САД објавија во петокот се приземјени сите 97 борбени авиони „F-35“ на компанијата „Lockheed Martin“ поради проверка на моторите коишто ги произвела компанијата „Pratt & Whitney“ која е во рамките на „United Technologies Corp“.

Американското воено воздухопловство и морнарицата во четвртокот издале упатства за запирање на сите летови на авионите од типот „F-35“  откако на 23-ти јуни избил пожар на еден од авионите во воздухопловната база кај Иглин на Флорида. Пентагон соопшти дека уште не се откриени причините за пожарот кој избувнал додека пилотот се подготвувал за полетување. Пилото во инцидентот не е повреден, соопшти американското министерство за одбрана. Пентагон, меѓутоа, објави дека продолжуваат подготовките на авиони „F-35“ за учество на два воздухопловни митинзи, во Велика Британија кон крајот на јули, но дека конечната одлука ќе биде донесена на почетокот од следната седмица. Поради пожарот, сепак, е одложен планираниот лет на „F-35“ на свеченоста за поринувањето на британскиот носач на авиони што ќе се случи подоцна во петок. Инцидентот од 23-ти јуни е последен во серијата коишто се случи в најскапата програма на Пентагон, проект кој ги чини САД 398,6 милијарди долари, за развивање на повеќенаменскиот ловец „ F-35 Joint Strike Fighter“. Претходно во јуни, поради истекување на гориво беше нареден задолжителен преглед на целата флотила. .Откривањето на причината за избувнување на пожарот во последниот инцидент, е главниот приоритет на министерството за одбрана на САД, коешто во моментов прави процени на влијанието на инцидентот на пробните летови, обуките и операциите на овој повеќенаменски авион со намален радарски одраз, односно кој спаѓа во ткн класа „невидливи“ летала. Австралија и Јужна Кореја објавија дека нема да ги менуваат плановите за купување на „F-35“. Австралија планира да набави 58, а Јужна Кореја 40 летала.Се развиваат три верзии на ловецот-бомбардер „F-35“, за воздухопловните сили, за морнаричката пешадија и за морнарицата на САД. Се проценува дека ова оружје, коешто најрано ќе влезе во составот на армијата во 2016 година, чини околу 75 милиони долари за парче.Американскиот борбен авион од петтата генерација „F-35“ е развиен од воздухопловната компанија „Lockheed Martin”. Повеќето американски воени експерти уште минатата 2013 година забележаа повеќе недостатоци кај овој вид летала, и сметаат дека тој повеќе соодветствува на четвртата генерација ловци со додавката „плус”. Во февруари 2103 година беше суспендирано тестирањето на овие авиони, откако во турбината на еден од прототиповите беше забележана пукнатина. Пробните летови беа обновени во април.Новиот американски борбен авион „F-35“ го изврши првото пробно бомбардирање кон крајот на октомври 2013 година, кога авионот од моделот „F-35B“ кој полета од воздухопловната база „Едвардс” од височина од 7.600 метри испушти бомба со ласерско наведување GBU-12 со тежина од 226,8 килограми, прецизно погодувајќи ја целата на земјата, според Пентагон.Според првичните најави, САД имаат намера да порачаат околу 2.800 авиони „F-35“ од трите модификации, а најмалку 600 летала да испорачаат во девет земји најблиски сојузници, вклучително и од НАТО./крај/мф/сн

Извор: Reuters