САД, кои повеќе од една година вршат воздушни операции во Сирија без мандат од Обединетите нации и договор со владата во Дамаск, во четвртокот повторно ја критикуваа истата руска операција во Сирија по барање на владата на сирискиот претседател Башар ал-Асад, тврдејќи дека Москва со тоа „само го јакне“ милитантите на Исламската држава и оти наводно во руските напади биле убиени десетици цивили и оти принудила на иселување десетици илјади луѓе, како и дека уништила училишта и пазари.

Во текот на состанокот на Советот безбедност на Обединетите нации, без чие решение дејствува коалицијата предводена од САД во Ирак и во Сирија, американската амбасадорка во ОН, Саманта Пауел, се повика на анализа на агенцијата Reuters на податоци од руското министерство за одбрана кои наводно покажуваат дека 80 отсто од руските цели во Сирија биле во области во кои ја нема Исламската држава.

Исламската држава која се етаблираше во Сирија а потоа и во Ирак во јули 2013 година, држи под контрола територија од 90.000 квадратни километри, а речиси третина од сириската територија, додека сунитската вооружена опозиција којашто ја поддржува Западот како „умерена“ контролира само мали територии, според претходните анализи на Reuters.

„Напаѓајќи ги не-екстремните групи, Русија, спротивно од очекувањата, ја зголеми силата на Исламската држава, која ја користеше таа кампања да зазема нови области во руралните делови од покраината Апело“, рекла Пауер зборувајќи за северната сириска покраина за кои регионалните медиуми јавуваат дека џихадистите ги напуштаат своите позиции.

Голем дел од покраината Алепо е под контрола на Џебхат ан-Нусра, сирискиот огранок на ал Каеда, и нејзините исламистички сојузници и џихадистите од Исламската држава.

„Откако Русија почна со нападите, сириската мапа се промени во полза на Исламската држава“, тврди американската дипломатка.

Пауерс тврди дека офанзивата на сириската армија поткрепена од руските воздушни удари принудиле на бегство 85.000 луѓе, иако во официјалниот извештај на ОН од вторникот се наведува дека споменатите операции предизвикале 35 илјади луѓе изминатите неколку дена да ги напуштат своите домови од периферијата на градот Алепо, според Канцеларијата на Обединетите нации за координација на хуманитарните операции.

Пауер, исто така, се повикува на опозициската Сириска опсерваторија за човекови права (SOHR) чие седиште е во Лондон, претставена како невладина организација од почетокот на сирискиот конфликт во март 2011 година, којашто ја води Рахман Абдулрахман, кој според руското министерство за надворешни работи е сопственик на сириски ресторан во британската престолнина. Според неа, во руските напади биле убиени најмалку 100 цивили и уништена цивилна инфраструктура, вклучително и училишта и пазари.

Пауер тврди и дека речиси петгодишниот судир во Сирија може да заврши само ако од власта замине сирискиот претседател Башар ал-Асад, што укажува на американската позиција на конфронтација со ставот на Москва, според која Асад треба да учествува во политичкиот договор за иднината на Сирија, за која треба да одлучува единствено сирискиот надвор, без влијание однадвор.

„Со неговото поддржување ќе се постигне само јакнење на Исламската држава и слабеење на сириската држава“, смета Пауер./крај/мф/сн

Извор: AFP