Најавата дека Русија, по инцидентот кога Турција соборни нејзин бомбардер во близина на сириско-турската граница, во воздухопловната база Хмејмим којашто ја користат нејзините воздухопловни сили во Сирија ќе распореди најмодерни противвоздушни системи, поттикнуваат „сериозна загриженост“, изјави во средата висок американски функционер.

Откако во вторникот беше најавено дека крстосувачот „Москва“, опремен со противвоздушниот систем „Форт“, кој е поморска верзија на ракетниот систем С-300, е распореден крај западниот брег на сириската покраина Латакија, во средата рускиот претседател Владимир Путин објави дека како врховен командант ја прифатил сугестијата на министерството за одбрана во воздухопловната база Хмејмим, исто така, во западната покраина Латакија, да распореди ракетни системи С-400.Ракетите С-400 имаат дострел од 400 километри и може да претставуваат закана за авионите на меѓународната коалиција која ја предводат САД, сметаат експертите.„Станува збор ефикасен воен систем со многу добри карактеристики, кој претставува сериозна закана за секого. Сериозно сме загрижени за воздушните операции во Сирија“, изјавил за AFP високиот американски функционер кој сакал да остане анонимен. Друг американски функционер, кој исто така зборувал под услов да остане анонимен, изјавил за агенцијата, пак, дека системот С-400 „не треба“ да влијае врз активностите на коалицијата во Сирија. „Немаме намера да се мешаме во операциите (на Русија), тие немаат намери да се мешаат во наште. Нема причина да нишаниме едни кон други“, рекол.САД ја предводат меѓународната коалиција во којашто, само декларативно, или со логистика или со свои воздушни сили учествуваат шеесетина земји и во повеќе од една година извеле околу 8.000 воздушни удари врз позициите на џихадистичките позиции на Исламската држава во Сирија и во Ирак. Русија, пак, по барање на сирискиот претседател Бапар ал-Асад од 30-ти септември изведува воздушни операции против терористичките групи со најмалку 60, а понекогаш и двојно повеќе, борбени летови дневно. Меѓутоа, коалицијата која ја поддржува сириската вооружена сунитска опозиција која ја смета за „умерена“, ја обвинува Москва дека ги напаѓа сите противници на претседателот Асад, поради што руската страна бараше од неа да ги соопшти локациите на бунтовничките групи кои ги смета за опозициски.По париските терористички напади од 13-ти ноември кога беа убиени 130 луѓе, Франција презема поинтензивни воздушни удари врз Исламската држава кои понекогаш ги координира со руските сили во Сирија. Во четврток во Москва ќе допатува францускиот претседател Франсоа Оланд, кој во вторникот во Вашингтон се сретна со американскиот челник Барака Обама и разговараше на темата за борба против тероризмот. Посетата на Оланд на руската престолнина, како што најавија од Елисејскиот дворец, е координацијата во борбата против Исламската држава.Информацијата за распоредувањето на моќните руски ракетни системи во Сирија доаѓа, откако во вторникот турски ловци „F-16“ соборија руски бомбардер „Су-24М“ во близина на рутско-сириската граница. Анкара тврди дека рускиот авион го повредил нејзиниот воздушен простор, додека Москва тврди дека тој се наоѓал над сириска територија каде и се урна по погодокот.Во средата во Генералштабот на турската армија на военото аташе на Руската Федерација во Анкара му беа предадени материјали за кои турската страна смета дека потврдуваат оти рускиот авион го повредил турскиот воздушен простор, истакнувајќи дека не знаеле за чиј авион станува збор, бидејќи екипажот не се идентификувал./крај/мф/сн

Извор: Макфакс