Мажот идентификуван како главниот убиец на полицајците во Далас е 25-годишниот Михај Ксавиер Џонсон, кој служел во воена единици на Авганистан од ноември 2013 до јули 2014 година, објави во петокот американската армија.

Американската армија преку портпаролката Синтија Смитобјави дека Џонсон бил столар и ѕидар во 420-та бригада на инженеријата во сојузната држава Тексас. Како што претходно објавија американските медиуми, ова црно момче кое живеел во Москвито, предградие на Далас, не било кривично гонето ниту казнувано, ниту било поврзано со некоја радикална група или организација.

Претходно началникот на полицијата на Далас, Дејвид Браун изјави дека во долгите преговори со него додека бил во опсада, немало резултат. Поради тоа, тој бил елиминиран со помош на робот со бомба. Според Браун, осомничениот рекол дека не е поврзан со екстремисти, а во полицајците пукал од омраза, поради неодамнешните случаи на полициски убиства на Афроамериканци.

Медиумите пренесоа повикувајќи се на полициски избори дека во последните мигови од животот, Михај Ксавиер Џонсон, „врескал дека сака да убива белци, особено полицајци“.

Според податоците на американската војска, како резервист Џонсон бил мобилизиран во три наврата од шест месеци до една година меѓу 2009 и 2015 година во 420-та бригада чие седиште е во Сиговил во Тексас.

Најмалку еден снајперист, покрај убиениот уште тројца осомничени се во притвор, уби пет и рани уште седум полицајци во координиран напад, кој се случи при крајот од еден од повеќето протести низ САД против минатонеделните полициски убиства на двајца Афроамериканци во сојузните држави Луизијана и Минесот,а последните од низата слични кои го создадоа движењето „Животите на црнците се важни“. Движењето беше формирано во јули 2013 година, и води кампањи и протести против полициската бруталност протива припадниците на афроамериканската заедница.

Полицијата заседата ја опиша, којашто се случи во четвртокот вечерта во центарот на Далас кога беше пукано од покриви на згради, како внимателно планирана и објави дека во врска со тоа се притворени три лица чии идентитети не се објавени, а се шпекулира дека меѓу нив една е жена.

Началникот на полицијата на Далас, Дејвид Браун, изјави дека убиениот напаѓач во преговорите со полицијата тврдел дека делувал сам и оти насекаде низ градот поставил експлозиви, што подоцна се покажа како неточно.

Ова беше најсмртоносниот ден за американската полиција од нападите во Њујорк и Вашингтон од 11-ти септември. Вкупно се застрелани 12 полицајци и двајца цивили, изјави градоначалникот на Далас, Мајк Ревлингс. Меѓу застреланите полицајци има три жени, додаде.

Американските власти не гледаат поврзаност меѓу убиениот снајперист во Далас и терористи, изјави во петокот вечерта портпаролот на Белата куќа, Џош Ернест.

„Според моите сознанија, иследниците ја отфрлиле можноста за каква и да е поврзаност на лицето, кое го извршило овој ужасен акт на насилство, со терористички групи во САД или во странство“, изјави Ернест.

Портпаролот на Белата куќа, исто така, ги нарече предвремени заклучоците дека злосторството било извршено од омраза.

„Знам дека некои го покренаа ова прашање, и се појавија извештаи дека тој човек наводно ѝ кажал на полицијата. Но мислам дека е премногу рано да се каже во овој момент нешто конкретно“, истакна Ернест.

Појасни и зошто американскиот претседател Барак Обама, одлучил сепак да остане на самитот НАТО во полската престолнина Варшава, а не да се врати во земјата поради нападот. „Во работата на претседателот има многу приоритети, и неопходно е да се избере од најважните“, рече Ернест./крај/мф/сн

Извор: Макфакс