Поранешната прва дама и државна секретарка Хилари Родам Клинтон, сенаторот од сојузната држава Вермонт, Берни Сандерс и гувернерот на државата Мериленд, Мартин О’Мали, ќе учествуваат во неделата навечер во четвртото директно соочување за партиската номинација на претседателските избори во САД во ноември годинава, кој е последен дуел пред партиските избори кои за две седмици ќе се одржат во Ајова.

Анкетите покажуваат сé потесна трка и сé поголеми тензии меѓу ривалите во Демократската партија за влез во Белата куќа. Хилари Клинтон и Берни Сандерс во неделата во телевизиското соочување во Чарслтон, во државата Јужна Каролина, би можеле да влезат во жестока расправа. Двајцата водечки демократски претенденти во последно време жестоко се напаѓаат меѓусебно, спорејќи околу прашањето за огненото оружје, здравствениот систем и Волстри.

На Сандерс сé повеќе му се зголемува популарноста во клучните држави, што му даде полет, додека Клинтон сака да ја задржи предноста којашто ја стекна на почетокот, па оттаму не зачудува што реториката се заострува. Се очекува дека во неделната дебата, којашто ќе ја пренесува телевизиската мрежа NBC а ќе може да се следи и на YouTube, и надворешната политика ќе добие значаен простор, имајќи предвид дека во саботата беше објавена веста за размената на затворениците меѓу САД и Иран во рамките на која Техеран ослободи пет Американци, меѓу кои и новинарот на The Washington Post, како и укинувањето на меѓународните и западните санкции за Исламската Република.

Гувернерот О’Мали лошо стои во анкетите и значително заостанува зад Клинтон и Сандерс. Кога станува збор за Сандерс, тој во Ајова, каде што ќе се одржат првите предизбори, е изедначен со Клинтон, додека е во предност во Њу Хемпшир, втората држава по ред во која ќе се гласа за демократските избори.

Оттаму, според американките коментатори, не зачудуваат острите изјави во последниот период. Клинтон жестоко го нападна Сандерс поради неговата благонаклонетост кон лобито на произведувачите на оружје и критички се осврна на неговиот предлог за здравствен систем барајќи од него да објасни кој тоа би го платил. Клинтон го обвинува својот ривал дека сака да ѝ ги зголеми даноците на средната класа, за да го финансира универзалниот систем на здравствена заштита, според примерот на европските здравствени системи.

Сандерс, пак, одговори со видео спот со демократите кои земаат пари од Волстрит, навестувајќи го својот план за разбивање на големите банки. На што Клинтон возврати дека го погазил своето ветување дека нема да ѝ прикажува негативни реклами.

„Очигледно се одлучија да ги заострат своите спритиставени ставови за некои прашања. Ова ќе биде многу важна дебата, имајќи го предвид големиот број неодлучени избирачи во анкетите. Луѓето уште ја мерат својата одлука“, вело Бред Андерсон кој ја водеше кампањата на актуелниот претседател Барак Обама во Ајова во 2012 година. Според него,. Клинтон сака жестоко да го нападне Сандерс дека е „преблаг“ по прашањето на заострувањето на законот за носење оружје, особено имајќи предвид дека дебатата се одвива во Чарслтон, недалеку од црквата во која ланскиот белец уби девет црнци.

Аналитичарите сметаат дека со победата на Сандерс во Ајова и во Њу Хемпшир работите може радикално да се променат, но и предупредуваат дека со изедначената битка може да сведочат за пресврт во една од досега најтивките кампањи во една „грда кампања“. И додека истакнуваат дека е добро што работите се „усвителе“, исто така, оценуваа дека кандидатите би требало да внимаваат на својот јазик и на тонот, доколку сакаат луѓето масовно да се јават на гласачките места во „студената зимска ноќ“.

„Преагресивните, негативни пораки, би можеле да ги одвратат од гласањето“, оцени Андерсон.

За да ги мобилизира своите гласачи во Ајова, која се покажа многу важна, Клинтон во саботата во оваа држава ги испрати својот сопруг поранешен претседател Бил Клинтон и нивната 35-годишна ќерка Челзи. „Не би можела за себе да замислам подобар модел да бидам сопруга, демократка, напредна и вработена мајка“, порача Челзи на собир пред околу 500 луѓе./крај/мф/сн

Извор: AFP