САД ја предупредија Турција поради „јавните инсинуации“ за американската вмешаност во обидот за воен преврат и истакнуваат дека таквите тврдења се „потполно неточни и штетни“ за меѓусебните односи.
 

САД ја предупредија Турција поради „јавните инсинуации“ за американската вмешаност во обидот за воен преврат и истакнуваат дека таквите тврдења се „потполно неточни и штетни“ за меѓусебните односи.

Како што пренесе BBC во неделата, американскиот државен секретар се огласил во врска со наведените обвинувања откако турскиот министер за труд изразил одредени сугестии за тоа дека САД стојат зад неуспешниот обид за пуч.

Агенцијата РИА пренесува дека Кери во разговорот со турскиот министер за надворешни работи Мевљут Чавушоглу предупредил дека таквите изјави за учеството на САД во обидот за превратот се шетни и невистинити.

Кери притоа јасно дал до знаење дека САД се подготвени на турските власт да им помогнат во истрагата за околностите на немирите, но го повикал Чавушоглу да се покаже воздржаност во истрагата во која досега се уапсени над шест илјади лица, меѓу кои највисоки воени командант, стотици судии и обвинители.

Во писмената изјава на портпаролот на американскиот Стејт департмент, Џон Кирби, се истакнува дека Чавушоглу „се заблагодарил на САД за поддршката“. Кери повикал владата на Турција да ги исполни сите меѓународни обврски.

Од своја страна Кери потврдил дека Вашингтон ја поддржуваат демократски избраната влада на Турција и владеењето на правото. Истакнал и дека турските власти во организирањето на одговорот на обидот за преврат неопходно мора да ги преземат сите мерки за заштита на животите на цивилите.

Остриот дијалог на релација Анкара – Вашингтон започна откако турскиот претседател Реџеп Тајип Ердоган побара САД да ѝ го предадат на Турција исламскиот клерик Фетулах Ѓулен кој повеќе години е во егзил во американската сојузна држава Пенсилванија кого го означи како главно лице кое стои зад обидот за пуч.

Ѓулен одговори негираше наведувајќи дека тој е против недемократските средства за преземање на власта. Зборувајќи за Reuters од својот дом во Пенсилванија тој рече дека „како човек кој трпел под неколку воени удари во текот на последните пет децении, особено е повреден од обвинувањата дека има каква и да е врска со тој обид“.

Обидот за пуч се случи во петокот вечерта кога фракција во турската армија ги блокираше мостовите во Истанбул, влезе во некои телевизии, и со тенкови го нападна парламентот во Анкара. Речиси три илјади војници се уапсени, а над 400 судии и обвините, додека 2.700 судии се отпуштени од должност, во настојувањата на владата да ја осигури власта.

Ердоган аргументирајќи го барањето САД да го предадат Ѓулен, рече дека Турција како сојузник на Соединетите држави во НАТО, никогаш не ги одбила американските барања за предавање на „терористите“. „Ако сме стратешки партнери, би требало да одговорите на нашето барање“, рече Ердоган во саботата навечер во текот на телевизиското обраќање.

Кеи, кој се наоѓа во Луксембург, во неделата на ова одговори дека САД го прифаќа фактот дека „околу Ѓулен ќе се поставуваат прашања“. Американскиот државен секретар притоа порача дека Турција мора да претстави „легитимни докази“ поврзани за нејзиното тврдење, коишто потоа САД ќе ги разгледаат./крај/мф/сн

Извор: Макфакс