Генералниот секретар на НАТО, Јенс Столтенберг, изјави во саботата во Минхен дека Алијансата не семе да избира меѓу одбраната и дијалогот кога станува збор за односот со Русија, бидејќи тие два сегмента се еднакво важни за да се сочува мирот и стабилноста.

„Русија ние најголемиот сосед и е меѓународна сила. НАТО не сакал судир и истовремено, нашиот одговор треба да биде цврст. Силно верувам дека одговорот лежи во посилна одбрана и во повеќе дијалог“, изјави генералниот секретар на североатлантската воена алијанса Јенс Столтенберг на годишната Минхенска безбедносна конференција.

Истакна дека опасности за НАТО постојат и од исток и од југ. „НАТО го презема најголемото јакнење на колективната одбрана во повеќе децении за да испрати јасен сигнал да одврати непријателска агресија, без разлика дали доаѓа од истокот или од југот, од држава или од недржавни елементи, конвенционално или нуклеарно оружје“, истакна Столтенберг.

НАТО оваа седмица донесе одлуки за јакнење во источниот дел на Алијансата, каде ќе бидат распоредени мултинационални сили кои ќе ротираат, а како многу силен знак на солидарноста САД донесе планови за јакнење на своето воено присуство во Европа, потсети Столтенберг, На самитот во Варшава во јули тој очекува натамошни одлуки за дополнително јакнење на одбраната на Алијансата.

Столтенберг нагласи дека одбраната содржи и нуклеарна компонента, но додека „руската реторика за нуклеарните сили има цел да застраши, за НАТО разговорите за какво и да е користење на нуклеарно оружје се исклучиво насочени на одбранбени цели“.

„НАТО продолжува да го намалува бројот на нуклеарното оружје, го сметаме за сигурно за одвраќање, и зачувување на мирот, а не за застрашување. Нашата политика на балистичките ракети, исто така, е само одбранбена. Нико не смее да мисли дека нуклеарното оружје може да биде користено како дел од конвенционална војна, бидејќи тоа фундаментално би го променило секој судир“, рече Столтенберг.

Освен одбранбената компонента, Столтенберг нагласи дека дијалогот го смета за многу важен особено за прашањата каде што разликите се длабоки, како што е Украина. Рече дека во петокот се сретнал со рускиот министер за надворешни работи Сергеј Лавров со кој разговарал за можноста да бидат обновени односите во Советот НАТО – Русија.

Освен тоа, во саботата претпладнето, на маргините на безбедносната конференција во Минхен, беше одржана средба на претставниците на Украина, Русија, Франција и Германија, таканаречената Нормандиска четворка, една година по склучувањето на договорот од Минск за запирање на судирите во рискојазичниот исток на Украина. Целта на средбата беше да се даде дополнителен поттик во спроведувањето на мировниот договор кој досега не ги даде посакуваните резултати во поглед на целосниот прекин на огнот и целосното повлекување на оружјето со голем калибар.

Што се однесува до предизвиците за Алијансата кои доаѓаат од југот, Столтенберг потсети дека НАТО оваа седмица, исто така, донесе важни одлуки, наведувајќи го ангажманот на силите на сојузот во Егејското Море против криумчарите со луѓе и јакнењето на разузнавачката контрола на турско-сириската граница./крај/мф/сн

Извор: Макфакс