Унгарија би требало да ги поддржи санкциите кои Европската унија го воведе против Русија и во овој момент да не го спомнува прашањето на автономијата на унгарското малцинство во Украина, изјави во Будимпешта американски дипломат.

Кон средината на мај, премиерот Виктор Орбан изјави дека Унгарија ќе ги брани своите права во Европската унија, а за Унгарците коишто живеат надвор од матичната држава, во централна Европа, вклучително и во Украина, бара автономија.Повеќето Унгарци денес сметаат дека Трианонскиот договор од 1920 година за нив претставува национална трагедија, бидејќи со негов Унгарија останала без две третини од својата територија, а милиони Унгарци останале да живеат во други држави, Романија, Словачка, Унгарија и во Србија.Орбан никогаш не се залагал за повторно присоединување на загубените области на Унгарија, но неговите идеи и активности предизвикаа остри реакции во некои од соседните земји. Како што пред неколлку месеци прашањето на Унгарците во странство е актуелно особено поради ситуацијата на Украина, во којашто живеат 200 илјади Унгарци, кои имаа досега право на унгарско државјанство и самоуправа.„Тоа е нашето јасно очекување од новата Украина, која сега ја добива формата”, рече Орбан додавајќи дека новите прозападни украински власти ја имаат поддршката на Унгарија во напорите изградат демократска Украина.На крајот од февруари унгарската влада ја осуди одлуката на новите украински власти за укинување на законот за регионални јазици, односно за јазиците на припадниците на малцинствата во земјата.Со законот за регионални јазици од 2012 година, во Украина беше дозволена употреба на повеќе од еден јазик во оние области каде етничкото малцинство чини повеќе од 10 проценти од населението.„Унгарската влада не може да ја прифати во никаква форма одлуката за укинувањето на украинскиот закон за јазици”, изјави на 27-ми февруари портпаролот на унгарската влада Андраѓ Гиро-Сас.Околу 150 до 200 илјади Унгарци го сочинуваат најголемото етничко малцинство (околу 13 проценти) во регионот Транскарпатија, кој граничи со Словачка, Унгарија и Романија.Будимпешта, исто така, изрази загриженост поради фактот што активистите на групата Десен сектор, која ѝ припаѓа на екстремната десница, неодамна упаднала на состанок на градскиот совет на месноста Берехове, во која Унгарците се мнозинство од населението. Унгарците од Транскарпатија, исто така, ја обвинуваат десничарската украинска група за оштетување на унгарските споменици во тој регион.Вршителот на должноста американски амбасадор во Унгарија, Андре Гудфренд ја критикуваше во петокот политиката на унгарскиот премиер Виктор Орбан во однос на Русија, кој изрази поддршка за изградбата на гасоводот Јужен тек и склучи со Русија договор за проширување на унгарската нуклеарна централа Пакс, бидејќи тој процес, изјави американскиот дипломат, наводно бил нетранспарентен. Унгарија, инаку, е една од малкуте европски држави која е во позитивно салдо во трговската размена со Русија.Претходно минатиот викенд европските медиуми објавија дека САД вовеле санкции за шест Унгарци, државни службеници или лица поврзани со властите, на кои и е забранет влезот во САД поради наводна корупција. Официјална Будимпешта од Вашингтон побара докази за таквите тврдења, а унгарските медиуми сметаат дека станува збор за американски притисок поради проверки на даночното работење на американски компании во Унгарија. Гудфренд на прес-конференцијата во петокот изјави дека таа забрана не се заснова на унгарската политика, туку на специфичните постапки на тие поединци коишто одби да ги именува. Според него, во Унгарија којашто некогаш со својата мирна транзиција во либерална демократија по 1989 година била пример за другите, сѐ побрзо слабее владеењето на правото, а граѓанскиот сектор е загрозен./крај/мф/сн  

Извор: AFP