Израелскиот Бенјамин Нетанјаху објави во понеделникот во Рим, како што претходно беше најавено, постигнувањето договор за помирување со Турција, кој, како што рече, треба да донесе стабилност на Блискиот исток, пренесуваат агенциите.

„Светот е во превирање. Блискиот исток е во превирање. Мојата цела како премиер е да создадам точки на стабилност во оваа променлив и бурен регион“, изјави израелскиот премиер Бенјамин Нетанјхау на прес-конференцијата во Рим зборувајќи за договорот кој истовремено беше објавен и во Анкара, пренесува агенцијата DPA Соработката меѓу Израел и Турција, којашто граничи со Сирија, Ирак и Иран, долго беше клучниот елемент на американската политика на Блискиот исток. Со појавувањето на џихадистичката Исламската држава и компликуваните односи со Иран, овие односи одново имаат голема важност за Вашингтон, кој се смета всушност за изворот на ваквите зачестени наводи околу израелско-труските односи во последните денови, по тензиите меѓу Русија и Турција поради уривањето на рускиот авион.

Прекинот на односите меѓу Труција и Израел настапи по загинувањето на десетте турски државјани кои на бродот „Мави Мармарa“ се обидоа на 31-ви мај 2010 година да ја пробијат израелската блокада на Појасот Газа во рамките на хуманитарната Флотила на слободата од шест брода, кои настрадаат во судир со израелските командоси кои се качија на бродот во обид да го пренасочат неговото пловење.

„Ние сме две сили во регионот и расколот меѓу нас не придонесе кон ниеден од нашите заеднички интереси“, додал Нетанјаху.

Со договорот склучен во Рим, Израел се согласува со барањето на Турција да исплати отштетат на повредените и на семејствата на загинатите во висина од 20 милион американки долари, дознава агенцијата AFP.

Турскиот премиер Бинали Јилдирим истовремено во Анкара најави повторно именување на амбасадор во вторник, откако двете земји го договорија обновувањето на дипломатските односи, пренесе Reuters.

Во согласност со договорот за нормализација на односите Израел дозволил градење болница, нови електрични централи и погодни за вода за пиење во Газа. Турција би испратила помош во Газа, но не директно, туку преку израелските пристаништата и гранични премини каде што и претходно се проверуваа товарите наменети за палестинската енклава.

Јилдирим, исто така, рекол дека турски брод со хуманитарна помош за Газа ќе заплови о петок кон израелското пристаниште Ашдод, пренесува турската провладина агенција Anadolu.

„Се надевам дека овој договор ќе придонесе на нашиот народ, како и за Палестинците“, рекол Јилдирим додавајќи дека Турција е „заштитник на правата на Палестинците, вклучително и правата на држава“, како и дека „сака и тие тоа да го знаат“.

И покрај тоа, израелската поморска блокада на Газа останува на сила.

„Тоа е наш најголем безбедносен интерес, не би правел компромиси околу него. Тој интерес е клучен за спречување на вооружувањето на Хамас, останува таков каков што секогаш бил“, порачал Нетанјаху.

Пред објавувањето на договорот турскиот претседател Реџеп Тајип Ердоган во неделата ноќта телефонски разговарал со челникот на Палестинската национална самоуправа, Махмуд Абас известувајќи го дека со договорот со Израел е договорено подобрување на хуманитарната ситуација во Газа.

Висок турски функционер, кој сакал да остане неименуван, рекол дека договорот претставува „дипломатска победа“ за Турција чиишто услови се прифатени, иако Израел не се согласил а ја укине ниту да ја олесни блокадата на Газа, што беше еден од главните и најгласно поставувани услови од страна на Анкара./крај/мф/сн

Извор: Макфакс