Советот за безбедност при Обединетите нации предупреди некои земи во четвртокот дека не ги спроведуваат санкциите против екстремната сунитска организација Исламска држава (IS), а на средбата министрите за финансии го насочија светското внимание на пресекувањето на финансирањето на џихадистичката организација, едногласно усвојувајќи ја резолуцијата подготвена од САД и Русија која се однесува и на други терористички групи чие финансиско и техничко поддржување ќе биде санкционирано.

Петнаесетчлениот Совет едногласно ја усвои резолуцијата којашто ги поврзува постојните мерки против финансирањето на Исламската држава и дава упатства за спроведување за да ги наведе повеќето земји да дејствуваат.Нацрт резолуцијата се темелеше на Поглавјето VII од Повелбата на ОН, што значи призната од страна на Советот закана за меѓународниот мир и безбедноста. Во врска со тоа, мерките наведени во документот се задолжителни. Во резолуцијата се проширува и мандатот на Одборот за санкции на две години, а сегашниот мандат истекува во декември 2017 година.Резолуцијата се темели на заклучоците на Советот за безбедност од февруари, кои забранија тргување со археолошки предмети од Сирија и од Ирак, заканувајќи се со санкции за секој кој купува нафта од Исламската држава или со Џебхат ан-Нусра, сириското крило на Ал Каеда, и ги повика земјите да престанат тајно да плаќаат откупнини за нивните државјани грабнати од екстремните групи.„Веќе имаме многу алатки…. ќе собереме заедно многу нишки, но она што е најпотребно е државите да го прават она што треба да го прават“, изјавил за Reuters американски функционер кој сакал да остане неименуван. Резолуцијата ја „изразува загриженоста поради недостигот од спроведување“ на претходните резолуции донесени против Ал Каеда и Исламската држава. Советот за безбедност го промени називот на својата програма за санкциите против Ал Каеда во „Одбор за санкции против ИСИЛ (Даеш) и Ал Каеда“, и ги повика државите во рок од 120 дена да известат за нивното применување на санкциите.Исламската држава која Одборот за санкции  на Советот за безбедност ја стави на листата терористички организации како дел од Ал Каеда во Ирак во мај 2013 година, тогаш позната како Исламска држава во Ирка и на Левантот (Медитеранот – Шам) – (ISIL/ISIS, односно Daesh што е арапски акроним), со ненадејната офанзива во летото 2014 година зазема големи територии од Ирак и соседна Сирија на кои прогласи „калифат“ менувајќи го името само во Исламска држава.Советот, исто така, посебно побара од државите да известат за „забраните на нивната територија да се префрла во или од Исламската држава или Џабхат ан-Нусра, нафта, нафтени производи, модуларни рафинерии и со нив поврзани материјали“.Се проценува дека Исламската држава заработува најмалку милиони американски долари дневно тргувајќи со украдената нафта во Сирија и во Ирак, или повеќе до 500 милини долари. Русија ја обвини Турција дека е главниот покровител на ваквата трговија, додека САД тврдат дека најголем дел од сириската нафта украдена од џихадистите ја купила сириската влада, но признаваа и дека значителен дел отишол во соседна Турција.Резолуцијата чиј нацрт го подготвија Русија и САД, а како коавтори се јавуваат и над 70 земји, како резултат на планираната 18-месечна ревизија на санкциите против Ал Каеда, беше усвоена на состанокот на министрите за финансии на земјите членки на Советот за безбедност при ОН, со кој  американскиот министер за финансии Џек Ли. САД во декември претседаваат со Советот.На списокот со санкционирани за Исламската држава и Ал Каеда во моментов има 243 поединци и 74 ентитети. Подложени се на ембарго на оружје, глобално замрзнување на имотот и забрана за патувања.Резолуцијата, исто така, бара од земјите да ги спречат своите државјани да финансираат или да даваат услуги на „терористичките организации или поедини терористи во која и да е цел, вклучително но не и ограничувајќи го на регрутирањето, обуката или патувањата, дури и во случај на непостоење врска со конкретен терористички чин“.Експертите на Обединетите нации проценуваат дека во моментов околу 22.000 странски борци од околу 100 земји се поврзани со Ал Каеда и Исламската држава во Сирија и во Ирак. /крај/мф/сн

Извор: Макфакс