Двајцата водечки кандидати за номинацијата на Републиканската партија за американските претседателски избори во 2016 година, милијардерот Доналд Трамп и пензионираниот неврохирург Бен Карсон, имаа проблеми, во телевизиското соочување со другите ривали ноќта кон четвртокот, да ги одбранат своите економски проекти при што трпеа главно напади од другите кандидати.

Коментаторите забележуваат дека во текот на телевизиската расправа на виделина излезе парадоксот на републиканските предизбори, имено кандидатите кои често успешно ги извршувале политичките должности, се наоѓаат далеку зад двете личности без политичко искуство, но кои ја восхитуваат конзервативната база со своите говори против естаблишментот. Само овие двајца, Доналд Трамп и Бен Карсон кој минатата седмица првпат во анкетите го мина првиот и е единствениот афроамерикански кандидат за претседател на САД, ја носат околу половината од целените гласови на републиканците, три месеца пред почетокот на предизборите во февруари 2016 година.

Меѓутоа, во извештаите се заклучува дека сите кандидати покажале голена борбеност во текот на третото телевизиско соочување во сезоната, коешто го организираше телевизиската мрежа CNBC на Универзитетот Колорадо во Булдер.

Доналд Трамп, кому деловното искуство му е главен аргумент во кампањата, беше нападнат е поради нереалните предлози, особено за големото намалување на даноците и изградба на ѕид за спречување на имигрантите кон границата со Мексико. „Можно е дека само што не избравме некој целосно неспособен за таа работа“, изјави Џон Кесич, популарниот гувернер до сојузната држава Охајо кој ги осуди „фантазиите“ на своите ривали.

Бен Карсон, пензионираниот неврохирург од Флорида, исто така, имаше тешкотии да го оправда својот предлог за единствена даночна стапка од 10 отсто „според моделот на доброволни прилози во црквите“. Без политичко искуство, на почетокот од дебатата призна дека неговата најголема слабост е тоа што „всушност не се гледал себеси на таа позиција, сé додека стотици илјади лица не почнале да го наговараат да се впушти во тоа“.

Историјата покажува дека испитувањето на јавното мнение во оваа фаза од кампањата не го предвидува исходот на идните избори. Кандидатите коишто водеа на предизборите во истата фаза во 2007 и во 2011 година загубија, но укажуваат на популарноста на „аутсајдерите“.

Вистинско соочување меѓу двајцата водечки републикански кандидати не се случи, бидејќи Карсон, кои е премногу дискретен, им порача на гледачите дека нема да одговара на провокации, за коишто инаку е „задолжен“ Трамп.

Но затоа, пак, вистинска битка се водеше меѓу двајцата сојузници сенаторот од Флорида, Марк Рубио и поранешниот гувернер на истата сојузна држава Џеб Буш, негов некогашен спонзор во политиката. Првиот бележи подем, додека вториот падна на четвртокот место во анкетите. Наследникот на династијата Буш, син и брат на двајца поранешни американски претседатели, на сенаторот Рубио му приговори за неговото отсуство од Сенатот, но според коментаторите не успеа позначително да му наштети.

Следното републиканско телевизиско соочување треба да се одржи на 10-ти ноември./крај/мф/сн

Извор: AFP