Вкупно шест заложници досега успеаја да побегнат од кафулето во центарот на австралиски Сиднеј, каде што непознат напаѓач за кој се сомнева дека е поддржувачи на исламските радикали повеќе часови во понеделникот претпладне по средноевропско време во заложништво држи околу 30 лица, објави на својот акуант на Twitter телевизиската мрежа Sky News.

„Шестиот заложник избега од кафето ’Lindt’ во Сиднеј“ се вели во пораката на телевизијата.

Засега полицијата е наклонета инцидентот да го смета за вооружен напад, а не за терористички чин.

Сепак, полицијата го потврди ослободувањето на само пет луѓе. Претходно локалот успеале да го напуштат тројца мажи и две жени кои биле вработени во кафулето. Според претставникот на болницата „Свети Винсент“, Дејвид Фактор, во една заложник бил хоспитализиран, но се наоѓа во стабилна состојба. Нема информации за каков вид повреда станува збор.

Претходно во понеделникот, австралиските телевизиски станици јавија дека од заложниците коишто избегале, соопштиле дека напаѓачот инсистирал да му се овозможи телефонски разговор со премиерот Тони Абот и бара да се донесе во кафулето знамето на џихадистичката Исламска држава. Претходно телевизиите емитуваа кадри на кои се гледаше дека неколку заложници држат на излогот од локалот црно знаме со бел натпис на арапски јазик, слично на знамињата коишто сунитските радикални исламисти ги истакнуваат во Сирија и во Ирак.

Австралиската полиција ги замоли медиумите да не известуваа за барањата на напаѓачот. Покрај тоа, повикувајќи се на избеганите заложници, се тврди дека во кафулето „Lidt“ од синџирот локали на истоимениот швајцарски производител на чоколада и слатки, се тврди дека во кафулето се инсталирани две експлозивни направи. Претходно полицијата во Сиднеј добила дојави за поставени две бомби, но се покажале како лажни.

Портпаролката на австралиската полиција Кетрин Берн, напаѓачот во кафулето во моментов држи во заложништво 30 луѓе, од кои десетина се персонал на локалот.

Репортерот на телевизиската станица 7NewsSydneyм Крис Ризон, на својот профил на Twitter тврди дека во локалот има 15 луѓе и оти меѓу нив нема деца. Индиската телевизија NDTV, објави дека меѓу заложниците има еден државјанин на Индија. Како што на својот микроблог на Twitter пишува австралиското издание на весникот The Daily Telegraph, сé уште се утврдува идентитетот на напаѓачот. Неговото име и возраста не се соопштуваат.

Во понеделникот наутро, околу 10 часот по локално време, непознато вооружено лице во заложништво ги зема гостите и персоналот на кафулето „Lindt“ во близина на Австралиската централна банка во Сиднеј. Медиумите јавија дека осомничениот имал ранец и појас, и претпоставуваат дека станува збор за појас со експлозив какви што носат бомбашите самоубијци од исламистичките групации.

Австралиските власти во септември годинава, првпат во историјата, објавија највисоко ниво на антитерористичка закана во земјата. Австралискиот премиер Тони Абот изјави дека еден од челниците на Исламската држава им наредил на своите следбеници да извршат повеќе „показни убиства“. Терористите требало случајно избраните жртви да ги обезглават пред знаме на оваа терористичка организација и тоа да го снимат со камера. Неколку дена подоцна еден тинејџер беше застрелан во Мелбурн откако со нож нападнал двајца припадници на антитерористичката полиција./крај/мф/сн

Извор: Макфакс