Рускиот министер за одбрана Сергеј Шојгу во петокот изјави дека во нападите со крстаречки проектили врз цели на екстремната сунитска организација Исламска држава во сириската покраина Деир-ез-Зор се убиени повеќе од 600 бунтовници, додавајќи дека со истите удари значително е ослабена можноста за финансирање на споменатата терористичка организација.

Министерот за одбрана Сергеј Шојгу во разговорот со претседателот и врховен командант Владимир Путин го известил дека започнало координирањето на операциите меѓу руските и француските сили во борбата со терористичките групации во Сирија, пренесува агенцијата РИА.

На кадрите коишто ги емитуваше телевизијата Россия 1 се гледа дека на бомбите коишто ги исфрлаат руските авиони врз позициите на милитнатите се напишани пораките „За нашите!“ и „За Париз!“, алудирајќи на падот на рускиот авион во Египет од 31-ви октомври кога загинаа 224 луѓе и нападите од 13-ти ноември во француската престолнина Париз со 130 жртви, за што одговорноста на презема Исламската држава.

Од 30-ти септември Русија по барање на сирискиот претседател Башар ал-Асад изведува воздушни удари врз позициите на џихадистичките групации Исламска држава и Џебхат ан-Нусра и за тоа време според министерството за одбрана биле извршени над 2.000 борбени летови, при што се уништени повеќе стотици милитанти, и околу 3.000 цели на терористите. Од вторникот руската авијација започна со масивни удари кои ги изведуваат стратешките бомбардери со долг дострел од видовите „Ту-160“, „Ту-95МС“ и „Ту-22М3“.

Според Шојгу, во изминатите четири дена нападите биле фокусирани врз челниците на терористичките групи, логистиката, контролните позиции и особено инфраструктурата со којашто Исламската држава ги експлоатира сириските енергетски ресурси од кои на црниот пазар остварува големи профити со коишто ги финансира своите терористички активности.

Покрај воздушните удари, рускиот министер за одбрана истакнал и дека во петокот биле лансирани и 18 наведувани крстосувачки проектили од бродовите на Касписката флота со кои биле гаѓани цели ви сириските покраини рака, Идлиб и Алепо, при што се „погодени сите цели“.

Според него, во петокот ударите биле изведувани од акваториумите на Средоземното и Каспиското Море, на оддалеченост до 1.500 километри од целите, а авионите полетувале од аеродромите во Сирија и во Русија.

Во изминатите четири дена од активностите на стратешките бомбардери биле изврени 522 летови и лансирани 101 крстосувачака ракета, и повеќе тони различни видови бомби, при што биле уништени 826 цели на милитантите. Во петокот бројот на борбени летови од аеродромите во Сирија бил двојно зголемен на борбени 69 полетувања, а дневно се вршат вкупно 143 летови. Додека поморската група во сириската операција брои десет бродови, од кои четири се стационирани во Средоземното Море.

Шојгу истакнал дека главна цела на последната кампања е нанесување сериозни штети врз капацитетите кои на Исламската дражва ѝ носат финансии, така што биле уништени 15 објекти за складирање горива и уништени 525 цистерни, со што „е запрена испораката на околу 60.000 тони нафта дневно, со што терористите губат по 1,5 милиони долари дневно“.

Исламската држава трпи и значителни загуби во жива сила, и само во напад врз еден од објектите во покраината Деир-ез-Зор биле уништени повеќе од 600 милитанти, според Шојгу.

Во извештајот Шојгу истакнал и дека е забележано намалено пристигнување на нови борци за терористичките групи во Сирија, а од друга страна бил зголемен бројот на милитантите кои ги напуштаат воените зони кон север и југозапад на Сирија.

Портпаролот на Кремљ, Дмитриј Песков, одговарајќи на прашањето за значењето на изјавата на претседателот Путин за „наредните фази“ од воената операција, истакна дека не се разговара за можна копнена операција на руските војски во Сирија. „За тоа не се разговараше, ниту во моментов се разговара“, одговори Песков за новинарите.

Во посебно соопштение во петокот, руското министерство за надворешни работи соопшти дека министерот Сергеј Лавров разговарал со американскиот државен Џон Кери телефонски разговарале за неопходноста од заедничкото дејствување во борбата против Исламската држава и неопходноста од преговорите меѓу владата во Дамаск и вооружената опозиција./крај/мф/сн

Извор: РИА Новости