Епидемијата на еболата досега однесе 1.350 животи соопшти во средата навечер Светската здравствена организација (СЗО – WHO), известувајќи за уште 106 смртни случи во два дена (17-ти и 18-ти август), а британски научник проценува дека досега околу 30 илјади луѓе можеле да го употребат експерименталниот лек или вакцината за хеморагиската треска ебола.

Во двата споменати дена регистрирани се 211 нов случај на болеста, потврден, сомнителен и можен, и 106 починати во четирите земји од западна Африка зафатени од епидемијата,соопшти здравствената агенција на Обединетите нации. СЗО од почетокот досега регистрирал 2.473 случаи, од кои 1.350 смртни.Либерија, каде што во средата е пријавено дека епидемијата на еболата незапирливо се шири и поради тоа е воведена вонредна состојба, на 17-ти и 18-ти август регистрирала најголем број нови жертви – 95 и најголем број од 126 новозаболени. Во Либерија има вкупно 872 случаи, од кои досеа 576 завршиле со смртен исход.Во Сиера Леоне во посочениот период имало 9 мртви и 59 нови заболени. Во оваа земја има 9067 заболени од кои 374 починале. Во Гвинеја, од каде и епидемијата започна да се шири, починале уште 2 лица а уште 36 заболеле. Во земјата се регистрирани 579 случаи и 396 починати. Од СЗО истакнаа дека во Нигерија не е забележан ниеден нов случај. Таа е најнаселената африканска земја во која има вкупно 15 заболени и 4 смртни случаи, Нигериското министерство за здравство изведи дека во вторникот навечер болеста ја земала и 5-та жртва. СЗО на 8-ми август прогласи вонредна состојба во светското јавно здравство поради оваа досега незапаметена епидемија на хеморагиската грозница ебола и препорача воведување вонредни мерки во погодените земји.Засега не постои соодветен лек или вакцина за вирусот на еболата. Меѓутоа, група експерти на СЗО вонредно одобри дека во погодените земји поделат експерименталните лекови и вакцини, признавајќи дека сепак мал број пациенти може да ги добијат, имајќи ги предвид малите количества кои стојат на располагање.Во студијата објавена во научното списание Nature, Оливие Брејди, епидемиолог од универзитетот Оксфорд, наведува дека бројката од 30 илјади луѓе е „претпазливо сценарио“ коешто се темели на облиците на зараза забележани во досегашните епидемии од еболата кои главно зафаќале изолирани селски области. За да дојде до таа бројка, утврдил четири групи луѓе: пациентите и нивните семејства, медицинскиот персонал задолжен за нивната нега и за згрижување на телата, хуманитарните активисти и другите социјални работници кои се во контакт со нив и патниците коишто се враќаат од ризичните подрачја.Одговарајќи на прашање на AFP, Брејди истакнува дена не може ништо да каже за идните потреби, имајќи го преглед моменталното ширење на епидемијата во градските средини. „Тешко е да се каже како тие бројки ќе растат. Јасно е дека епидемијаа е далеку од крајот“, додава.Епидемијата којашто веќе деветти месец ги пустоши земјите од западна Африка, е најтешката во 14-те последни епидемии од истиот вирус наречен и Заирски сој, според поранешното име на сегашната Демократска Република Конго каде што првпат беше откриен во 1976 година.Количествата од ексеприменталниот американски серум „ZMapp“, кој инаку даде позитивен резултат кај повеќе заболени, веќе се потрошени, истакна Брејди, а расположивите резерви од другите експериментални лекови можат да се користат само кај „неколку стотини, па дури и десетици луѓе“. Џонатан Бол, професор по молекулска вирологија на универзитетот во Нотингем, изјави дека е „важно точно да се одреди што сакаме да се добие со овие интервенции, бидејќи лековите за разлија од вакцините, никогаш не успеале да искоренат епидемии на вирусни инфекции“. Оценува дека најдобро средство во борба со епидемијата е „подучувањето, помошта од државата, подобрените медицински служби и строгиот надзор на инфекцијата“./крај/мф/сн

Извор: AFP