Три децениии од убиството на Индира Ганди, долгогодишна претседателка на владата на Индија и една од водечките личности на Движењето на неврзаните, се одбележуваат во петок, 31-ви октомври.

Индира Ганди беше убиена на 67-годишна возраст во атентат на 31-ви октомври 1984 година. 

На почетокот опишувана како „нема кукла“, а подоцна прогласена за најголем индиски премиер и „жена на милениумот“, Индира на чело на владата, со прекини, се наоѓаше повеќе од 11 години, сè до нејзината трагична смрт. Под нејзино водство Индија несомнено беше неприкосновен регинален лидер. 

Индира Ганди, родена 1917 година, била единствено дете на Џавахарлал Нехру, прв премиер на независна Индија. 

Се школувала на Оксфорд и на Универзитеот Висва-Барати во Западен Бенгал. Се приклучила на движењето за ослободување на Индија во 1938 година, а се омажила четири години подоцна за правникот и политичар Ферозе Ганди. 

Поради нивната политичка активност, младата брачна двојка била осудена на 13 месеци затвор од страна на британските колонијални власти во текот на Втората светска војна. 

По смртта на нејзиниот татко, 1964 година, Ганди станала министер за информирање и портпарол на премиерот, а од 1966 извршувала нецелосен премиерски мандат во кој извесно време била и шеф на дипломатијата. 

Како социјалист, Индира ги укинала традиционалите привилегии, пред сè оние кои ги уживале махараџите. По реизборот во 1971 година го запрепастила светот со прогласување вонредна состојба. Тогаш, според неа, е ставена точка на демократијата, противниците се затворани, а печатот замолкнат. 

Во 1977 погрешно ја проценила нејзината популарност, распишала избори и ги изгубила. Три години подоцна повторно била избрана, но овој пат била помалку авторитарна. 

Кога ја почнала „Зелената револуција“ (1967-1978) Индира успеала сиромашната Индија да ја претвори во земја која може сама да ги покрие потребите за храна. Економистите признаа дека ја спасила економијата, но укажале дека ја зголемила контролата над увозот, ја национализирала банката, ги подигнала царинските бариери и дека со затворената економска политика го кочела развојот. 

Во тоа време Индија реализирала атомска програма, а првата нукеларна проба била изведена во 1974 година. 

Во 2001 година Индира е прогласена за најголем индиски премиер. 

BBC во декември 1999 година во меѓународна анкета ја прогласи Индира за „жена на милениумот“. 

Таа беше и една од водечките личности на Движењето на неврзаните. 

Двајца припадници на народот Сика воедно и припадници на нејзината гарда ја убија Индира на 31-ви октомври 1984 година. Тоа беше одмазда за упадот во Златниот хран во Амрикар, свет град на народот Сика во Пенџаби каде што бил утврден водачот на тамошните сецесионисти.  Нејзината наредба војската да влезе во Златниот храм и да ги совлада бунтовниците била спроведена брутално и предизвикала огромно незадоволство на заедницата Сика. 

Синот на Индира и нејзин наследник на премиерската функција Раџив Ганди ја доживеал истата судбина. Раџив бил на власт пет години, до поразот во 1989 година. Бил убиен во 1991 година во самоубиствен напад на тамилски фанатик. 

Неговата сопруга Соња Ганди (67) која многумина ја сметаат за највлијателна политичка фигура во Индија, иако била избрана за премиер ја одбила функцијата, задржувајќи го пратеничкиот мандат и лидерската позиција во владејачката Конгресна партија. 

Семејната традиција ја продолжува синот на Раџив и Соња, Раул.крај/мф/сд