Вести
Стејт департментот потврди дека САД не знаат кој го соборил малезискиот авион над Украина
САД сé уште не знаат кој ја истрелал ракетата којашто на 17-ти јули го собори малезискиот „Boeing 777“ со 298 патници и членови на екипажот над источна Украина, одговори на новинарско прашање на редовниот брифинг во четвртокот портпаролката на американскиот Стејт департмент, Мари Харф.
САД сé уште не знаат кој ја истрелал ракетата којашто на 17-ти јули го собори малезискиот „Boeing 777“ со 298 патници и членови на екипажот над источна Украина, одговори на новинарско прашање на редовниот брифинг во четвртокот портпаролката на американскиот Стејт департмент, Мари Харф.
Бидејќи за разлика од Русија, САД сé уште не објавија технички податоци од американското разузнавање за трагедијата со малезискиот авион во источна Украина, новинарите на брифингот во Стејт департментот од Мари Харф барале да се разјасни дали Вашингтон има намера да го стори тоа, или барем да одговори на руските тврдења, портпаролката одговорила дека американските податоци ќе бидат соопштени „до најголемо можно ниво и доколку е неопходно“. Во врска со процените на Вашингтон на руските податоци, Харф, пак, одговорила дека САД „длабоки веруваат во сопствената оцена за она што се случило“.
„Ние веќе ја дадовме нашата оцена. Објавивме толку информации, колку што е можно во моментов. Сé што можевме да го декласифицираме, се содржи во основата на оваа процена. Продолжуваме да работиме напорно, за да можеме да објавиме уште повеќе“, изјави портпаролката на американската дипломатија.
Во продолжение Харф го изнесе веќе познатиот став на САД, којашто според неа почива на информации добиени од различни извори.
„Ние сметаме и веруваме дека ракета СА-11 (Бук) била истрелана од проруските сепаратисти од територијата на Украина. Објавивме фотографија којашто ја покажува траекторијата на проектилот. Таа е заснована на тајна информација и ние не можеме да објасниме како сме ја добиле. Ние, исто така, распространивме информација за тоа зошто сметаме дека двете алтернативни хипотези објавени од Русите, не се веродостојни“, рече Харф алудирајќи на теориите дека малезискиот авион можел да биде урнат од силите на украинските власти од ловец „Су-25“ или од противавионски проектил земја-воздух.
„Сметаме дека истрагата треба да продолжи. Неопходно е да утврди чиј палец бил ставен на чкрапалото. Засега тоа не го знаеме. Исто така, не ги знаеме мотивите, зошто тоа било сторено“, додаде портпаролката на Стејт департментот.
Одговорајќи на прашање на естонски новинар, Харф потврди дела САД го поддржуваат планот за воведување нови пожестоки санкции против Русија од страна на Европската унија, особено затоа што трагедијата со малезискиот авион „не смее да остане неказнета“.
Притоа дописникот на руската агенција Итар-Тасс постави прашање во зошто би имала смисла водење истрага чиишто резултати однапред му се познати на Вашингтон, на што Харф одговори дека таа не гледа никаква пристрасност во тоа.
„Ние знаеме кој со месеци ги поддржува сепаратистите. Знаеме дека без директна поддршка од руската владата тие сепаратисти воопшто нема да можеа да се наоѓаат на истокот на Украина и да го правата тоа што сега го прават“, одговори Харф.
Харф одговори и на прашањето зошто САД ја негираат дури и можноста дека ракетата кон малезискиот авион би можела да биде истрелана од украинската армија. „Русија навистина објави мапа којашто покажува претпоставени локации на распоредени батерии СА-11 во области во дострелот на местото на катастрофата. Ние сме убедени дека таа информација не е вистинита. Ние поседуваме информации дека најблискиот украински систем СА-11 (според западната класификација) се наоѓал надвор од радиусот на дејствување во однос на местото на лансирање на ракетите, така и од местото на падот на авионот. Односно, во тој радиус едноставно немал украински СА-11 (Бук).
На прашањето да биде прецизирано дали оваа информација САД ја добиле од властите во Киев или од социјалните мрежи, Харф одговори дека тоа е американска информација. „Не, тоа е наша сопствена информација. Нашите очи се насочени кон тој регион“.
Два дена по падот на малезискиот авион крај Донецк, област 60-ина километри од границата со Русија којашто ја контролираат проруските бунтовници во Украина, рускиот заменик министер за одбрана Анатолиј Антонов постави десет прашања до команданта на украинската армија и му порача на Киев да ги претстави пред меѓународната јавност извештаите за распоредот на противвоздушните и противавионски ракетни системи за да можат светските експерти да утврдат со каков ракетен систем бил соборен малезискиот авион. Во четвртокот Антонов за руската телевизија Россия 24 изјави дека руското министерство за одбрана во јуни и јули регистрирало десетици ракетирања на територијата на Русија. /крај/мф/сн
Извор: Reuters/Итар-Тасс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.
(Видео) Понудата на Мицкоски за коалицирање е знак на слабост, рече Пендаровски
Кандидатот за претседател Стево Пендаровски вечерва од Бутел рече дека е легитимно и дека е демократски избор секој да коалицира...
Ковачевски до Мицкоски: На Македонија и е потребно национално единство за интеграција во ЕУ, а не за мораториум
Вчера, Мицкоски зборуваше за некакво македонско единство и за мораториуми. За жал, се повеќе и повеќе луѓе сфаќаат дека единствен...
(Видео) Силјановска -Давкова: Пендаровски на многу закони, а и на најважниот, Кривичниот законик не стави вето
„Осум години претседателот повикува на ветинг. Тоа значи или генерален реизбор или пак другата форма на ветинг, кога треба да...
Мицкоски: Државата е украдена од народот од страна на ДУИ и нивните измеќари СДС
Многу е важно да споменеме што ни се случуваше изминативе 6 и половина години, грабеж, понижување, срам и да не...
Спречени 3.000 вработувања и унапредувања предложени од техничката Влада
Управниот суд ги поништи решенијата за вработување и унапредување на над 3.000 вработени во Министерството за финансии и јавниот сектор...
Македонската армија ѝ се заблагодари на Норвешка со знамето на Исланд
Од Армијата на Македонија ги измешаа знамињата на Норвешка и Исланд. Во благодарноста на „Фејсбук“ триесетина минути стоеше, наместо норвешкото,...
Приведено уште едно лице за кражбата на сефот во Црниче
Приведено е уште едно лице за кражбата на сеф од маркет во Црниче. Од МВР информираа дека вториот приведен е...
„Рекет“ не е расчистен, барам фер шанса за да ја докажам својата невиност, Заев беше човекот што комуницира директно со сите, вели Бојан Јовановски
Бојан Јовановски, денеска, во Кривичниот суд предаде барање за повторување на кривичната постапка за предметот „Рекет“, во кој како првообвинет...
МОН известило дека деновите на изборите ќе се одработуваат во две саботи, а на 15 јуни и часовите пропшуштени поради самитот на ОБСЕ
Министерството за образование и наука (МОН) ги известило училиштата дека неработните денови на одржување на изборите ќе се одработат во...
САД ставија вето на приемот на Палестина во ОН
Соединетите Американски Држави ставија вето на нацрт-резолуцијата на Советот за безбедност на Обединетите нации „Државата Палестина да биде прифатена како...
Небензја: Америка го крши духот на Палестинците, ги принудува да му се покорат на Израел
САД, кои ја блокираа резолуцијата за Палестина во Советот за безбедност на ОН, се обидуваат да ја скршат волјата на...
Мицкоски: Преземам иницијатива за создавање национално единство, и запирање на сите напади кон Левицата и ЗНАМ, државата е одземена од народот
„ВМРО-ДПМНЕ – ВМРО Демократска партија за македонско национално единство, тоа е многу силно име, кое не само заради историското ВМРО...
Маричиќ: Оваа Влада ги покачи пензиите 50 проценти и ветуваме дека во наредниот мандат просечната пензија ќе биде од 500 евра
Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде...
Си-ен-ен: Остин разговараше со Галант пред нападот на Иран, Вашингтон не ја поддржува оваа акција
Американскиот секретар за одбрана, Лојд Остин, разговараше во четвртокот со израелскиот министер за одбрана, Јоав Галант, за „регионалните закани и...
Трамп: Опстанокот на Украина е важен за САД
Доналд Трамп рече дека опстанокот на Украина е важен за Соединетите Американски Држави. Поранешниот претседател поголемиот дел од својата објава...
(Видео) Светските медиуми: Израелски проектил го погоди Иран
Израел го нападна Иран, јавуваат светските медиуми. Ројтерс цитираше изјава од три лица запознаени со ова прашање, додека иранските државни...
(Видео) Силјановска -Давкова: На 9 мај ќе го славиме Денот на победата над фашизмот и Денот на Европа, но ќе славиме и за Македонија
„На 9-ти мај ќе го прославуваме Денот на победата над фашизмот и Денот на Европа! На 9-ти мај, ќе ја...
Мицкоски: Повикувам на обезбедување на македонско национално единство, обзнанувам мораториум и запирање на сите напади кон партиите Левица и ЗНАМ
Нашето име е ВМРО-ДПМНЕ, ВМРО – демократска партија за македонско национално единство. Тоа е многу силно име, кое не само...
(Видео) Ковачевски: Со Мицкоски и ДПМНЕ е можно само враќање назад во изолација и режим, далеку од Европа
Со Мицкоски и ДПМНЕ е можно само враќање назад во изолација и режим, далеку од Европа, рече претседателот на СДСМ,...
(Видео) „Мицкоски на чист бугарски јазик му кажа на Борисов дека го поддржува договорот“, рече Пендаровски во Виница
Како дел од изборната кампања, кандидатот за претседател Стево Пендаровски попладнево беше меѓу граѓаните на општина Виница. На прашање на...
