САД ја потврдија информацијата дека во воздушен напад минатиот месец е убиен вториот човек на џихадистичката групација Исламска држава (IS), Аби Мохамед ал-Алдани, и за неговата ликвидација одговорноста ја презема Пентагон.

Абу Мохамед ал-Абади бил убиен на 30-ти август во близина на Ал Баб, во северозападна Сирија, потврди во понеделникот портпаролот на Пентагон, Питер Кук.

На 30-ти август новинската агенција Amaq којашто се смета за блиска на оваа групација, објави дека еден од ветераните на ултрарадикалната сунитска организација Исламска држава, борбен командант и истовремено портпарол на џихадистите, Абу Мухамед ал-Аднани, е убиен во покраината Алепо на северот од Сирија.

Тој воздушен напад бил дел од „низата бомбардирања на челниците на Исламската држава, па и финансиските и челниците за воено планирање, коишто ја ослабија оперативната способност“ на групата, истакна Кук.

Претставници на САД претходно известија дека ал-Аднани бил гаѓан од американско беспилотно летало „Predator“, но тогаш уште не беше потврдена неговата смрт.

Инаку, откако Исламската држава го објави загинувањето на ал-Аднани, одговорност за неговото убиство ја презема Русија, чиишто борбени авиони дејствуваат во покраината Алепо.

Портпаролот на Пентагон оваа изјава на Москва ја нарече „шега“. „Можеби постои неспоразум на руската страна“, подрекол Кук, пренесува Reuters. Дронот „Predator“ истрелал проектил „Hellfire“ врз автомобил во кој наводно бил портпаролот на Исламската држава. Воздушниот удар го извеле специјалните американски сили во соработка со Централната разузнавачка агенција (CIA), тврди Пентагон.

Агенцијата Amaq јави тогаш дека Абу Мухамад ал-Аднани бил убиен „додека бил во инспекција на воените операции во Алепо“ на северот од Сирија. Исламската држава има територии под своја контрола во оваа покраина, но не и во истоимениот град во чии две населби доминира другата џихадистичка група Џебхат ан-Нусра, сириското крило на Ал Каеда, и другите бунтовнички групи.

Ал-Аднани во медиумите фигурираше ако „официјален гласноговорник“ на Исламската држава, кој неодамна во едно видео поставено на екстремистичките интернет страници повикувана џихадистички напади врз арапски и особено западни цели. Се сметаше за втор човек во хиерархијата на џихадистичката организација по Абу Бакр ал-Багдади.

Претходно британскиот весник The Sunday Тimes, повикувајќи се на високи претставници на западните разузнавачки служби објави дека ал-Аднани, кој е ставен на списокот на САД со најбараните меѓународни терористи и имал борбено искуство уште од периодот на војната во Ирак, бил одговорен за терористичките џихадистичи ќелии во најмалку пет земји, и тоа Франција, Велика Британија, Германија, Италија и Белгија.

Вистинското име на овој џихадист е Суб(х)и Фала(х)а. Според повеќе извори, тој е роден во сирискиот град Идлиб во доцните 1970-ти години. Првично тој им изразил лојалност на Абу Мусаб ал-Зарлави, водачот на групацијата Џамаат ат-Тавхид ал-џихад, коа се смета за една од блискоисточните ќелии на Ал Каеда во Ирак. Во 2005 година тој бил затворен, и минал шест години. На верност кон ал-Багдади се заколнал откако излегол во затвор во текот на ткн Арапска пролет во 2011 година.

Ликвидацијата на ал-Аднани и прва значајна загуба во хиерархијата на Исламската држава, откако во март годинава беше убиен Чеченецот Абу Омарал-Шишани, дотогаш еден од највисоко позиционираните команданти на џихадистичката групација./крај/мф/сн

Извор: Макфакс