Сириската армија и провладините локални милиции ја повратија контролата во саботата врз регионот северно од градот Алепо, стегајќи го обрачот околу неколкуте источни квартови кои се под контрола на бунтовниците, додека траат бомбардирањата на сириската и руската авијација, пренесуваат медиумите.

Со заземањето на Хандарат, палестинскиот бегалски камп сместен неколку километри северно од Алепо, остварено е првото позначајно напредување на сириските владини сили во рамките на офанзивата за којашто владата во Дамаск објави во четвртокот вечерта. Кампот, кој се наоѓа на ридест дел од градот над една од главните улици во Алепи, досега со години беше под контрола на бунтовниците.

„Хандрат падна“, изјавил за Reuters неименуван офицер на сириската армија. Во соопштението на армијата кое го пренесува службената новинска агенција SANA се наведува дека „во нападот се убиени голем број терористи“, како што владата во Дамаск ги означува сите бунтовнички групи.

Во операцијата за враќање на контролата врз бегалскиот камп, сириските сили ја имале поддршката и на палестинската милиција формирана од жителите на кампот, јавува Associated Press.

Нападот врз Алепо, во кој се опколени повеќе од 250.000 луѓе, според бунтовнички извори, во некогашната финансиска престолнина на Сирија со повеќе од два милиона жители, би можел да биде најголемата битка во досегашниот тек на сирискиот конфликт започнат со бунтот на сунитската опозиција во март 2011 година, и исто така да претставува пресвртен момент во судирот.

Десетина дека откако сириската армија објави дека примирјето договорот за прекин на огнот според руско-американскиот договор од Женева не важи повеќе обвинувајќи ги бунтовниците за неговото повеќекратно нарушување, сириската армија помогната од локалните милиции, доброволците од Ирак, Либан и Иран, како и руската авијација, започна со операција за конечно освојување на квартовите во Алепо кои се под контрола на бунтовниците, кои се измешани со радикалните исламистички групи.

Жителите велат дека нападите врз источните делови на Алепо се поинтензивни од кога и да е досега во текот на конфликтот и оти се користело поразорно оружје. Претставникот на службата за спасување во Алепо, Амар ал-Селмо за Reuters изјавил дека неговите луѓе и доброволци ги извлекуваат преживеаните, но и мртвите од урнатините, често со голи раце. Додал дека жестокоста на нападите е толкава што не успеваат да стасаат да им помогнат на сите.

Опозициската Сириска опсерваторија за човекови права (SOHR) чиешто седиште е во Лондон и ја води Рахман Абдулрахман кој одамна живее во британската престолнина, вели дека неговите активисти на теренот соопштиле дека најмалку 45 луѓе, меѓу кои десетина деца биле убиени во саботата во источните делови од Алепо, а спасувачите во петокот известија за стотина загинати.

Сириската армија, пак, кој пред неколку месеци отвори коридори преку кои цивилното население се извлекуваше од опколените четврти пред да започне офанзивата на бунтовниците, и натаму тврди дека дејствува само врз позициите на бунтовниците, како и што предупреди во четвртокот вечерта ред почетокот на операцијата./крај/мф/сн

Извор: Макфакс