Американската полиција употребуваше солзавец и шок бомби ноќта кон вторникот за да ги растера демонстрантите во Фергусон, предградие на Сент Луис во сојузната држава Мисури и притоа се приведени најмалку 31 лице во немирите кои траат подолго од седмица поради полициското убиство на црн тинејџер.
 

Американската полиција употребуваше солзавец и шок бомби ноќта кон вторникот за да ги растера демонстрантите во Фергусон, предградие на Сент Луис во сојузната држава Мисури и притоа се приведени најмалку 31 лице во немирите кои траат подолго од седмица поради полициското убиство на црн тинејџер.

Агенцијата Reuters повикувајќи се на локалните власти, пренесува дека во текот на судирите коишто избувнаа ноќта кон вторникот, припадниците на силите на редот се нашле под жестоко гаѓање од страна на локалното население кое протестира.

„Ниту еден куршум не е истрелан од оружјето на полициски службеници, и покрај тоа што самите тие се најдоа под силен оган“, изјави на прес-конференција началникот на сообраќајната полиција на САД, капетанот Рон Џонсон кого го цитира Reuters. Покрај тоа, истакнал и дека полицијата успеала да одземе два пиштола од демонстрантите.

Интервентните полициски сили со помош на оклопни возила и хеликоптери, во неколку наврати им наредиле на насобраната толпа на местото на коешто се случи инцидентот на 9-ти август во кој од бел полицаец беше застрелан 18-годишнито афроамериканец Мајкл Браун, да се разотидат, меѓутоа демонстрантите врз нив фрлале камења и разни ситни предмети, од кои некои се запалиле, пренесува AFP.

Полицајците потоа фрлале солзавец и шок гранати со што успеале да ја растурат масата, којашто според полициски извори не била толку бројна како онаа со којашто се судрија во неделата. Повторно има непотврдени веси дека едно лице се здобило со огнострелна рана.

Ноќта меѓу неделата и понеделникот во Фергусон и покрај полицискиот час, демонстрантите повторно се судрија со полициските интервентни сили, што го поттикна гувернерот на сојузната држава Мисури, Џеј Никсон да нареди распоредување на војниците на Националната гарда. „Задачата на Националната гарда ќе биде ограничена (…) полицијата ќе се концентрира на заштита на лицата коишто мирно демонстрираат, на населението и сопственоста“, појасни гувернерот.

Никсон изјави и дека „сé поголемиот и поорганизиран број на поединци, меѓу кои многу доаѓаат надвор од градот и државата, вклучува и насилство и криминал кој ги загризува и населението и работата“. „Ги повикувам жителите на Фергусон и Мисури силно да ги опсудат овие притивзаконски активности, коишто вклучуваат и пукање врз полицијата и цивили, фрлање Молотови коктели и грабежи“, изјави гувернерот Никсон објаснувајќи дека ја повикал федералната војска за да се обнови мирот и поредокот во заедницата.

Во меѓувреме The New York Times објави дека резултатите од приватната обдукција којашто ја извршил докторот Мајкл М. Бејден ангажиран од семејството на Мајкл Браун, укажуваат дека тинејџерот бил застрелан најмалку шест пати, од што два куршума го погодиле во главата, како и дека куршумите што го погодиле не биле истрелани од близина. Но рекол дека целата на неговата обдукција не била да се утврди дали пукањето било оправдано, но сепак истакна дека „полицаецот не требало да пука толку пати“. „Засега постојат премалку информации за да може форензички да се реконструира пукањето“, вели Бедјен.

Полицијата вели дека 28-годишниот Дарен Вилсон кој е осомничен за убиството на Браун, го застрелал во полициско возило додека наводно се кошкале околу пиштол, но има сведоци кои тврдат дека момчето е убиено надвор од возило додека стоело со раце кренати во воздух во знак на предавање.

Тензиите во Фергусон се разгореа откако полицијата емитуваше снимки на кои е идентификуван подоцна убиениот Браун како врши грабеж во продавници и го малтретира нејзиниот сопственик, но истакна дека грабежот и пукањето во кое тој смртно настрадал не се поврзани. Демонстрантите ја критикуваат полицијата дека се обидува со објавувањето на снимките „да го оправда убиството во стилот на егзекуција.

Минатиот четврток интернет порталот Huffington post објави истражување на јавното мнение во САД, според кое 47 отсто од Американците не веруваат во чесна истрага на ова полициско убиство, додека 39 проценти имаат спротивно мислење. Покрај тоа, 43 отсто од испитаниците изјавиле дека полицијата многу лесно и често прибегнува кон употреба на огнено оружје, додека со нив не се согласуваат 32 отсто.

Новото истражување на јавното мнение покажа дека е двојно поголема веројатноста американските црнци на инцидентот да гледаат како расно мотивиран, отколку што е тоа тенденција кај белците. Додека 80 отсто од црните Американци сметаат дека злосторството укажува на проблематичните расни односи во САД, така размислуваат помалку од 40 проценти од белите Американци, покажа анкетата на Pew Research Center. Притоа, доверба во полицијата дека ќе го реши случајот немаат дури 76 отсто од црните испитаници./крај/мф/сн

Извор: Макфакс