Вести
Трамп ја намали благо предноста на Клинтон по нападот во Орландо
Водството Хилари Клинтон во однос на Доналд Трамп во американската претседателска трка се намалило од минатата седмица, покажува истражувањето на јавното менине на Reuters/Ipsos спроведено по терористичкиот напад во неделата во Орландо.
Трамп, кој остана единствен кандидат на Републиканската партија на изборите за 8-ми ноември, го обвини демократите за најголемото масовно убиство со огнено оружје во американската понова историја и го повтори своето верување дека ќе ја забрани привремено миграцијата на муслиманите во САД, додека Клинтон предупреди на опасноста од демонизирање на американските муслимани.
Истражувањето спроведено од минатиот петок до вторникот покажа дека Клинтон води пред Трамп со 11,6-процентни поени разлија, односно 44,6 наспроти 33 отсто, што е намалување во однос на 13-те отсто предност која ја имаше во претходните пет дена до саботата.
Нападот во кој вооружениот маж уби 49 луѓе во ноќен клуб за хомосексуалци и рани 53 може да има траен ефект врз претседателската трка, вмешувајќи ја загриженоста поради имиграцијата, насилството со огнено оружје и верската толеранција во веќе и онака експлозивната и жестоката негативна кампања.
Напаѓачот, 29-годишниот Американец Омар Садик Матин, син на авганистански имигранти роден во САД, во текот на тричасовната криза ја повикал службата за итни состојби и рекол дека чинот го извршува во име на џихадистичката група Исламска држава.
Трамп го искористи нападот за да го обвини претседателот Барак Обама кој е од Демократската партија дека не се занимавал со радикалниот исламски тероризам, и особено дека одбегнува да го користи тој термин, опоменувајќи дека политиките на Хилари Клинтон за имиграцијата би овозможило во земјата да влезат уште повеќе потенцијални напаѓачи и го повтори својот превентивен прекин на имигрирањето на муслимани во САД.
Во говорот во понеделникот Трамп изјави дека привремено би ја прекинал имиграцијата од земјите кои „имаат докажана историја на тероризам“ против САД, Европа и сојузничките земји „додека потполно не сфатиме како да ставиме крај на овие закани“.
Клонтон, којашто е најверојатен кандидат на Демократската партија, изјави дека реакцијата на Трамп на нападот е вознемирувачка. „Предрасудата, паранојата и пристрасноста не се план и нема да заштитат никого“, изјави Клинтон во соопштение. Повторно ја истакна својата поддршка на усогласена воена акција во Сирија и Ирак, и повика на поостра контрола на продажбата на огнено оружје во САД.
Но падот на наклонетоста за Клинтон, не беше само добивка за Трамп. Уделот на гласачите кои рекле дека нема да гласаат за неден кандидат е во постојан пораст од минатата седмица, Околу 22,4 отсто од веројатните гласачи не би одбрале ниеден од двајцата кандидати, според петдневниот просел од резултатите во вторникот. Тоа претставува зголемување во однос на 20,6 отсто пред една седмица./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.