Откако петте постојани членки на советот за безбедност при Обединетите нации се договорија околу резолуцијата, петнаесетчлениот Совет едногласно го одобри планот за мирното решавање на конфликтот во Сирија и политичката транзиција во оваа земја врз принципите кои бе договорени на состаноците во Виена, пренесуваат агенциите.

Според документот, во кој увид имала агенцијата AFP, мировните преговори меѓу власта и опозицијата се планирани „на почетокот од јануари“. Во нацртот се бара од генералниот секретар на ОН, Бан Ки-мун да ги „собере претставниците на сириската влада и на опизицијата за што поскоро да започнат формалните преговори за процесот на политичката транзиција, со цел тие преговори да започнат на почетокот од јануари 2016 година“.Советот во нацртот „ја потврдува својата поддршка на Женевската декларација“ од  јуни 2012 година за политичката транзиција во Сирија и „ги потврдува декларациите од Виена“. Текстот се темели на насоките кои големите сили ги подготвија на своите состаноци во виена во октомври и ноември годинава.Третиот круг од овој ткн Виенски процес се одржа во петокот њујоршки хотел со учество на министрите за надворешни работи на седумнаесет земји.Покрај тоа, Советот „го поддржува примирјето на целата сириска територија“ кое треба да стапи на сила веднаш штом власта и опозицијата „ги направат првите чекори кон политичката транзиција“. Се изразува, исто така, и „поддршката за одржување слободни и чесни избори“. Во резолуцијата се бара од ОН во рок од еден месец да ги подготви „опциите“ за воведување „механизми за надзор и проверка“ на примирјето, а подоцна и за спроведување и за проверка и верификација на резултатите од спроведените избори.Како што истакнува агенцијата ТАСС, која исто така добила копија од резолуцијата, се истакнува цврста поддршка за политичкиот процес, „чијашто цел треба да биде создавање преодна влада во рок од шест месеци, како и одржување не подоцна од 18 месеци слободни и фер избори, во согласност со новиот устав“. Како што нагласено во Советот за безбедност на ОН, во нив треба да бидат вклучени „сите сиријци, вклучителни претставниците на дијаспората“. Се истакнува дека примирјето „нема да се однесува на офанзивните и одбранбените акции“ против екстремистичките групи, како што се Исламската држава и Џебхат ан-Нусра.Во нацртот, меѓутоа, не се истакнува ништо за иднината на сирискиот претседател Башар ал-Асад во политичката транзиција, според AFP. Познати се ставовите дека Западот и сунитските земји од регионот сакаат тој да замине од власт, додека шиитски Иран и Русија инсистираат за тоа да се решава на избори.Шефот на руската дипломатија Сергеј Лавров пред состанокот на Советот за безбедност најави дека Москва нема да поддржи резолуција којашто ќе го вклучи заминувањето на Асад од власта. Наместо тоа во резолуцијата се истакнува дека „сирискиот народ ќе ја одреди иднината“ на својата земја.Претходно пред гласањето во Советот за безбедност по завршувањето на средбата на Меѓународната група за поддршка на Сирија, на која учествуваа 18-те шефови на дипломатии, рускиот министер за надворешни работи Сергеј Лавров изјави дека резолуцијата ја зајакнува контролата на Советот во врска со спроведувањето на договорите од Виена. Генералниот секретар на ОН, и неговиот специјален пратеник за Сирија, Стефан де Мистура „треба да ја имаат водечката улога во организацијата и спроведувањето на преговарачкиот процес имајќи ги предвид исходите од средните на сириската опозиција во Москва, Каиро, Ријад, Дамаск и Хасака“, додал Лавров.Од својата министерот за надворешни работи на Франција, Лорен Фабиус, изјави дека новата резолуција претставува редослед за решавање на кризата. „Преодниот период мора да биде придружен со прекин на огнот. Во условите за прекин на огнот мора да биде осигурено доставувањето на хуманитарната помош, мора да прекинат и нападите врз цивилите“, рече Фабиус.На состанокот на Меѓународната група за поддршка за Сирија во Њујорк која траеше пет часа, беше усогласуван и списокот на групите кои се сметаат за вооружена умерена опозиција и оние кои се одредени како терористички.Американскиот државен секретар Џон Кери изјави дека „остануваат пречките и острите поделби во меѓународната заедница, особено за судбината на претседателот Башар ал-Асад“. Истакна дека за решението на таквите прашања преодниот политички процес во земјата „мора да го водат мажите и жените во Сирија“.„Неопходно е Сиријците да се договорат за алтернативното привремено раководство“, истакна државниот секретар на САД, повторувајќи го ставот кој претходно на прес-конференцијата во Белата куќа го искажа претседателот Барак Обама, дека Асад ја загубил довербата и не може да ја обедини земјата, како и дека „нема морален авторите да управува со неа во иднина“.Ситуацијата во Сирија нема да биде надмината, сé додека на власт во земјата е Асад, смета британскиот министер за надворешни работи Филип Хамонд. Според него, усвојувањето на резолуцијата во Советот за безбедност на ОН претставува „значаен чекор“ на патот на решавање на сириската криза, но и дека „сé уште е рано да се предвидува кога ќе заврши сириската криза“. Лавров повтори подоцна дека во изгласаната резолуција е предвидено дека само сирискиот народ може да ја определи сопствената иднина вклучително и судбината на Асад. „Сирија мора да остане унитарна, секуларна, мултиконфесионална и мултиетничка земја, безбедна за сите групи население“, цитираше Лавров пред новинарите дел од резолуцијата. „И само самиот сириски народ има право да ја определи својата иднина. Ова е јасен одговор на обидите за наметнување решенија однадвор на Сиријците, вклучително и прашањето за судбината на нивниот претседател“, додаде.Истовремено некои дипломати, како јорданскиот министер Насер Џода, потенцираа дека целосно не е усогласена листата на терористичките организации кои дејствуваат во Сирија. Истакна дека задачата за составување и усогласување на овој список е доделана на неговата земја. „Ние ја претставивме на Меѓународната група за поддршка на Сирија и појаснивме дека за некои терористички групи има консензус, а за други нема, и оти преговорите би можеле да продолжат“, заклучи Џода./крај/мф/сн

Извор: Макфакс