Американската мисија при НАТО во Брисел постави на интернет снимки од цивилен сателит, за кои тврди дека покажуваат дека руски воени единици се наоѓаат на територијата на Украина, додека Стејт департментот смета дека со ова Русија извршила напад врз Украина, рече ноќта кон петокот портпаролката Џен Псаки и додаде дека Вашингтон разгледува разни опции против Русија.

САД ја обвинија Русија дека активно се бори во источна Украина давајќи им поддршка на бунтовничките сили. „Јасно е дека Русија ја засилила својата присутност во Украина и директно интервенирала со борбени сили, оклопни возила, артилерија и ракетни системи земја-воздух, и дека активно се бори против украинските сили, како и дека директно ги поддржува сепаратистичките сојузници и платеници“, изјави портпаролката на Стејт департментот Џен Псаки. Псаки рече дека САД во Украина гледаат „образец на ескалирачка руска агресија“.На брифингот во Вашингтон, Псаки одговарајќи на новинарско прашање зошто САД говорат за „руски напад/агресија“ кога Киев активностите на Москва ги квалификува како „руска инвазија“, рече дека според мислењето на САД станува збор за агресија. „Во секој случај, тоа што тие го прават е нарушување на суверениетот и интегритетот на Украина, и Русија мора да прекине со тоа“, рече Псаки.Одговарајќи за можното обезбедување воена помош за Киев од страна на Вашингтон, Псаки изјави дека САД „го фокусираат вниманието на доставување на воена помош која не може да предизвика смрт на противникот“, односно за технички средства кои имаат во прв ред одбранбен карактер. „Испративме неколку видови несмртоносна помош, како и низа други земји во Европа. Не исклучуваме опции“, рече.Покрај тоа, Псаки истакна дека САД не го разгледуваат прашањето за воена помош на Украина. „Военото решение не е она што ние го сметаме за правилен пристап. Затоа ние ги преземаме сите можни мерки за дипломатско решение на прашањето“, изјави портпаролката на Стејт департментот.Во врска со заострувањето санкции против Русија, каква што најава претходно во четвртокот дојде од редица европски политичари, Псаки реле дека „досегашните санкции влијаат врз руската економија“. „Имаме дополнителни инструменти за притисок“, порача портпаролката на американската дипломатија.

Претставници на воените структури на Северноатлантската алијанса на брифинг во штабот на Здружените сили на НАТО во Европа во Монс, во јужна Белгија, претходно во четвртокот изјавија дека наводно над илјада руски војници војуваат на територијата на Украина на страната на бунтовниците. Исто така, во НАТО проценуваат дека на руската страна на границата има стационирано 20 илјади руски војници.Алијансата објави сателитски снимки, кои според толкувањето во соопштението на интернет, јасно покажуваат дека руска самоодна артилерија се наоѓа на украинска територија како и во близина на границата со Украина, а исто така видливо е и дека на 50 километри од границата има оклопни единици. Коментирајќи го соопштението, холандскиот бригаден генерал Нико Так, изјави дела Алијансата забележала зголемување на руско воено присуство во Украина во последните две седмици. На бунтовниците во источна Украина, според него, им се доставува од Русија противвоздушна одбрана, артилерија, тенкови и оклопни возила. Генералот Так вели дека во Украина се наоѓаат „значителен број руски борбени единици“.Алијансата истакнува дека снимките што ги приложи се направени од независната компанија й Digital Globe и оти „не биле преправани во НАТО“, туку „додадена е информацијата за да се идентификуваат местата, датумите и оружјето“.Така во текстот се наведува дека на една до снимките направени на 21-ви август, е снимена колона од возила, кои според толкувањето претставуваат руска самоодна артилерија која се движи во реонот на украинскиот град Краснодон./крај/мф/сн

Извор: Reuters/AFP