Сириските Курди се пробиле во понеделникот подлабоко на територијата коишто ја држат џихадистите од Исламската држава (IS), откако минатата седмица неочекувано брзо ослободија еден граничен премин.

Курдите, коишто ги искористија американските воздушни напади, се приближија на седум километри од Аин Иса, град со 50 километри северно од Рака, во истоимената сириска покраина, кој џихадистите го прогласија за главен град на нивниот калифат воспоставен на територијата којашто ја контролира Исламската држава во Сирија и соседен Ирак, изјави Редур Џелил, портпарол на курдските сили за Reuters.

Курдскиот фронт во северна Сирија е меѓу ретките позитивни елементи на глобалната против Исламската држава, откако џихадистите во мај остварија големи победи во западен Ирак и централна Сирија. Курдите мината седмица го заземаа пограничниот град Тел Абијад, пресекувајќи го снабдувањето на Исламската држава преку рутата од Турција.

Во моментов Курдите водат борби против Исламската држава на приодот од војната база југозападна Аин Иса, објави опозициската Сириска опсерваторија за човекови права (SOHR), со седиште во Лондон, кој се потпира на информации добиени од неговите активисти на теренот. Исламската држава ја држи таа база „Ливу 93“ од минатата 2014 година. Доколку ја заземат Курдите, тоа би значело и дефинитивно паѓање на Аин Иса. Од градот последните два дена побегнале илјадници луѓе.

Некои од бегалците од Тел Абијад ги обвинуваат Курдите дека ги протеруваат Арапите и Туркмените од териториите коишто ќе ги заземат од Исламската држава, што Курдите го негираат. SOHR тврди дека нема докази дека Курдите систематски го злоставуваат населението, иако има регистрирани поединечни случаи.

Повеќе од 23.000 луѓе побегнаа во текот на јуни од северна Сирија во Турција, Некои веќе во понеделник се вратиле во Тел Абијад, откако граничниот премин е повторно отворен, а борбите се поместија понатака.

Напредувањето на Курдите на северот од Сирија го загрижува властите во Турција, кои стравуваат дека тоа може да ги поттикне немирите и кај турските Курди. Сириските Курди тврдат дека не сакаат сопствена држава, туку регионална автономија, како и нивните сонародници во северен Ирак, којашто ја сметаат за модел за решавање на војната во Сирија и во другите региони.

Владата во Дамаск, исто така, стравува од напредувањето и евентуалното отцепување на Курдите, бидејќи просторите кои ги контролираат се богати со енергенси. Меѓутоа од избувнувањето на судирите од март 2011 година немаше директни судири меѓу Курдите и силите на алавитот (шиит) претседателот Башар ал-Асад, кој ја има поддршката од шиитите, христијаните, Друзите и одредени групи сунити, а сириските гарнизони на курдските области беа пасивни а подоцна се повлекоа без борби.

Тензиите неодамна избувнаа во Камишли, североисточниот град кој е поделен меѓу курдските и владините сили. Курдските сили заземаа неколку владини позиции минатата седмица по судирите за коишто меѓусебно се обвинуваат двете страни. Сириските функционери не сакаа да ги коментираат случувањата, но се сомневаат дека Курдите имаат сепаратистички намери. „Воопшто, Курдите и ние сме пријатели, но нема постојана хармонија“, рекол неименуван сириски функционер./крај/мф/сн

Извор: Макфакс