на џихадистичката група Исламска држава во 63 борбени летови над поркаинит Хама, Латакија, Идлиб и Рака, објави во неделата руското министерство за надворешни работи, додека невладината организација за човекови права uman Rights Watch (HRW) обвини дека Русија на сириското боиште првпат во воздушни напади употребила наводно нобв тип ткн „касетни бомби“.

„Само за едно деноноќие руските авиони уништија 53 утврдени објекти и одбранбени позиции на терористите заедно со оружје и воена опрема, еден команден центар, четири кампови за обука на терористите, седум магацини за муниција, артилериски и минофрлачки батерии“, изјави портпаролот на руското минситерство за одбрана, генерал-мајорот Игор Конашенков, пренесува агенцијата ТАСС.

Истакнал дека авионите „Су-24М’ во областа на местото Сална уништиле команден центар на единица на Исламската држава, од кој биле координирани нивните активности во покраината Латакија. „Како резултат на директниот погодок на наведуваната бомба КАБ-500, објектот во кој се криеле водачи на милитантите е целосно уништен“, рекол Конашенков.

Тој го истакнал и напредокот во разговорите меѓу руското министерство за одбрана со Пентагон за усогласување на активностите во текот на операциите на воздухопловните сили на двете земји во Сирија.

Конашенков, исто така, истакнал дека пресретнатите разузнавачки податоци покажуваат дека расте паниката меѓу борците на Исламската држава. „Пресретнати се барања на борбените команданти до повисоките штабови за идно пополнување на резервите од муниција и оружје, кое е уништено од руската авијација и испраќање засилување од покраината Рака за задржување на позициите кои досега ги држеа“, рекол.

Од друга страна, Human Rights Watch (HRW) чие седиште е во Њујорк, во соопштение наведува дека бомбите кои се наменети за уништување на оклопни возила, а пред една седмица ги употребиле руските авиони во напад југозападно од Алепо, биле нов вид касетни бомби. Засега нема експертска потврда, ниту демант на оваа информација

Инаку, со Конвенцијата од 2008 година, која ја потпишаа 98 држави, касетните бомби се забранети, бидејќи имаат широк распон на дејствување и остават зад себе мали неексплодирани бомби ткн „ѕвончиња’ кои резултираа со цивилни жртво во време на нападот, но и многу по него.

Активисти на сириската сунитска опозиција којашто ја поддржува Западот нарекувајќи ја „умерена“, рекле дека касетни бомби биле користени и во воздушните напади во близина на боиштето северозападно од Хама во централна Сирија, каде владините сили со поддршка на руската авијација заземаа значајна територија.

„Вознемирувачки е фактот дека во Сирија е употребен нов вид касетна муниција, бидејќи од тоа ќе страдаат цивили и во времето кое доаѓа“, рекол Надим Хури, директор на HWR за Блискиот исток, пренесува DPA.

Од организацијата рекле дека не можат да потврдат дали касетните бомби употребни и за време на нападот во Кафр-Алаба, југозападно од Алепо, ги фрлиле сириските или руските авиони.. HWR истакнува дека сириските сили повеќепати употребиле касетни бомби во граѓанската војна којашто започна во март 2011 година. Додаваат и дека ги употребиле и екстремистите од Исламската држава во нападот врз курдскиот град Кобане минатата година./крај/мф/сн

Извор: Макфакс