Милијардерот Доналд Трамп и сенаторот од Тексас Тед Круз, кандидати со најголеми шанси за добивање на номинацијата на Републиканската партија за американските претседателски избори во ноември годинава, според оцените на медиумите, го прекршија необјавениот договор за меѓусебно ненапаѓање во телевизиското соочување во четвртокот во кое според анкетите победи Трамп оспорувајќи ја подобноста на Круз да се натпреварува бидејќи е роден во Канада, а не во САД.

Сенаторот Тед Круз, роден во Канада од американска мајка и кубански татко, одговори дека е квалификуван за претседателската трка според уставот, бидејќи децата на Американците родени во странство автоматски се сметаат за државјани на САД, пренесува агенцијата DPA. На нападите одговори со хумор, потсетувајќи го претприемачот Доналд Трамп дека пред неколку месеци и самиот изјави дека Круз е подобен, а сега го променил мислењето.

„Меѓутоа, од септември уставот не се промени“, рекол 45-годишниот Круз и потоа поентирал „Но се променија бројките во анкетите“. „Признавам дека Трампа е вџашен од тоа што му опаѓа популарноста во сојузната држава Ајова. Но фактите и законот тука се кристално јасни“.

Испитувањето на подобноста на местото на раѓање, инаку, не е нова стратегија на 69-годишнито Трамп, кој своевремено тврдеше дека актуелниот претседател Барак Обама не е роден Американец.

Круз е сé популарен во сојузната држава Ајова, којашто прва, веќе на 1-ви февруари, ќе гласа во серијата внатрепартиски изјаснувања на републиканците за номинацијата за трката за Белата куќа.

Се до четвртокот вечерта Трамп и Круз беа меѓусебно коректни, и двајцата имајќи ја предвид поддршката на ултраконзервативното движење Чајанка (Tea Party) и не сакаа да ги разлутат неговите приврзаници, потсетува Reuters.

Седум републиканци учествуваа во телевизиската дебата ноќта кон петокот на каналот Fox Business во Норт Чарлстон во сојузната држава Јужна Каролина во ударниот термин, а неколку други се соочија во помалку гледаниот термин, на помалку од три седмици пред клучните гласања на 1-ви февруари токму во Ајова.

Анкетите покажаа дела Трамп никој „не го исфрлил од седлото“. Според анкетата на Google, Трамп е победник на дебатата со 37,3 отсто, а следат Круз со 26,6 и Марко Рубио, сенаторот од Флорида, со 12,1 отсто.

Вториот кандидат, поранешниот гувернер на Флорида, Џен Буш, кои настојуваше да се прикаже како глас на разумот против Трамп, како и гувернерот Њу Џерси, Крис Кристи и гувернерот на Охајо, Џон Кејсич, во дебатата останаа во сенката на дуелот Трамп- Круз, констатира Reuters.

И покрај меѓусебните напади, сите републиканци се обединети во фронтот против заедничките непријатели, актуелниот претседател Барак Обама и најверојатната кандидатка за трката за Белата куќа од неговата Демократска партија, поранешната прва дама на САД и државен секретар Хилари Родам Клинтон. Така, Буш порача дека „Хилари Клинтон би претставувала за национална безбедност“.

Аналитичарите чиишто оцени ги пренесува Reuters, се согласуваат сé повеќе со сведува на двајца, Трамп и Круз, а кај некои тоа буди загриженост. Томас Донахју, директорот Американската трговска комора, можеби највлијателната група за деловно лобирање во САД, гласно ја изрази загриженоста. Републиканската трка ја нарече „проклето серизона и помалку застрашувачка“.

И Трамп и Круз заговараат прекинување и на легалното и на илегалното доселување, а Трамп и на привремена забрана за влегување на муслиманите во САД како реакција на терористичкиот напади од декември во Калифорнија. Без конкретно да именува некого, Донахју вели дека „некои многу силни гласови говорат дека Америка треба да се огради од талентите и од трговијата и напаѓаат цели групи луѓе, но не на основа на нивното однесување, туку поради нивната националност или религија. Тоа е морално погрешно и политички глупо“./крај/мф/сн

Извор: Макфакс