Сириската армија поддржана од стотици доброволци од Иран, локалните милиции и борците на шиитското либанско движење Хезболах во петокот започна со напади врз сите бунтовнички групи јужно од Алепо, во долго најавуваната офанзива врз овој северен град, изјавил висок воен извор во Сирија.

Еден од најголемите и најубави сириски градови Алепо, 355 километри северно до престолнината Дамск, во претежно христијанската и алавитска (шиитска) истоимена покраина, кој беше финансиска престолнина на земјата, од летот 2012 година е поделен така што сунитските квартови се под контрола на сунитските и исламистичките бунтовници, додека другите ги контролираат владините сили.

„Ова е битката којашто ја ветивме“, рекол изворот на Reuters од сириската армија,м додавајќи дека главнината од копнените сили ја сочинуваат сириски сили кои се поддржани од руските воздушни удари. „Јадрото го сочинува сириската војска“, истакнал.

Директорот на опозициската Сириска опсерваторија за човекови права (SOHR) којашто дејствуваше и долг периодот пред граѓанската војна од март 2011 година од Лондон, Рахман Абдулрахман извести за тешки напади на сириските војски во областите крај Џабел Азан, околу 12 километри од Алепо, на просторот кој повремено го контролираат сириската армија и бунтовниците, но од пролетва исламистичките групи од околината на Алепо ги потиснаа силите на вооружената сириска опозиција која ја поддржува Западот.„

„Просторот кој го напаѓаат војската и руските авиони е близу главниот пар на правецот за главниот град Дамаск“, додал Абдулрахман. Според него, сириските војници повторно го освоиле селото Абтин, како и базата на тенковскиот баталјон во близина на селото Сабикија. Двете села се во близина на Џабел Азан. Тој додал дека во четвртокот во борбите и воздушните удари биле убиени 60 луѓе, од кои 30 жени и деца,

Агенцијата Reuters не можела да ги потврди овие тврдења од независни извори, како и за ангажирањето на иранските борци, но наводно два високи извори рекле дека оваа седмица Иран испратил илјада војници во Сирија за да ја поддржи офанзивата во покраината Хама и како подготовка за офанзивата на подрачјето на Алепо, на северот од Сирија.

Техеран, инаку главен сојузник во регионот на сирискиот претседател Башар ал-Асад, не крие дека негови воени високи претставници се во Сирија во советодавна улога за сириската армија од кои изминатава седмица загинаа двајца команданти, како и дека на сириското боиште има ирански доброволци.

Либанската телевизија al- Mayaden јави во петокот дека сириската армија се бори на три фронта јужно од Алепо.

Државната агенција SANA известува дека голем број сириски џихадисти се убиени во операцијата на чистење на сириските сили во близина на Академијата за воздухопловство во близина на Алепо, која со месеци беше во опсада и од која војската мораше да се повлече по жестоките напади на Исламската држава. Јавува и за жесток судир во Ал-Габ, во северозападниот дел од земјата, 25 килоемтри северозападно од градот Хама, каде што биле убиени 12 бунтовнци.

Агенцијата пренесува дека од средата сириската армија воспоставила контрола врз многу населени места во областа Џобар, на два километра од Дамаск, при што се уништени команден и центар за комуникација и убиени се „неодреден број терористи“.

Откако Русија на почетокот од октомври по барање на сирискиот претседател Башар ал-Асад, сириската армија на изведе офанзиви на простор под надзор над бунтовничките џебови на западот од земјата, вклучително и северно од Хомнс, и областите на градовите Хама и Идлиб и покраината Латакија, кои беа заземени од бунтовниците летово./крај/мф/сн

Извор: Макфакс