Сателитски снимки направени во октомври и на почетокот од ноември покажуваат дека Северна Кореја копа нов тунел за нуклеарно тестирање, но нема знаци дека таков тест ќе биде наскоро извеен, соопшти американски истражувачки институт.

Во извештајот на интернет страницата 38 North, која ги следи активностите во Северна Кореја, а ја води Институтот за меѓународни студии при Универзитетот Јон Хопкинс во Вашингтон, наведува дека снимките прикажуваат градежни работи кои беа регистрирани и во април на локацијата Пангји-ри, на севернокорејскиот источен брег каде беа извршени претходните три нуклеарни проби. Снимките покажале дека се ископува нов тунел.

„Иако нема сигнали дека нуклеарниот обид ќе биде наскоро спроведен, новиот тунел овозможува спроведување дополнителни детонации на Пунгје-ри следните години, доколку се одлучи тоа да го стори“, се наведува во соопштението кое го цитира Reuters.

Јужнокорејската новинска агенција Yonhap на 30-ти октомври пренесе изјава од извор во владата во Сеул според кој фактот дека градот нови тунели упатува дека на тоа намерата на Пјонгјанг е да изврши нуклеарна проба во одреден момент.

Северна Кореја упорно работи на својата нуклеарна програма, но западните експерти сметаат дека нејзината четврта нуклеарна проба неа да се случи наскоро, особено по постигнатиот договор со Јужна Кореја во август годинава дела ќе работи на попуштање на тензиите на полуостровот и подобрување на врските меѓи двете земји.

Пјонгјанг досега изведе три нуклеарни тестирања, а последниот во низата беше изведен во февруари 2013 година, но неодамна се закани дека ќе го изведе и четвртиот. Последната проба наиде на осуда и од Кина, нејзиниот главен дипломатски сојзунил, и се наоѓа под санкции на Обедиентите нации кои забрануваат трговија преку која би можело да се финансира неговата програма.

Пренебрегнувајќи ги меѓународните предупредувања, Северна Кореја во февруари 2013 година ја изврши својата трета нуклеарна проба, детонирајќи направа со поголема ударна моќ од употребената претходно при втората нуклеарна проба од 2009 година.

Исто така, тврди дека остварила напредок и во минијатуризирањето на атомската бомба, што е клучен предуслов при изработка на боева глава за балистичките проектили. Во текот на 2014 година, пак, Пјонгјанг изврши лансирање на стотици проектили со краток и среден дострел, што предизвика вознемиреност на американските сојузници во регионот.

Институтот за наука и меѓународна безбедност (ISIS), со седиште во Вашингтон, минатата 2014 година објави дека се чини оти севернокорејскиот нуклеарен реактор е ставен во мирување. Меѓутоа, ISIS на почетокот од септември годинава тврдеше дека сателитското надзирање спроведено изминатава зима открило „знаци“ на активност со слаб интензитет, како што е топењето на снегот на ѕидовите од реакторот и турбините. Институтот споменува и истекување млаз топла вода од реакторот, како и појава којашто наликува на пареа која се подига од зградата во којашто се наоѓа турбината.

Реакторот Јонгбјон беше затворен во 2007 година во рамките на договорот за разоружување во замена за помош во храна., но Северна Кореја започна работи на реновирање по последниот нуклеарен тест во 2013 година.

Северна Кореја, којашто повремено се заканува со нуклеарен напад врз САД и редовно го обвинува Вашингтон дека ги користат воените вежби во соседна Јужна Кореја како провокација за започнување нуклеарна војна и во 2013 година објави дека се повлекува од примирјето со Вашингтон, со кое беа завршени непријателствата во Корејската војна која траеше од 1950 до 1953 година.

Двете Кореи технички и натаму се во војна, бидејќи нивната тригодишна војна заврши со примирје а не со формален мировен договор./крај/мф/сн

Извор: Макфакс