Наместо позициите на џихадистичката Исламска држава, руските бомбардери во средата во Сирија ги гаѓале позициите на вооружената сунитска опозиција која ја поддржува Западот и биле ранети осум од нив, тврди нивни командант., додека Москва соопшти дека уништила командни центри на екстремистите.
 

Наместо позициите на џихадистичката Исламска држава, руските бомбардери во средата во Сирија ги гаѓале позициите на вооружената сунитска опозиција која ја поддржува Западот и биле ранети осум од нив, тврди нивни командант., додека Москва соопшти дека уништила командни центри на екстремистите.

Мајорот Џамил ал-Салех, долгогодишен пребег од сириската регуларна армија во Слободната сириска армија (FSA), опозициска формација којашто војува против силите на претседателот Башар ал-Асад а ја опремуваат западните и сунитските земји во регионот, изјавил дека неговиот луѓе претрпеле руски напад во северната покраина Хама.

„Во Хама ја нема Исламската држава и таа е потполно под контрола на Слободната сириска армија“, рекол ал-Салех за Reuters.

Неговото тврдење не може да се провери од независни извори. Москва на ја коментираше оваа изјава, откако објави дека во средата руските борбени авиони во координација со сириските во средата извршиле 20 борбени летови и напади врз позиции на Исламската држава во покраината Хомс.

Руските борбени летала нанеле прецизни удари врз осум објекти на терористичката група Исламска држава на територијата во Сирија и целосно уништија командни пунктови во планинските области, изјави во средата вечерта, портпаролот на министерството за одбрана, генерал-мајорот Игор Конашенко.

„Во воздушните удари беа погодени магацини со муниција, оружје и гориво, како и воена опрема. Командни места на лидерите на борците на Исламската држава во планинските овласти целосно се уништени“, изјавил Коношенко, пренесе агенцијата РИА.

Истакнал дека „сите напади се извршени по спроведено воздушно разузнавање и потврдување на податоците добиени од штабот на сириската армија“. „Врз објекти на цивилната инфраструктура и во нивна близина руските воздухоплови не дејствуваат“, рекол портпаролот на руското министерство за одбрана кое објави видео од споменатите напади.

Во меѓувреме САД и Франција изразија дека се зголемила нивната загриженост поради руските воени операции во Сирија. Заменикот на американскиот министер за одбрана Роберт Ворк не верува „дека станува збор за грешка“, туку верува „дека тоа е агресивна акција на Русија токму сега пред разговорите на нашите воени функционери“.

Рускиот претседател Владимир Путин и неговиот американски колеги Барак Обама се согласија во понеделникот дека нивните воени функционери ќе разговараат за решението на судирот во Сирија.

Францускиот министер за одбрана Жан-Ив Ледриан смета „чудно“ што руските воздушни удари не ја погодиле Исламската држава, а висок функционер кој не сакал да остане неименуван за AFP рекол дека „Не ја гаѓаа Исламсктата држава, туку опозициските групи, а што потврдува дека нападите се повеќе поддршка за режимот на (сирискиот претседател Башар) ал –Асад. Отколку борбата против Исламската држава“,

Рускиот министер за надворешни работи Сергеј Лавров изјави дека Москва е подготвена да „отвори комуникациски канали“ со коалицијата којашто ја водат САД. Русија го свика 15-члениот Совет за безбедност по ОН да одобри меѓународна воена интервенција против џихадистите.

Нацрт руската резолуција во која агенцијата Reuters имала увид, ги поздравува напорите на државите во борбата против Исламсата држава, Ал Каеда, Џенхат ан-Нусра и другите радикални групации на Блискиот исток и ги повикува државите „да ги координираат своите активности со согласност на државите и териториите на коишто се одвиваат тие активности“. Во случајот на Сирија, тоа би значело дека треба да се координираат активностите на владата на претседателот Башар ал-Асад коешто заминување од власта го бара Западот.

Коалицијата предводена од САД ги започна воздушните удари врз Исламската држава пред една годни, но за тоа не бараше дозвола ниту од Советот за безбедност на ОН, ниту од Сирија, ниту ги координираат со нејзината армија своите напади. Тие велат дека дејствуваат „во самоодбрана“ и на барање на Ирак. Русија, пак, дејствува по барање на Сирија која ја побара воената помош од својот децениски сојузник./крај/мф/сн