Бискупската синода (собрание на бискупите од целиот свет) за семејството на Римокатоличката црква која ја свика папата Франциск во саботата доцна вечерта го усвои завршниот документ, но без консензус за ставот на католичката црква кон разведените и хомосексуалците, соопшти портпаролот на Светата столица, монсињор Федерико Ломбарди..

Извештајот под насловот „relatio synodi“ наведува цела листа од разни проблеми со коишто се среќаваат католичките семејства на петте континенти, меѓу кои се и прифаќање во прегратките на Црква на вонбрачните заедници, хомосексуалците и разведените, во рамките на процесот на отворањето на католичката црква коешто го заговара папата Франциск, но кое наидува на отпор од конзервативните струи во Ватикан.На гласањето за секој од 62-та параграфа учествуваа 183 бискупи и кардинали, а за усвојувањето на секој поединечен параграф потребно е двотретинско мнозинство. Таква поддршка не добиле точките кои се однесуваа на пристапот до светите тајни на разведените кои повторно се венчале, односно прифаќањето на хомосексуалците.„За тие прашања на синодот немаше консензус. Но тоа не значи дека тие точки целосно се отфрлени“, изјави Ломбарди, пренесува AFP.Во однос на нацрт документот кој беше објавен во понеделникот, кој беше поздравен поради својата отвореноста, но од истата причина и критикуван, бискупите и кардиналите расправаа за 470 амандмани.Двата параграфа од конечниот текст на документот кои не добиле двотретинско мнозинство се однесуваат на лица за статусот на разведените па повторно венчаните кои покажува поделба на учесниците на синодот кои сакаат да ја задржат „постојната дисциплина“ и оние кои заговараат ограничен пристап до светите тајни за ваквите лица. Третиот параграф зборува за „пасторалната грижа“ за хомосексуалците. Во него пишува дека „тие жени и мажи треба да се прифатат со почитување и обѕирност“, како и дека „не смеат да бидат жртви на никаква дискриминација“. Меѓутоа, во завршниот документ се истакнува дека „нема никаква основа за споредба на хомосексуалните заедници со Божјиот план за бракот и семејството“, односно за хетеросексуалните бракови.Кардиналот Кристиф Шоенборн, надбискуп на Виена, пред новинарите ги резимираше промените кои се случиле последните шест дена, оценувајќи дека „завршниот документ е повоздржан“ во однос на предлогот на завршната порака од понеделникот. Особено тоа се однесува на прашањето на истополовите двојки на кое најмногу се противеле бискупите „од земјите со различни култури“, првенствено од Африка.„Не треба да се заборави дека бискупите доаѓаат од културно многу различни заедници, каде што има и други вери, на пример исламот, кои преовладуваат и каде што тоа се многу чувствителни теми“, рекол Шоенборн. Но, како што истакнал, „во завршниот документ јасно стои дека не смее да има никаква дискриминација на хомосексуалците: тоа е пораката испратена на земјите во кои постои заканата од смртна казна за хомосексуалци“ (какви што има во некои африкански земји).Експертот за Ватикан, Јакопо Скарамуци, пред усвојувањето на завршниот документ за италијанските медиуми изјави дека „некои стравуваат дека отворањето на Црквата (кон оние кои живеат надвор од нејзините прописи) би можело да ја урне зградата на католичката доктрина, а до друга страна би можеле да се разочараат оние коишто очекуваат преголеми новини“.Папата Франциск на 14-ти септември во Рим венчаше дваесет двојки меѓу кои некои од нив веќе претходно живееле во вонбрачна заедница. Со тоа испрати јасна порака дека сака отворање на Црквата кон верниците со таквиот статус и дека е подготвен да ги прифати католиците кои не ги следат сите доктрини. Кога минатата година го прашаа за можните промени во третманот на разведените, Папата одговори дека „време е за милосрдност“.Бискупите во завршниот документ упатија и апел до институциите да ги промовираат правата на семејството, бидејќи „семејната љубов, единствена и нераскинлива, која истрајува и покрај бројните тешкотии, е едно од најубавите чуда“.Меѓу другите предизвици за Католичката црква, во документот се спомената и инвалидитетот кај децата, болестите, староста, починувањето на драга личност, финансиските тешкотии предизвикани од изопачените системи обожувањето на парите кои го понижуваат достоинството на личноста.Во текстот на завршниот документ усвоен од бискупите се зборува и за невработените родители кои не можат да гои осигурат најосновните потреби на семејството , како и за младите кои можат да станат жртви на дрогата и криминалот. „Сенките се надвиваат и над сиромашните семејства, побегнатите, прогонетите поради верата, погодените со војна и со свирепо искористување, над жените жртви на насилството и трговијата со луѓе, над децата жртви на злоставувањата, дури и од страна на оние коишто би требало да ги штитат“, се наведува во завршната порака на вонредниот синод посветен на семејството./крај/мф/сн

Извор: AFP/Ansa