Сириската влада по најавите дека Саудиска Арабија и некои други земји подготвуваат копнена воена интервенција на територијата на Сирија, порача дека таквите идеи треба да бидат отстранети, предупредувајќи дека странските војници во ковчези ќе бидат враќани, а нејзиниот сојузник Иран оцени дека саудиските власти нема да се осмелат тоа да го сторат.

„Каква и да е копнена интервенција на сириска територија без одобрување на владата, би претставувала агресија на којашто ќе мора да ѝ биде пружен отпор. Никој нека не помислува на агресија врз Сирија или повреда на нејзиниот суверенитет, бидејќи, без разлика дали тоа биел Саудијци или Турци, ќе ги испратиме дома во ковчези“, изјави сирискиот министер за надворешни работи Валид Муалем на прес-конференцијата во Дамаск.

Муалем, исто така, посочи дека прекинот на огнот не возможен, сé додека сириската владина армија не воспостави целосна контрола на границите со Турција и со Јордан, преку кои стигнува помош и за вооружената сунитска опозиција којашто Западот ја смета за умерена, и за џихадистичкете сунитски групи како Исламската држава и Џенхат ан-Нусра, сириското крило на Ал Кеда.

Шефот на сириската дипломатија го цитира својот руски колега Сергеј Лавров кој рече дека „прекинот на огнот нема да биде можен пред да се воспостави контрола над турската и јорданската граница, а тоа е тешко да се постигне без да се состави листата на терористички организации“.

Русија од западните и регионалните сојузници на бунтовниците во Сирија бара да се состави листата на екстремни и терористички организации, чии позиции не би ги гаѓале нејзините воздушни сили кои таму дејствуваат, и поради нивно преземање на обврски од евентуално постигнатиот договор за прекин на огнот. Меѓутоа, околните сунитски земји ен се согласуваат на тоа, бидејќи секоја од нив поддржува некоја бунтовничка група во петгодишниот сириски конфликт.

Сириските владини сили помогнати од локалните милиции и доброволци од Ирак, Иран и Либан, и подржани од руските воздушни удари кои започнаа ланскиот 30-ти септември, бележат големи успеси на теренот. Владата во Дамаск си смета вооружените сунитски опозициски групи, исламистичките групи и џихадистите за терористи, кои се платени од регионалните сили, во прв ред Саудиска Арабија, Турција и Катар.

Иран во саботата оцени дека Саудиска Арабија не би се осмелила да преземе копнена воена интервенција во Сирија, имајќи го предвид слабиот успех од сличната операција во Јемен, иако и во двете земји е активен учесник во меѓународните коалиции кои извршуваат воздушни удари.

„Саудиска Арабија нема да се осмели да испрати свои сили во Сирија“, изјави генералот Мохамед Али Џафари, врховен командант на Гардата на чуварите на револуцијата, елитните единци на иранската армија, пренесе агенцијата Fars.

„Саудијците рекоа дека ќе испратат сили во Сирија. Не веруваме дека ќе се осмелат тоа да го сторат, бидејќи нивната војска е класична, а историјата покажа дека таа нема сила да им се спротистави на војниците на исламот“, изјавил генералот Џафари на погребот на шест Иранци загинати во Сирија, меѓу кои и командант на гардата генералот Мохсен Гаџијани, кој загина во гранатирање на позиции на сириската армија во коај беше вклучен како воен советник.

„Кога тоа би го сториле, та би било како да си пукаат себеси во глава“, порачал Џафари.

Поранешниот командант на Гардата, генералот Мохсен Резаи предупреди, пак, дека доколку се случи саудиската армија копнено да интервенира во Сирија, многу лесно може да се случи да избувне регионална војна.

„По поразот на Даеш (арапски акроним за Исламската држава) и Џебхат ан-Нусра во Ирак и во Сирија, Саудиска Арабија и САД одлучиле да испратат саудиски војници во Сирија за да им помогнат на бунтовниците“, објави Резаи на Instragram.

„Во тој случај, судирот меѓу Русија, Турција, Саудиска Арабија и Сирија, и потоа влегувањето на САД во тој судир и голема регионална војна, ќе бидат веројатни“, додава генералот Резаи.

Саудиска Арабија и нејзините сојузници меѓу арапските сунитски земји подготвуваат до 150.000 војници за евентуална копнена операција во Сирија чија цел наводно би била екстремната сунитска организација Исламска држава, тврдат извори на американската телевизиска мрежа CNN. Како што навеле неименуваните извори на телевизијата, програмата за подготовки се спроведува на територијата на Саудиска Арабија, и во неа се вклучени саудиски, египетски, судански и јордански војници.

Советникот на министерот за одбрана на Саудиска Арабија, генералот Ахмед Асири во четвртокот изјави дека неговата земја е подготвена за учество во копнена операција во Сирија, доколку на тоа се согласи командата на меѓународната коалиција предводена од САД. Асири посочи дека таквата одлука може да биде донесена на самитот на НАТО во Брисел следната седмица. Американскиот министер за одбрана, Ештон Картер, потврди дека на самитот на НАТО со саудиските претставници ќе се разгледува иницијативата на Ријад.

Британскиот весник The Guardian, повикувајќи се на извори во саудиското кралство, објави дека Ријад може да испрати во Сирија за борба против Исламската држава неколку илјади војници, и оти таа операција може да биде изведена во координација со Турција. Подготвеност да испрати копнени војски во Сирија, според изворот, покажал и Бахреин.

Руското министерство за одбрана претходно седмицава изјави дека постојат сериозни знаци дека Турција потајно врши интензивни подготовки за копнена инвазија во Сирија, што Анкара го негираше./крај/мф/сн

Извор: Макфакс