Првпат од почетокот на руската воена воздушна операција во Сирија во вторникот беше вклучена и руската стратешка авијација, односно тешките бомбардери со долг долет од типовите „Ту-160“, „Ту-95МС“ и „Ту-22М“ кои нанесоа масивни напади со проектили и бомби врз позициите на екстремната сунитска организација Исламска држава во Сирија, по наредба на рускиот претседател Владимир Путин, откако безбедносните служби претходно го известија дека причина за падот на рускиот патнички авион со 224 луѓе на 31-ви октомври на Синај е експлозија на подметната бомба во авионот, за што претходно одговорноста ја презема споменатата џихадистичка групација.

Рускиот претседател Владимир Путин, кој е и врховен командант, го доби во текот на денот преку видео-конференција рапортот до министерот за одбрана Сергеј Шојгу и началникот на Генералштабот на руската армија Валерија Герасимов, како и командантите на разните видови војски, како и информации за текот на подготовките за заедничкиот акционен план со француските поморски сили во борбата против Исламската држава во Сирија.Една од важните новини кога станува збор за руските воени операции во Сирија е тоа што по барање на рускиот претседател се планираат и заеднички операции на воените морнарици на Русија и на Франција.Наскоро во областа на руските активности ќе се приклучи група француски воени бродови предводена од носач на авиони. Путин порачал дека е неопходно руските команданти да воспостават директен контакт со француските колеги и да разработат заеднички операции и на море и во воздух.Претходно во вторникот извори од француското министерство за одбрана потврдија за AFP дека француските воздушни удари врз седиштето на Исламската држава во Рака била поддржана од руската морнарица која дејствувала со крстосувачки ракети од акваториумот на Средоземното Море. Путин бил известен дека покрај оперативно-тактичката воена авијација којашто оперира од сирискиот аеродром Хмејимим, во вторникот биле ангажирани 12 авионот кои полетале од руска територија, од споменатите типови кои во раните утрински часови извршиле масивно бомбардирање на врз цел на Исламската држава во покраините Рака и Деир-ез-Зор.Според министерот Шојгу, авионите од бомбардерите од типовите „Ту-160“ и „Ту-95МС“, кои во своето вооружување имаат и ракети, лансирале 34 наведувани крстосувачки ракети врз цели на терористичката организација во двете сириски покраини. Како што потврдил генералот Герасимов, а претходно потврдија и функционери во Вашингтон, за оваа руска акција, благовремено биле известени сите членки од меѓународната коалиција предводена од САД којашто исто така изведува воздушни операции против Исламската држава во Сирија и во соседен Ирак.Командантот на руските воздухопловни сили за долги летови, Анатолј Жихарев го известил Путин дека авионите „Ту-160“, „Ту-95MS“ и „Ту-22M3“ во текот на операциите минале во воздух повеќе од осум часа. „Во текот на изведувањето на нападите, авионите „Ту-22М3’ за еден лет во траење од 5 часа и 20 минути изминале растојание од 4.510 километри, а авионите ‘Ту-160’ и ‘Тѕ-95МС’ минале во воздухот 8 часа и 20 минути“, истакнал Жихарев.Според него, авионите „Ту-160“ и „Ту-95МС“ по извршување на задачите се приземјиле на матичните аеродроми на руска територија каде се сервисираат за нови летови. Засилената ескадрила од стратешките бомбардери „Ту-22М3“ од базата во Моздок во продолжение извела два групни напада врз цел на Исламската држава во источните делови на Сирија, во покраините Деир-ез-Зор и Рака, додал.Во овие масивни воздушни напади руските бомбардери лансирале 34 крстосувачки ракети со долг дострел при што биле уништени 14 важни објекти на Исламската држава, соопшти руското министерство за одбрана. Станува збор за објекти кои служеле за координација на силите на џихадистите во покраините Идлиб и Алепо. Покрај тоа, биле уништени и складишта со муниција и друга воена опрема на Исламската држава во северозападна Сирија, засолништа, кампови за обука на борци и бомбаши самоубијци.Герасимов истакнал дека и во рамките на вторничните бомбардирања во Сирија руската авијација уништила и значителен дел од инфраструктурата којашто џихадистите ја користат за илегална продажба на нафта и гас, преку што се финансира Исламската држава, нагласувајќи дека биле уништени две колони цистерни за транспорт на енергенси. Руските воени функционери, притоа, ги истакнале успесите на армијата на сирискиот претседател Башар ал-Асад, на чијшто повик се ангажирани руските сили во оваа земја, којашто првпат по четири години успеала да ослободи 80 населени места. Челниците на руските вооружени сили најавувајќи зголемување на интензитетот на воздушните операции во Сирија, најавија и дека се разработува план за вклучување и на напредната генерација напредни руски борбени летала.Според Герасимов, се планира зголемување на борбените летови од сирискиот аеродром Хмејимим, и дополнително ангажирање на напади од руска територија на 25 авиони на силите со долг лет, како и на осум напредни бомбардери „Су-34“ и четири јуришни авиони од типот „Су-27СМ“ од новата генерација. Притоа, за прецизно водење на операциите ќе бидат активирани и дополнителни сателити од руските воени вселенски капацитети.Вкупно во изминатите 48 дена, колку што трае руската воздушна операција во Сирија, биле извршени 2.289 борбени летови и биле извршени 4.111 ракетни напади и бомбардирање врз главни цели на инфраструктурата на Исламската држава, при што биле уништени складишта на воена опрема и жива сила на џихадистите. Биле уништени 562 командни точки, 64 кампови за обука на терористи, 54 фабрики и други постројки за производство на оружје, магацини за муниција и горива, како други објекти./крај/мф/сн

Извор: РИА Новости